മഞ്ഞ് കാലത്ത് ഇവ കഴിക്കുമ്പോള്‍ ആലോചിക്കാം

പാല്‍ പാലുല്‍പ്പന്നങ്ങള്‍

പാലും പാലുല്‍പ്പന്നങ്ങളുമാണ് ഏറ്റവും കൂടുതലായി ഒഴിവാക്കേണ്ടത്. എന്നാല്‍ പലപ്പോഴും നമുക്ക് ഒഴിവാക്കാനാവാത്ത പദാര്‍ത്ഥമാണ് പാലും പാലുല്‍പ്പന്നങ്ങളും. ഇത് ശരീരത്തിന് തണുപ്പ് വര്‍ദ്ധിപ്പിക്കുകയും ഭക്ഷണം ദഹിക്കാന്‍ ബുദ്ധിമുട്ടുണ്ടാക്കുകയും ചെയ്യുന്നു.

കാപ്പിയെന്ന വില്ലന്‍

തണുപ്പ് കാലത്ത് കാപ്പി കുടിയ്ക്കുന്നത് ഉന്‍മേഷം നല്‍കും. എന്നാല്‍ കാപ്പി ഒഴിവാക്കേണ്ട ഒന്നാണ് എന്നാണ് ആരോഗ്യ വിദഗ്ധര്‍ പറയുന്നത്. ഇത് ചുമയ്ക്കും ജലദോഷത്തിനും കാരണമാകും.

ഇറച്ചിയ്ക്ക് റെഡ് സിഗ്നല്‍

മുട്ടയിലും ഇറച്ചിയിലും നിരവധി പ്രോട്ടീന്‍ ആണ് അടങ്ങിയിട്ടുള്ളത്. എന്നാല്‍ തണുപ്പു കാലത്ത് ഇത്രയും വിഷം വമിക്കുന്ന മറ്റൊരു ഭക്ഷണം ഇല്ലെന്നു തന്നെ പറയാം. ഇതിനു കാരണമെന്താണെന്നു വെച്ചാല്‍ തണുപ്പു കാലത്ത് ഏത് പഴകിയ ഇറച്ചിയും ഫ്രഷ് ആയി ഇരിക്കുന്നതായി തോന്നും. ഇതുണ്ടാക്കുന്ന ആരോഗ്യപ്രശ്‌നങ്ങള്‍ക്ക് ഒരിക്കലും അറുതിയില്ല എന്നതും സത്യം.

കൊഴുപ്പു കൂടിയ ഭക്ഷണങ്ങള്‍

എണ്ണയും കൊഴുപ്പും കൂടുതല്‍ അടങ്ങിയ ഭക്ഷണങ്ങള്‍ കഴിയ്ക്കാതിരിക്കുന്നതാണ് നല്ലത്. വെണ്ണ, പാല്‍ക്കട്ടി തുടങ്ങിയവ കഫക്കെട്ടിന് കാരണമാകും. അതുകൊണ്ടു തന്നെ ഇത്തരത്തിലുള്ള ഭക്ഷണങ്ങള്‍ കഴിയ്ക്കുന്നത് പരമാവധി ഒഴിവാക്കുക.

സ്‌നാക്‌സ്

വൈകുന്നേരങ്ങളില്‍ നമ്മുടെ സമയം അധികവും സ്‌നാക്‌സ് കഴിയ്ക്കുന്നതിനായി നീക്കിവെയ്ക്കും. പാസ്ത, ബ്രെഡ് തുടങ്ങിയവ അടങ്ങിയിട്ടുള്ള ഭക്ഷണങ്ങള്‍ കഴിയ്ക്കുന്നത് കഫക്കെട്ടിനോടൊപ്പം തന്നെ മറ്റു ചില ആരോഗ്യ പ്രശ്‌നങ്ങളും ഉണ്ടാക്കും.

ചോക്ലേറ്റ്

ചോക്ലേറ്റ് കഴിയ്ക്കാന്‍ കാലമോ സമയമോ ഇല്ല. എന്നാല്‍ എല്ലാത്തിനും അതിന്റേതായ സമയമുണ്ടെന്നല്ലേ വെപ്പ്. അതുകൊണ്ടു തന്നെ മഞ്ഞു കാലത്ത് ചോക്ലേറ്റ് കഴിയ്ക്കുന്നത് പരമാവധി ഒഴിവാക്കുക.