നിങ്ങളെ രോഗിയാക്കും ഭക്ഷണക്കൂട്ടുകള്‍

ഇറച്ചിയും ചീസും

ഇറച്ചിയും ചീസും ഒരുമിച്ചു കഴിയ്ക്കുന്നത് ദോഷമാണ്. ഇവ രണ്ടിലും പ്രോട്ടീന്‍ ധാരാളമുണ്ട്. ഒരുമിച്ചു കഴിയ്ക്കുമ്പോള്‍ പ്രോട്ടീന്‍ ലിവറില്‍ വല്ലാതെ കൂടും. ഇത് ലിവറിന് ആരോഗ്യപ്രശ്‌നങ്ങള്‍ സൃഷ്ടിയ്ക്കും.

വൈറ്റ് ബ്രെഡിനൊപ്പം

വൈറ്റ് ബ്രെഡിനൊപ്പം ബട്ടര്‍, എണ്ണയുപയോഗിച്ചുണ്ടാക്കിയ മുട്ട, ചീസ്, ഇറച്ചി എന്നിവ ഒഴിവാക്കുക. കാരണം ഇത് ദഹനത്തെ സഹായിക്കുന്ന ബൈല്‍ ജ്യൂസിന്റെ ഉല്‍പാദനം കുറയ്ക്കും.

ഭക്ഷണത്തിനിടയിലും ഭക്ഷണം കഴിഞ്ഞയുടനെയും വെള്ളം

ഭക്ഷണത്തിനിടയിലും ഭക്ഷണം കഴിഞ്ഞയുടനെയും വെള്ളം കുടിയ്ക്കുന്നത് ഒഴിവാക്കുക. കാരണം ഇത് വയറ്റില്‍ ഗ്യാസുണ്ടാകാനും ഭക്ഷണത്തിന്റെ ദഹനത്തെയും ബാധിയ്ക്കും. ഭക്ഷണത്തിന് 10 മിനിറ്റു മുന്‍പും ഭക്ഷണത്തിനു ശേഷം അര മണിക്കൂര്‍ കഴിഞ്ഞും വെള്ളം കുടിയ്ക്കുക.

ഭക്ഷണത്തിനു തൊട്ടു പുറകെ കാപ്പി. ചായ

ഭക്ഷണത്തിനു തൊട്ടു പുറകെ കാപ്പി. ചായ ശീലങ്ങള്‍ ഒഴിവാക്കുക. കാരണം ഇവ വയറ്റിലെ അസിഡിക് മീഡിയത്തെ ബാധിയ്ക്കും. ഇതുവഴി ഭക്ഷണത്തിലെ പ്രോട്ടീനുകള്‍ വേണ്ട രീതിയില്‍ ആഗിരണം ചെയ്യാന്‍ ശരീരത്തിന് കഴിയാതെ വരും. മാത്രമല്ല, ദഹനപ്രക്രിയയും തടസപ്പെടും.

അസിഡിറ്റിയുള്ള ഭക്ഷണങ്ങള്‍ കാര്‍ബോഹൈഡ്രേറ്റുകള്‍ക്കൊപ്പം

ചെറുനാരങ്ങ, തക്കാളി തുടങ്ങിയ അസിഡിറ്റിയുള്ള ഭക്ഷണങ്ങള്‍ കാര്‍ബോഹൈഡ്രേറ്റുകള്‍ക്കൊപ്പം കഴിയ്ക്കരുത്. കാരണം ഇവ ദഹനത്തിന് പ്രശ്‌നങ്ങള്‍ സൃഷ്ടിയ്ക്കും.

ഭക്ഷണശേഷം ഉടനടി ഫ്രൂട്‌സ്

ഭക്ഷണശേഷം ഉടനടി ഫ്രൂട്‌സ് കഴിയ്ക്കുന്നതും നല്ലതല്ല. ഇത് ദഹനത്തെ തടസപ്പെടുത്തി ഗ്യാസ് പ്രശ്‌നങ്ങളുണ്ടാക്കുന്നു. ഭക്ഷണത്തിന് ഒരു മണിക്കൂര്‍ മുന്‍പും ശേഷവും മാത്രം ഫ്രൂട്‌സ് കഴിയ്ക്കുക.

മാട്ടിറച്ചി സ്റ്റാര്‍ച്ചടങ്ങിയ ഭക്ഷണങ്ങളോടൊപ്പം

മാട്ടിറച്ചി സ്റ്റാര്‍ച്ചടങ്ങിയ ഉരുളക്കിഴങ്ങ്, ചോറ് തുടങ്ങിയ ഭക്ഷണങ്ങളോടൊപ്പം കഴിയ്ക്കരുത്. ഇവ ഒരുമിച്ചു ദഹിയ്ക്കാന്‍ ഏറെ ബുദ്ധിമുട്ടാണ്.