ഇവയ്ക്ക് എക്‌സ്പയറി ഡേറ്റില്ല!!

വെള്ള അരി

പല അരിയും നിശ്ചിത സമയം കഴിഞ്ഞാല്‍ ചീത്തയാവാന്‍ തുടങ്ങും. എന്നാല്‍ വെള്ള അരി എത്ര കാലം കഴിഞ്ഞാലും ചീത്തയാവില്ല എന്നതാണ് സത്യം. വിശ്വസിച്ചാലും ഇല്ലെങ്കിലും 30 വര്‍ഷം വരെയെങ്കിലും ചീത്തയാവാതിരിക്കാനുള്ള കഴിവ് വെള്ളയരിക്കുണ്ട്. ഇതിന് കാരണം ഇത് സൂക്ഷിക്കുന്നത് 40 ഡിഗ്രി ഫാരന്‍ ഹീറ്റിലാണ് എന്നുള്ളതാണ്.

തേന്‍

5500 വര്‍ഷം പഴക്കമുള്ള തേന്‍ കണ്ടു പിടിച്ചിട്ടുണ്ട്. അതും ഒട്ടും നാശമാകാത്ത രീതിയില്‍ ഉള്ളത്. ഇത് വളരെ അസിഡിക് ആയതിനാലും ഈര്‍പ്പം തട്ടാതെ സൂക്ഷിച്ചാലും എത്ര വര്‍ഷം വേണമെങ്കിലും സൂക്ഷിക്കാം. കൂടാതെ ഇതില്‍ ബാക്ടീരിയ വളരാനുള്ള സാഹചര്യവും വളരെ കുറവായിരിക്കും.

ഉപ്പ്

ഉപ്പില്ലാത്ത ഭക്ഷണത്തെക്കുറിച്ച് നമുക്ക് ആലോചിക്കാന്‍ പോലും കഴിയില്ല. അതു പോലെയാണ് ഉപ്പിന്റെ കാര്യവും എത്ര നാള്‍ വേണമെങ്കിലും കേടു കൂടാതെ സൂക്ഷിക്കാം. ഏകദേശം അഞ്ച് വര്‍ഷം വരെ ഉപ്പ് കേടുകൂടാതെ സൂക്ഷിക്കാന്‍ പറ്റും.

സോയ സോസ്

സോയ സോസ് ഇതുപോലെ എത്ര വര്‍ഷം വേണമെങ്കിലും സൂക്ഷിക്കാവുന്ന ഒന്നാണ്. ഇത് ഫ്രിഡ്ജില്‍ സൂക്ഷിക്കുകയാണെങ്കില്‍ വര്‍ഷങ്ങളോളം കേടു കേടാതിരിക്കും.

പഞ്ചസാര

ഈര്‍പ്പമില്ലാതെ സൂക്ഷിച്ചാല്‍ എത്ര നാള്‍ വേണമെങ്കിലും കേടു കൂടാതിരിക്കുന്ന ഒന്നാണ് പഞ്ചസാര. ഇപ്പോഴും പല രാജ്യങ്ങളിലും വര്‍ഷങ്ങള്‍ക്കു മുന്‍പ് ഉപയോഗിച്ചിരുന്ന പഞ്ചസാര ഉപയോഗിക്കുന്നുണ്ട്.

ഉണങ്ങിയ ബീന്‍സ്

ഉണങ്ങിയ ബീന്‍സ് ഏകദേശം അഞ്ച് വര്‍ഷത്തോളം കേടു കൂടാതെ ഇരിക്കും എന്നുള്ളതാണ് മറ്റൊരു പ്രത്യേകത. മാത്രമല്ല എന്തെങ്കിലും അത്യാവശ്യ സാഹചര്യമാണെങ്കില്‍ ഇത് 30 വര്‍ഷം വരെ കേടു കൂടാതിരിക്കും.

പാല്‍പ്പൊടി

പാല്‍പ്പൊടിയും മറ്റൊരു പ്രധാനപ്പെട്ട വസ്തുവാണ്. പാലാണെങ്കില്‍ രാവിലെ എടുത്ത് വൈകുന്നേരം ആവുമ്പോഴേക്ക് ചീത്തയാവുന്ന അവസ്ഥയാണ്‌ നിലവിലുള്ളത്. പാല്‍പ്പൊടി എത്രനാളു വേണമെങ്കിലും കേടു കൂടാതിരിക്കും.

മദ്യം

മദ്യത്തിന് എക്‌സ്പയറി ഡേറ്റ് നിശ്ചയിക്കാന്‍ കഴിയില്ല. അതുകൊണ്ടു തന്നെ എത്ര കാലം വേണമെങ്കിലും ചീത്തയാവാതെ ഇരിക്കും. ഇതാകട്ടെ പഴകുന്തോറും സ്വാദ് കൂടുകയും ചെയ്യുന്നു.

പെമിക്കന്‍

ഒരു പ്രത്യേക തരത്തില്‍ ബീഫ് പോലുള്ള ഇറച്ചിയാണിത്. ബെറികളും മറ്റും ചേര്‍ത്ത് നിര്‍മ്മിക്കുന്ന ഇറച്ചി ഉണക്കി സൂക്ഷിക്കുന്നതിനാലാണ് ഇത്രയും കാലവും കേടുകൂടാതിരിക്കുന്നത്.