ഭക്ഷണം കഴിച്ചാല്‍ പുകവലി കുറയും

ഗ്രാമ്പൂ

ഗ്രാമ്പൂ ഭക്ഷണത്തില്‍ ചേര്‍ക്കുന്നത് എന്തുകൊണ്ടും പുകവലി നിര്‍ത്താനുള്ള ഉപാധിയാണ്. ഇത് നിക്കോട്ടിനോടുള്ള ആഗ്രഹത്തിന് തടയിടുന്നു. നിക്കോട്ടിനോടുള്ള ആഗ്രഹം കുറയ്ക്കുകയും ഭക്ഷണം കഴിക്കാന്‍ ഉള്ള ആഗ്രഹം വര്‍ദ്ധിപ്പിക്കുകയും ചെയ്യും.

കറുവപ്പട്ട

കറുവപ്പട്ടയും പുകവലിയെന്ന ദുശ്ശീലത്തില്‍ നിന്ന് നമുക്ക് വിടുതല്‍ നല്‍കാന്‍ സഹായിക്കുന്ന ഒരു ഭക്ഷണ പദാര്‍ത്ഥമാണ്. നോണ്‍വെജ് ഭക്ഷണത്തിനോടൊപ്പം കറുവപ്പട്ട ചേര്‍ക്കുന്നത് എന്തുകൊണ്ടും നല്ലതാണ്. മാത്രമല്ല ടൂത്ത് പിക് എന്ന രീതിയിലും കറുവപ്പട്ട ഉപയോഗിക്കുന്നത് നല്ലതാണ്.

ഓറഞ്ച്

പുകവലിക്കുന്നവരില്‍ ഭൂരിപക്ഷവും കഴിക്കാത്ത ഒരു പഴമാണ് ഓറഞ്ച്. വിറ്റാമിനുകളുടെ കലവറയാണ് ഓറഞ്ച്. ഓറഞ്ച്, ഓറഞ്ച് ജ്യൂസ് എന്നിവ ശ്വാസകോശാര്‍ബുദത്തെ ചെറുക്കുന്നു. മാത്രമല്ല മാനസിക സമ്മര്‍ദ്ദം ചെറുക്കുന്നതിനും സഹായിക്കുന്നു.

പോപ്‌കോണ്‍

പോപ്‌കോണ്‍ കഴിക്കുന്നതും പുകവലി ഇല്ലാതാക്കാനുള്ള നല്ലൊരുപാധിയാണ്. നിരവധി ആരോഗ്യഗുണങ്ങള്‍ കൊണ്ട് സമ്പുഷ്ടമായ ഒന്നാണ് പോപ്‌കോണ്‍.

നട്‌സ്

നട്‌സ് പുകവലിക്കുന്നവര്‍ക്കും പുകവലിക്കാത്തവര്‍ക്കും കഴിക്കാം. ആരോഗ്യകരമായ ധാരാളം ഗുണങ്ങളാണ് ഇത്തരത്തില്‍ നട്‌സ് കഴിക്കുന്നതിലൂടെ ലഭിക്കുന്നത്. എന്നാല്‍ പുകവലിക്കാരില്‍ ഇത് കൂടുതല്‍ കഴിക്കുന്നത് ക്യാന്‍സറിനെ ചെറുക്കുകയും മാത്രമല്ല പുകവലിക്കുന്നതിനുള്ള ആഗ്രഹത്തിന് തടയിടുകയും ചെയ്യും.

പാല്‍ക്കട്ടി

പാലും പാലുല്‍പ്പന്നങ്ങളുെ നമ്മുടെ ഭക്ഷണത്തിന്റെ ഭാഗമായിട്ട് കാലം കുറച്ചായി. ആരോഗ്യത്തോടൊപ്പം മാനസിക സന്തോഷവും നല്‍കുന്നതിന് ഇവയ്ക്ക് കഴിയും. എന്നാല്‍ പാല്‍ക്കട്ടി കഴിക്കുന്നതിന് നിക്കോട്ടിന്‍ ഉപയോഗിക്കാനുള്ള ആഗ്രഹത്തെ ഇല്ലാതാക്കാന്‍ കഴിയുന്നു.