കരള്‍ കാക്കും ഭക്ഷണങ്ങള്‍

ബീറ്റ്‌റൂട്ടും കാരറ്റും

ബീറ്റ്‌റൂട്ടും കാരറ്റുമാണ് ഏറ്റവും ആദ്യം നമ്മള്‍ ഭക്ഷണത്തില്‍ ഉള്‍പ്പെടുത്തേണ്ടത്. ഇവയിലടങ്ങിയിട്ടുള്ള ബീറ്റാസ്-കരോട്ടിന്‍ എന്നിവ കരളിന്റെ പ്രവര്‍ത്തനങ്ങള്‍ക്ക് ആക്കം കൂട്ടുന്നു.

തക്കാളി

തക്കാളിയാണ് മറ്റൊരു പ്രധാന പച്ചക്കറി. തക്കാളി കരളിനുണ്ടാകുന്ന ക്യാന്‍സര്‍, ശ്വാസകോശാര്‍ബുദം, സ്തനാര്‍ബുദം എന്നിവ ഇല്ലാതാക്കുന്നു.

ചീര

ചീര പച്ചക്കറികളിലെ അമൃത് എന്നാണ് അറിയപ്പെടുന്നത്. അതുകൊണ്ടു തന്നെ ഇതിലടങ്ങിയിട്ടുള്ള വിറ്റാമിനുകള്‍ കരളിനെ രോഗങ്ങളില്‍ നിന്നു സംരക്ഷിക്കുന്നു.

കാബേജ്

ധാരാളം ആന്റി ഓക്‌സിഡന്റുകളാല്‍ സമ്പുഷ്ടമാണ് കാബേജ്. അതുകൊണ്ടു തന്നെ ശരീരീരകാവശതകളില്‍ നിന്നും കരളിനെ സംരക്ഷിക്കാന്‍ കാബേജിനു കഴിയും.

മഞ്ഞള്‍

ശരീരത്തിലെ വിഷം കളയാന്‍ മഞ്ഞളിനു കഴിയും. അതുകൊണ്ടു തന്നെ പുകവലിക്കുന്നവരും മദ്യപിക്കുന്നവരും മഞ്ഞള്‍ കൂടുതല്‍ ഉപയോഗിക്കുന്നത് നല്ലതാണ്.

വാള്‍നട്‌സ്

ഒമേഗ 3 ഫാറ്റി ആസിഡ് ധാരാളമടങ്ങിയതാണ് വാള്‍നട്ടില്‍. ഇത് കരളിനെ ശുദ്ധീകരിക്കുന്നതിന് സഹായിക്കുന്നു. മാത്രമല്ല അനീമിയ തടയുന്നതിനും വാള്‍നട്ടിന് കഴിയും.

ആവക്കാഡോ

സൂപ്പര്‍ ഫുഡ് എന്ന ലേബലില്‍ അറിയപ്പെടുന്ന പഴമാണ് ആവക്കാഡോ. ആവക്കാഡോയില്‍ അടങ്ങിയിട്ടുള്ള പ്രോട്ടീനുകള്‍ കരളിന്റ ആരോഗ്യം സംരക്ഷിക്കുന്നതില്‍ പ്രത്യേക പങ്കു വഹിക്കുന്നു.

ആപ്പിള്‍

ദിവസവും ആപ്പിള്‍ കഴിച്ചാല്‍ ഡോക്ടറെ അകറ്റാം എന്നൊരു ചൊല്ലു വരെയുണ്ട്. അതുകൊണ്ടു തന്നെ ദിവസവും ആപ്പിള്‍ കഴിക്കുന്നത് ദഹന പ്രക്രിയയെ ഇല്ലാതാക്കും. മാത്രമല്ല കരളിനെ ശുദ്ധീകരിക്കുന്നതിനും സഹായിക്കുന്നു.

മുളപ്പിച്ച പയര്‍വര്‍ഗ്ഗങ്ങള്‍

മുളപ്പിച്ച പയര്‍വര്‍ഗ്ഗങ്ങള്‍ കഴിക്കുന്നത് കരളിലുണ്ടാകുന്ന തടസ്സങ്ങളെ ഇല്ലാതാക്കുന്നു. മാത്രമല്ല കരളിന്റെ ആരോഗ്യത്തെ സംരക്ഷിക്കുകയും ചെയ്യുന്നു.

വെളുത്തുള്ളി

വെളുത്തുള്ളിയില്‍ ധാരാളം സള്‍ഫര്‍ അടങ്ങിയിട്ടുണ്ട്. ഇതിലടങ്ങിയിട്ടുള്ള എന്‍സൈമുകള്‍ ശരീരത്തിലെ ടോക്‌സിനുകളെ പുറന്തള്ളുന്നു.

ഇലവര്‍ഗ്ഗങ്ങള്‍

ഇലവര്‍ഗ്ഗങ്ങള്‍ ഭക്ഷണത്തിന്റെ ഭാഗമാക്കുന്നത് രക്തം ശുദ്ധീകരിക്കാന്‍ സഹായിക്കും. കരളില്‍ അടിഞ്ഞു കൂടിയിട്ടുള്ള അഴുക്കിനെ പുറന്തള്ളാന്‍ പച്ചക്കറി സഹായിക്കുമെന്നതാണ് സത്യം.

ഗ്രീന്‍ ടീ

ഗ്രീന്‍ ടീ ദിവസവും കഴിക്കുന്നത് കരളിന്റെ ആരോഗ്യം മാത്രമല്ല, ശരീരത്തെ മൊത്തത്തില്‍ സംരക്ഷിക്കുന്നു. ഗ്രീന്‍ ടീയില്‍ അടങ്ങിയിട്ടുള്ള ആന്റി ഓക്‌സിഡന്റ്‌സ് ദഹനത്തേയും സഹായിക്കുന്നു.

ഒലീവ് ഓയില്‍

സൗന്ദര്യ സംരക്ഷണത്തിന് മാത്രമല്ല ഒലീവ് ഓയില്‍ ഉപയോഗിക്കുന്നത്. ഇത് ദിവസവും കഴിക്കുന്നത് ടോക്‌സിനെ ഇല്ലാതാക്കുന്നു. മാത്രമല്ല കരളിലെ കൊഴുപ്പിനെ ഇല്ലാതാക്കാന്‍ ഒലീവ് ഓയിലിന് കഴിയും.