വയറ്റില്‍ കനമോ, എങ്കില്‍

Published: Saturday, July 26, 2014, 11:54 [IST]

വയറിനു വല്ലാത്ത കനം, പലരും പരാതിപ്പെടുന്നതു കേള്‍ക്കാം. കാരണങ്ങള്‍ പലതുണ്ടാകാം. ഗ്യാസ് മുതല്‍ വ്യായാമക്കുറവും ഭക്ഷണശീലങ്ങളും വരെ.

പലപ്പോഴും കഴിയ്ക്കുന്ന ഭക്ഷണങ്ങള്‍ തന്നെയാണ് ഗ്യാസുണ്ടാകാനുള്ള പ്രധാന കാരണം. പ്രത്യേകിച്ച് വറുത്തതും പൊരിച്ചരുമെല്ലാം. ഇവ ദഹനത്തെ ബാധിയ്ക്കുന്നതു തന്നെ പ്രധാന കാരണം.

വയറിന്റെ കനം ഒഴിവാക്കാനും ചില ഭക്ഷണങ്ങളുണ്ട്. ഇവയെന്തൊക്കെയെന്നു നോക്കൂ,

തൈര്

തൈര് കഴിയ്ക്കുന്നത് വയറിന്റെ കനം ഒഴിവാക്കാന്‍ സഹായിക്കും. ഇത് ദഹനത്തെ സഹായിക്കും.

പഴം

കൂടുതല്‍ സോഡിയം വയറ്റിലെത്തുന്നത്, അതായത് ഉപ്പധികം കഴിയ്ക്കുന്നതും വയറിന് കനം തോന്നിയ്ക്കും. വയര്‍ ചാടാന്‍ ഇടയാക്കും. പൊട്ടാസ്യം അടങ്ങിയ പഴം പോലുള്ളവ കഴിയ്ക്കുന്നത് ഗുണം ചെയ്യും. ഇത് ദഹനത്തെ സഹായിക്കും. സോഡിയം ളഅവു കുറയ്ക്കും.

ചോറ്

ചോറ് ചെറുകുടലില്‍ തന്നെ മുഴുവനായി ദഹിയ്ക്കും. വയറിന് കനം തോന്നുന്നുവെങ്കില്‍ ഇത് കഴിയ്ക്കാം. ചില കാര്‍ബോഹൈഡ്രേറ്റുകള്‍ മുഴുവനായി ദഹിയ്ക്കില്ല. ഇത് വയറിന് കനമുണ്ടാക്കും. എന്നാല്‍ ചോറിലെ കാര്‍ബോഹൈഡ്രേറ്റ് മുഴുവനായി ദഹിയ്ക്കുന്നതാണ്.