അസിഡിറ്റിയെങ്കില്‍ ഇവ ഒഴിവാക്കൂ

ഓറഞ്ച്, ചെറുനാരങ്ങ

ഓറഞ്ച്, ചെറുനാരങ്ങ തുടങ്ങിയ ഫലവര്‍ഗങ്ങള്‍ അസിഡറ്റിയുണ്ടാക്കുന്നവയാണ്. പ്രത്യേകിച്ച് ഇവ വെറുംവയറ്റില്‍ കഴിയ്ക്കുമ്പോള്‍.

തക്കാളി

അസിഡിറ്റിയുണ്ടാക്കുന്ന ഭക്ഷണത്തില്‍ പ്രധാനമാണ് തക്കാളി. അസിഡിറ്റിയുള്ളവര്‍ ഒഴിവാക്കേണ്ട ഒരു പ്രധാന ഭക്ഷണം.

മസാല

മസാല കലര്‍ന്ന ഭക്ഷണങ്ങള്‍, പ്രത്യേകിച്ച് എരിവുള്ള ഭക്ഷണങ്ങള്‍ വയറ്റിലെ അസിഡിറ്റിയ്ക്കുള്ള പ്രധാന കാരണമാണ്.

ഉരുളക്കിഴങ്ങ്

അസിഡിറ്റിയുണ്ടാക്കുന്ന മറ്റൊരു ഭക്ഷണമാണ് ഉരുളക്കിഴങ്ങ്. പ്രത്യേകിച്ച് വറുത്ത ഉരുളക്കിഴങ്ങ്.

മദ്യം

മദ്യം ആരോഗ്യത്തിനു കേടാണെന്ന കാര്യം വാസ്തവമാണ്. ഇതുപോലെ അസിഡിറ്റിയുണ്ടാക്കുന്ന മറ്റൊരു ഭക്ഷണവസ്തും കൂടിയാണിത്. ഇത് ഈസോഫാഗസിനെ ബാധിയ്ക്കും.

കാപ്പി

കാപ്പി പലരുടേയും നിത്യശീലമാണ്. എന്നാല്‍ അസിഡിറ്റിയ്ക്കു കാരണമാകുന്ന ഭക്ഷണവസ്തുക്കളിലൊന്നാണിത്.

ചോക്ലേറ്റ്‌

ചോക്കലേറ്റിലും ചെറിയ തോതില്‍ കഫീന്‍ അടങ്ങിയിട്ടുണ്ട്. ഇതുകൊണ്ടുതന്നെ പലപ്പോഴും ചോക്കലേറ്റുകളും അസിഡിറ്റിയ്ക്കു കാരണമാകാറുണ്ട്.

പയര്‍ വര്‍ഗങ്ങള്‍

വയറ്റില്‍ അസിഡിറ്റി പ്രശ്‌നങ്ങളുണ്ടാക്കുന്നതിന് പയര്‍ വര്‍ഗങ്ങള്‍ കാരണമാകാറുണ്ട്.

പാല്‍

പാല്‍ വയറ്റിലെ അസിഡിറ്റിയ്ക്കിട വരുത്തുന്ന ഒരു ഭക്ഷ്യവസ്തുവാണ്. അസിഡിറ്റി പ്രശ്‌നങ്ങള്‍ ഉള്ളവര്‍ പാലിനു പകരം തൈരുപയോഗിയ്ക്കാം. ഇതുപോലെ തണുത്ത പാല്‍ അസിഡിറ്റിയിക്ക് പരിഹാരമാണ്.

ച്യൂയിംഗ് ഗം, കോള

ച്യൂയിംഗ് ഗം, കോള പോലുള്ളവ ആരോഗ്യത്തിനു കേടാണെന്നു മാത്രമല്ല, ഗ്യാസുണ്ടാക്കുന്നതില്‍ ഒന്നാം സ്ഥാനത്തു നില്‍ക്കുന്നവയാണ്. ഇത്തരം ഭക്ഷണങ്ങളും ഒഴിവാക്കുക.

പുകവലി

പുകവലിയും അസിഡിറ്റിയുണ്ടാക്കും. നിക്കോട്ടിന്‍ തന്നെ ഇവിടെ വില്ലന്‍. അനാരോഗ്യകരമായ ഈ ശീലം ഒഴിവാക്കുക.