ആരോഗ്യപ്രദമായ പ്രഭാത ഭക്ഷണങ്ങള്‍

1. പോറിഡ്ജ്

മികച്ച ഒരു പ്രഭാത ഭക്ഷണമാണ് പോറിഡ്ജ്. മിനറലുകളും, ഫൈബറും ധാരാളമായി അടങ്ങിയ ഇത് രക്തത്തിലെ പഞ്ചസാരയുടെ അളവ് നിയന്ത്രിക്കും. മധുരം വേണമെന്നുണ്ടെങ്കില്‍ ശര്‍ക്കര ഇതില്‍ ചേര്‍ക്കാം. അല്ലെങ്കില്‍ പഴങ്ങളോ, ഉണക്കമുന്തിരിങ്ങയോ, ബദാമോ ഉപയോഗിക്കാം.

2. കോണ്‍ഫ്ലേക്സ്

കാര്‍ബോഡൈഡ്രേറ്റ്സ്, ഇരുമ്പ്, വിറ്റാമിന്‍ ബി കോംപ്ലെക്സ് എന്നിവ സമൃദ്ധമായി അടങ്ങിയ കോണ്‍ഫ്ലേക്സ് കുട്ടികള്‍ക്കും മുതിര്‍ന്നവര്‍ക്കും അനുയോജ്യമാണ്. മഴയുള്ള കാലത്ത് പ്രഭാതഭക്ഷണമായി ഏറെ യോജിച്ചതാണിത്. ഇക്കാലത്ത് അന്തരീക്ഷത്തിലെ ജലാംശം ശരീരം ആഗിരണം ചെയ്യുന്നതിനാല്‍ കോണ്‍ഫ്ലേക്സ് ശരീരത്തിന് അനുയോജ്യമാണ്.

3. വീറ്റ് ഫ്ലേക്സ്

വീറ്റ് പോറിഡ്ജില്‍ ചെറിയ മാറ്റം വരുത്തിയതാണിത്. കാല്‍സ്യം കൂടുതലായി ചേര്‍ത്തിട്ടില്ലാത്ത പക്ഷം പ്രഭാതഭക്ഷണമെന്നതില്‍ കൂടുതല്‍ ഉപയോഗം ഇതിനില്ല.

4. ഓട്ട് മീല്‍

പ്രമേഹവും, ഉയര്‍ന്ന കൊളസ്ട്രോളുമുള്ളവര്‍ക്ക് അനുയോജ്യമാണ് ഓട്ട് മീല്‍. ഇതില്‍ പഞ്ചസാര ചേര്‍ക്കേണ്ട ആവശ്യമില്ല. ഓട്ട്സിലെ ഫൈബറിന്‍റെ ഉയര്‍ന്ന അളവ് രക്തത്തിലെ പഞ്ചസാരയുടെ തോത് നിയന്ത്രിക്കുകയും മാനസിക സമ്മര്‍ദ്ദം ഉയരാതെ നോക്കുകയും ചെയ്യും.

5. മ്യുസ്‍ലി

ഉണക്കമുന്തിരി, ബദാം, നാല് വ്യത്യസ്ഥ ധാന്യങ്ങള്‍ എന്നിവ ചേര്‍ത്തുണ്ടാക്കിയതാണ് മ്യുസ്‍ലി. ഇതിലെ താരതമ്യേന ഉയര്‍ന്ന പഞ്ചസാരയുടെ അളവ് കുട്ടികള്‍ക്ക് ഏറെ ഊര്‍ജ്ജം നല്കും. പാലിലോ, തൈരിലോ ചേര്‍ത്ത് ഇത് തയ്യാറാക്കാം. ആകര്‍ഷകമായി അലങ്കരിച്ച് ഇവ കുട്ടികള്‍ക്ക് വൈകുന്നേരത്തെ ലഘുഭക്ഷണമായി നല്കാം.

6. പോഹ/റൈസ് ക്രിസ്പി

ഇന്ത്യയില്‍ ഏറെ ഉപയോഗിക്കപ്പെടുന്നതാണ് പോഹ. ലളിതവും ആരോഗ്യപ്രദവുമായ പ്രഭാതഭക്ഷണം തയ്യാറാക്കാന്‍ ഇത് ഉപയോഗിക്കാം. എന്നാല്‍ ഇത് അധികം മൊരിക്കരുത്.

സാധാരണ കണ്‍ഫ്ലേക്സില്‍ നിന്നും, ഓട്ട്സില്‍ നിന്നും വ്യത്യസ്ഥമായി ചോക്കലേറ്റ്, തേന്‍, പഴരുചി ചേര്‍ത്ത ഭക്ഷ്യധാന്യങ്ങളുണ്ട്. ഇവ കുട്ടികള്‍ക്ക് ഏറെ പ്രിയപ്പെട്ടതാവും.