സവാള കഴിക്കേണ്ടതിന്റെ 5 കാരണങ്ങള്‍

ഹൃദയാരോഗ്യം

ഹൃദയസംബന്ധമായ പല രോഗങ്ങള്‍ക്കും പ്രധാന കാരണം കൊളസ്‌ട്രോള്‍ ആണ്‌. ഹൃദ്രോഗങ്ങള്‍ ഉയര്‍ന്ന്‌ വരുന്ന ഈ കാലത്ത്‌ കൊളസ്‌ട്രോള്‍ നില നിയന്ത്രിക്കേണ്ടത്‌ അത്യാവശ്യമാണ്‌. സള്‍ഫര്‍ സംയുക്തം അടങ്ങിയിട്ടുള്ള സവാള രക്തത്തിലെ കൊളസ്‌ട്രോളിന്റെയും ട്രൈഗ്ലിസറൈഡ്‌സിന്റെയും അളവ്‌ കുറയ്‌ക്കാന്‍ സഹായിക്കും.

രോഗ പ്രതിരോധ ശേഷി ഉയര്‍ത്തും

സവാളയില്‍ അടങ്ങിയിട്ടുള്ള ആന്റിഓക്‌സിഡന്റുകളും വിറ്റാമിനുകളും പ്രത്യേകിച്ച്‌ വിറ്റാമിന്‍ സി നിങ്ങളുടെ രോഗപ്രതിരോധ ശേഷി ഉയര്‍ത്താന്‍ സഹായിക്കും. രോഗ പ്രതിരോധ സംവിധാനം മികച്ചതാണെങ്കില്‍ വിവധ രോഗങ്ങളും അണുബാധയും ചെറുക്കാനുള്ള ആന്തരിക പ്രതിരോധ ശേഷി ശരീരത്തിനുണ്ടാകും.

സമ്മര്‍ദ്ദം കുറയ്‌ക്കും

സവാളയില്‍ കാണപ്പെടുന്ന ക്യെര്‍സെറ്റിന്‍ എന്ന സംയുക്തം വേദന, വിഷാദം, ഉത്‌കണ്‌ഠ എന്നിവയ്‌ക്ക്‌ ആശ്വാസം നല്‍കുന്ന ഔഷധമായി പ്രവര്‍ത്തിക്കും.ജോലിത്തിരക്കുള്ള ദിവസമാണെങ്കില്‍ ഭക്ഷണത്തിനൊപ്പം പച്ച സവാള അരിഞ്ഞതും കൂടി കഴിക്കുക. ഉറക്കമില്ലായ്‌മയ്‌ക്കും സവാള കഴിക്കുന്നത്‌ നല്ലതാണ്‌.

അര്‍ബുദത്തെ പ്രതിരോധിക്കും

കോശങ്ങള്‍ക്കുണ്ടാകുന്ന സ്വതന്ത്ര റാഡിക്കലുകളുടെ നാശമാണ്‌ അര്‍ബുദത്തിന്‌ സാധാരണ കാരണമാകുന്നത്‌. സവാളയില്‍ അടങ്ങിയിട്ടുള്ള ആന്റിഓക്‌സിഡന്റ്‌ ഇത്‌ തടയാന്‍ സഹായിക്കും.

ചര്‍മ്മത്തിന്റെ ആരോഗ്യത്തിന്‌

സവാളയില്‍ അടങ്ങിയിട്ടുള്ള ആന്റിഓക്‌സിഡന്റുകള്‍ പ്രായം കൂടുന്നത്‌ മൂലം ചര്‍മ്മത്തില്‍ പാടുകളും വരകളും ഉണ്ടാകുന്നത്‌ തടയും.

മുഖക്കുരു

പ്രതിജ്വലന ശേഷിയും സൂഷ്‌മ ജീവികളെയും ബാക്ടീരിയകളെയും പ്രതിരോധിക്കാനുള്ള കഴിവും ഉള്ളതിനാല്‍ സവാള മുഖക്കുരുവിനുള്ള ചികിത്സയ്‌ക്കും ഉപയോഗിക്കാറുണ്ട്‌.