മാസമുറ സമയത്ത് ഇവ കഴിയ്ക്കൂ

ധാരാളം സിങ്ക് അടങ്ങിയ ഒന്നാണ് തണ്ണിമത്തന്‍. മാസമുറ സമയത്ത് ഇത് കഴിയ്ക്കുന്നത് ശരീരത്തിലെ രക്തപ്രവാഹം ശരിയായ രീതിയില്‍ നടക്കാന്‍ സഹായിക്കും.

ഞണ്ടിറച്ചി

ഞണ്ടിറച്ചിയില്‍ ധാരാളം സിങ്ക് അടങ്ങിയിട്ടുണ്ട്. ഇത് കഴിയ്ക്കുന്നതും നല്ലതു തന്നെ. ചൂടുല്‍പാദിപ്പിക്കുന്ന ഭക്ഷണമായതു കൊണ്ടു തന്നെ ഇത് വയറു വേദന കുറയ്ക്കാനും നല്ലതാണ്.

തൈര്

മറ്റേത് പാലുല്‍പന്നങ്ങളേക്കാളും നല്ല ഭക്ഷണമാണ് തൈര്. ഇതില്‍ ധാരാളം സിങ്ക് അടങ്ങിയിട്ടുണ്ട്. മാസമുറ സമയത്ത് തൈര് കഴിയ്ക്കുന്നത് നല്ലതാണ്. വയറിന് സുഖം നല്‍കാനും ഇതിനു കഴിയും.

ചെമ്മീന്‍

കടല്‍ വിഭവമായതു കൊണ്ട് ചെമ്മീനും സിങ്കിനാല്‍ സമ്പന്നമാണ്. ഇത് വയറുവേദന കുറയ്ക്കാന്‍ സഹായിക്കുന്ന ഒന്നു തന്നെയാണ്.

ഗോതമ്പ്

ഗോതമ്പും സിങ്ക് അടങ്ങിയ ഭക്ഷണം തന്നെ. ഇതുകൊണ്ടു തന്നെ ചപ്പാത്തിയും മറ്റ് ഗോതമ്പ് വിഭവങ്ങളും കഴിയ്ക്കുന്നത് നല്ലതാണ്. ഇത് മാസമുറ സമയത്ത് വയറിനുണ്ടാകുന്ന കനം കുറയ്ക്കാനും നല്ലതാണ്.

മത്തങ്ങ

മത്തങ്ങയുടെ കുരുവും സിങ്ക് ധാരാളം അടങ്ങിയ ഭക്ഷണം തന്നെയാണ്. തണ്ണിമത്തന്‍ കുരുവിന്റെ ഗുണത്തോടു കൂടിയ ഒന്ന്. മത്തങ്ങയുടെ കുരു വറുത്തു കഴിയ്ക്കാം.

ലഞ്ചിയോണ്‍

ലഞ്ചിയോണ്‍ എന്ന ഒരുതരം വിഭവം ടിന്നിലടച്ചു വാങ്ങാന്‍ സാധിയ്ക്കും. ഇതില്‍ ധാരാളം സിങ്ക് അടങ്ങിയിട്ടുണ്ട്.

മസാല

കുരുമുളക്, ജാതിക്ക, കറുവാപ്പട്ട, ഏലയ്ക്ക തുടങ്ങിയവയെല്ലാം തന്നെ മാസമുറ സമയത്ത് കഴിയ്ക്കാവുന്ന ഭക്ഷണങ്ങളാണ്. ഇവ വയറു വേദന കുറയ്ക്കാനും വിശപ്പുണ്ടാകാനും സഹായിക്കും. വിശപ്പു കുറവ് പലരെയും മാസമുറക്കാലത്ത് ബാധിയ്ക്കുന്ന ഒന്നാണ്. ആവശ്യത്തിനു ഭക്ഷണം കഴിയ്ക്കാതെ വരുന്നത് തളര്‍ച്ച കൂട്ടും.