തേന്‍ കഴിയ്‌ക്കേണ്ട വഴികള്‍

രാവിലെ ചെറുചൂടുവെള്ളത്തില്‍ ചെറുനാരങ്ങ പിഴിഞ്ഞൊഴിച്ച് തേന്‍ കലര്‍ത്തി കുടിച്ചു നോക്കൂ. ശരീരത്തിലെ അപചയപ്രക്രിയ ശക്തിപ്പെടും. ശരീരം മെലിയാന്‍ ഇത് സഹായിക്കുകയും ചെയ്യും. വയര്‍ ശുദ്ധമാകാനും ഇത് നല്ലതു തന്നെ.

നാലു ബദാം, ഒപ്പം ഒരു സ്പൂണ്‍ തേന്‍ എന്നിവ രാവിലെ കഴിയ്ക്കുക. തേന്‍ മ്ഗ്നീഷ്യവും ബദാം വൈറ്റമിന്‍ ഡിയും നല്‍കും. ശരീരത്തിന് ഊര്‍ജം ലഭിയ്ക്കും.

കട്ടന്‍ചായ, ഗ്രീന്‍ ടീ എന്നിവയില്‍ പഞ്ചസാരയ്ക്കു പകരം അല്‍പം തേന്‍ ഒഴിച്ചു കുടിക്കൂ. ചെറുനാരങ്ങാനീരും ചേര്‍ക്കാം.

തൈരില്‍ അല്‍പം പഞ്ചസാര ചേര്‍ത്ത് കഴിയ്ക്കുന്ന ശീലം പലര്‍ക്കുമുണ്ട്. ഇതിനു പകരം തേന്‍ ഉപയോഗിയ്ക്കാം.

ഭക്ഷണത്തിനു ശേഷം ചെറുചൂടുവെള്ളത്തില്‍ അല്‍പം തേന്‍ ഒഴിച്ചു കുടിയ്ക്കുന്നത് ഭക്ഷണം പെട്ടെന്നു ദഹിയ്ക്കുവാന്‍ സഹായിക്കും.

സാലഡുകളില്‍ സോസും മറ്റും ഉപയോഗിക്കുന്നതിനു പകരം അല്‍പം തേന്‍ ചേര്‍ത്തു കഴിയ്ക്കുന്നത് ആരോഗ്യത്തിനു ന്ല്ലതാണ്.

ഡെസെര്‍ട്ടുകളും മധുരങ്ങളുമുണ്ടാക്കുമ്പോള്‍ ഇവയില്‍ തേന്‍ ചേര്‍ക്കുക. ആരോഗ്യം മെച്ചപ്പെടുത്താനും പ്രമേഹം പോലുള്ള രോഗങ്ങള്‍ വരാതിരികാനുമുള്ള മാര്‍ഗമാണിത്.

പാലില്‍ പഞ്ചസാരയ്ക്കു പകരം തേന്‍ ചേര്‍ത്തു കഴിയ്ക്കാം. ഇത് ശരീരത്തിന് പ്രതിരോധശേഷി നല്‍കാനും നല്ലതാണ്.

യൂനാനി ചികിത്സാരീതിയില്‍ കറുവാപ്പട്ട, തേന്‍ എന്നിവ ചേര്‍ത്ത ഹെര്‍ബല്‍ ടീ ശരീരത്തില്‍ നിന്നും ട്രാന്‍സ്ഫാറ്റ് നീക്കം ചെയ്യാന്‍ മികച്ചതാണ്. തുളസിയിട്ട ചായ അല്‍പം കറുവാപ്പട്ടയും തേനും ചേര്‍ത്ത് കഴിച്ചു നോക്കൂ. ഇത് തടി കുറയാനും അസുഖങ്ങള്‍ അകറ്റാനും നല്ലതു തന്നെ.

കോള്‍ഡ്, തൊണ്ടവേദന, ചുമ എന്നിവയ്ക്കു പറ്റിയ നല്ലൊന്നാന്തരം മരുന്നാണ് തേനും ഇഞ്ചിനീരും കലര്‍ത്തിയ മിശ്രിതം. ദഹനത്തിനും ഇത് നല്ലതു തന്നെ.