തടി കുറയ്ക്കും സീക്രട്ട് ഭക്ഷണങ്ങള്‍

കൂണ്‍

മഷ്‌റൂം അഥവാ കൂണ്‍ ഇത്തരത്തിലൊരു ഭക്ഷണമാണ്. ഇതില്‍ കൊഴുപ്പും കലോറിയുമെല്ലാം വളരെ കുറവാണ്. എ്ന്നാല്‍ ഇറച്ചിയുടെ പോഷകഗുണങ്ങള്‍ അടങ്ങിയിട്ടുണ്ടുതാനും.

മുട്ട വെള്ള

മുട്ട വെള്ളയും തടി കുറയ്ക്കാന്‍ സഹായിക്കുന്ന ഒന്നാണ്. ഇതില്‍ കാര്‍ബോഹൈഡ്രേറ്റുകള്‍ തീരെ കുറവാണ്. പ്രോട്ടീന്‍, വൈറ്റമിനുകള്‍, ധാതുക്കള്‍ എന്നിവ വേണ്ടുവോളമുണ്ടുതാനും. ജിമ്മില്‍ പോകുന്നവര്‍ക്ക് കഴിയ്ക്കാന്‍ പറ്റിയ കൊഴുപ്പു കുറഞ്ഞ ഒരു ഭക്ഷണമാണിത്.

ആപ്പിള്‍

ആപ്പിളും തടി കുറയ്ക്കാന്‍ സഹായിക്കുന്ന ഒരു ഭക്ഷണവസ്തുവാണ്. ഇതിലെ പെക്ടിന്‍ എന്ന ഫൈബര്‍ ദഹനം എളുപ്പമാക്കുന്നു. കൊഴുപ്പു കുറയ്ക്കുകയും ചെയ്യുന്നു.

പാവയ്ക്ക

പാവയ്ക്ക പ്രമേഹത്തിനുള്ളൊരു ഔഷധം മാത്രമല്ല, ശരീരത്തിലെ കൊഴുപ്പു കത്തിച്ചു കളയാന്‍ സഹായിക്കുന്ന ഒന്നു കൂടിയാണ്.

കോളിഫഌവര്‍

കോളിഫഌവര്‍ തടി കുറയ്ക്കുന്ന മറ്റൊരു സീക്രട്ട് ഭക്ഷണമാണ്. ഇത് വേവിച്ചോ ആവി കയറ്റിയോ ഒക്കെ ഉപയോഗിക്കാം. ഇതില്‍ കാലറി വളരെ കുറവാണ്. വിശപ്പു കുറയ്ക്കാനും ഇത് സഹായിക്കും.

കറുവാപ്പട്ട

കറുവാപ്പട്ടയും തടി കുറയ്ക്കാന്‍ സഹായിക്കും. ഇത് രക്തത്തിലെ പഞ്ചസാരയുടെ അളവ് നിയന്ത്രിയ്ക്കുന്നു. ഇതിന്റെ മധുരവും മധുരം വേണ്ടവര്‍ക്ക് ഉപയോഗിക്കാം.

മുളക്

മുളക് തടി കുറയ്ക്കുമെന്ന് പലര്‍ക്കും അറിയില്ലായിരിക്കാം. ഇതിലെ ക്യാപ്‌സയാസിന്‍ എന്ന ഘടകമാണ് ഇതിന് സഹായിക്കുന്നത്. ഇത് ശരീരത്തിലെ കൊഴുപ്പും വിഷാംശങ്ങളും പുറന്തള്ളാന്‍ സഹായിക്കുന്നു.

റാഡിഷ്

വേവിച്ച റാഡിഷ് തടി കുറയാന്‍ സഹായിക്കുന്ന മറ്റൊരു ഭക്ഷണമാണ്. ഇതില്‍ ധാരാളം നാരുകള്‍ അടങ്ങിയിട്ടുണ്ട്. വിശപ്പു കുറയ്ക്കാനും വയര്‍ നിറഞ്ഞെന്ന തോന്നലുണ്ടാക്കാനും സഹായിക്കുന്ന ഒരു ഭക്ഷണം.

ചോക്ലേറ്റ്

ചോക്ലേറ്റ് തടി കൂട്ടുമെന്നായിരിക്കും പലരും കരുതുക. എന്നാല്‍ ഡാര്‍ക് ചോക്ലേറ്റ് തടി കുറയ്ക്കുന്ന ഒന്നാണ്.

ചെറുപയര്‍

ചെറുപയര്‍ പോഷകഗുണങ്ങള്‍ ധാരാളമുള്ള, എന്നാല്‍ തടി കൂട്ടാത്ത ഒരു ഭക്ഷണവസ്തുവാണ്. ഇത് ദഹനത്തിനു സഹായിക്കും. മുളപ്പിച്ച ചെറുപയര്‍ പ്രോട്ടീന്റെ മുഖ്യ ഉറവിടവുമാണ്.