ചായകുടിയുടെ ഗുണവശങ്ങള്‍

ചായ കുടിച്ചാലുള്ള ഗുണങ്ങള്‍

ചായയില്‍ ഫ്ലൂറൈഡ് ചെറിയ അളവില്‍ അടങ്ങിയിരിക്കുന്നു. ഇത് പല്ലിനുണ്ടാകുന്ന രോഗങ്ങളെ ചെറുക്കുന്നതാണ്. ഈ ഫ്ലൂറൈഡ് ഉമിനീരുമായി ചേര്‍ന്നാല്‍ പല്ല് ദ്രവിപ്പിക്കുന്ന ആസിഡുകള്‍, ബാക്ടീരിയകളാല്‍ ഉത്പാദിപ്പിക്കപ്പെടില്ല. അതുപോലെ പല്ലിലെ കേടുകള്‍ ആദ്യഘട്ടത്തിലാണെങ്കില്‍ അതിനെ ചെറുക്കാനുമാകും.

ചായ കുടിച്ചാലുള്ള ഗുണങ്ങള്‍

ഗ്രീന്‍ ടീയില്‍ അടങ്ങിയിരിക്കുന്ന ആന്‍റി ഓക്സിഡന്‍റുകള്‍ ശരീരത്തിലെ കലോറി എരിച്ച് കളഞ്ഞ് ഭാരം കുറയ്ക്കാനും, കൊഴുപ്പുകുറയ്ക്കാനും സഹായിക്കും. വയര്‍ഭാഗത്തെ കൊഴുപ്പ് കുറയ്ക്കാനാണ് ഇത് ഏറെ സഹായിക്കുക.

ചായ കുടിച്ചാലുള്ള ഗുണങ്ങള്‍

ചായയിലെ പോളിഫിനോല്‍സിന്(ആന്‍റി ഓക്സിഡന്‍റ്സ്) ക്യാന്‍സറിനെ ചെറുക്കാനുള്ള കഴിവുണ്ട്. പഠനങ്ങള്‍ പൂര്‍ത്തിയായിട്ടില്ലെങ്കിലും ഇതുവരെയുള്ള കണ്ടെത്തലുകള്‍ അനുസരിച്ച് ചായയിലടങ്ങിയിരിക്കുന്ന പോളിഫെനോല്‍സ്, എന്ന ഘടകത്തിന് ക്യാന്‍സറിനെ തടയാനുള്ള കഴിവുണ്ട്.

ചായ കുടിച്ചാലുള്ള ഗുണങ്ങള്‍

ഇറ്റലിയില്‍ നടന്ന ഒരു പഠനം അനുസരിച്ച് ദിവസേന മൂന്ന് കപ്പ് ഗ്രീന്‍ ടീ കുടിച്ചാല്‍ പുരുഷന്മാരിലുണ്ടാവുന്ന പ്രോസ്റ്റേറ്റ് ക്യാന്‍സറിനെ ചെറുക്കാനാവും.

ചായ കുടിച്ചാലുള്ള ഗുണങ്ങള്‍

ശാസ്ത്രജ്ഞന്മാരുടെ നിരീക്ഷണം അനുസരിച്ച് ഒരു ദിവസം എട്ട് ഗ്ലാസ്സ് വെള്ളം കുടിക്കുക എന്ന ആശയത്തേക്കാള്‍ യോജിച്ചത് ചായയോ കാപ്പിയോ കുടിക്കുകയെന്നതാണ്. ഇത് വഴിയും ജലാംശം ശരീരത്തിലെത്തും. നിയന്ത്രിതമായി കഫീന്‍ ലഭിക്കുന്നത് ശരീരത്തിന് അനുയോജ്യമാണ്. ഒരു സമയത്ത് രണ്ട് കപ്പില്‍ കൂടരുതെന്ന് മാത്രം.

ചായ കുടിച്ചാലുള്ള ഗുണങ്ങള്‍

പഠനങ്ങളനുസരിച്ച് ശക്തമായ ആതെറോക്ലീറോസിസ് (ധമനികള്‍ കട്ടികൂടുകയും, ചുരുങ്ങുകയും ചെയ്യുന്ന രോഗം) അനുഭവിക്കുന്ന സ്ത്രീകളില്‍ ഒരു ദിവസം ഒന്നോ രണ്ടോ കപ്പ് കാപ്പി കുടിക്കുന്നവര്‍ക്ക് കുടിക്കാത്തവരേക്കാള്‍ അമ്പത് ശതമാനം രോഗത്തില്‍ കുറവ് കാണാനിടയായി.

ചായ കുടിച്ചാലുള്ള ഗുണങ്ങള്‍

ഒരു പഠനം അനുസരിച്ച് ബ്ലാക്ക് , ഗ്രീന്‍, വൈറ്റ് ടീകളുപയോഗിക്കുന്നവര്‍ക്ക് സ്ട്രോക്ക് വരാനുള്ള സാധ്യത 60 ശതമാനത്തോളം കുറയും.

ചായ കുടിച്ചാലുള്ള ഗുണങ്ങള്‍

ഞരമ്പ് സംബന്ധമായ രോഗങ്ങള്‍തടയാനും, കുറയ്ക്കാനും ചായക്ക് കഴിവുണ്ടെന്നാണ് കരുതപ്പെടുന്നത്. പ്രത്യേകിച്ച് അല്‍ഷീമേഴ്‌സ്‌പോലുള്ള രോഗങ്ങള്‍.. പഠനങ്ങള്‍ അനുസരിച്ച് ഗ്രീന്‍ ടീയിലടങ്ങിയിരിക്കുന്ന പോളിഫെനോല്‍സ് ഡോപാമൈന്‍, എപൈന്‍ഫ്രൈന്‍ തുടങ്ങിയ ന്യൂറോട്രാന്‍സ്മിറ്റേഴ്സിന്‍റെ പ്രവര്‍ത്തനം മന്ദീഭവിക്കുന്നത് തടയും.

ചായ കുടിച്ചാലുള്ള ഗുണങ്ങള്‍

ദിവസേന ഒന്നോ രണ്ടോ കപ്പ് ഗ്രീന്‍ ടീ കുടിക്കുന്നത് വഴി പഠനശേഷിയും, ഓര്‍മ്മ ശക്തിയും വര്‍ദ്ധിക്കും.

ചായ കുടിച്ചാലുള്ള ഗുണങ്ങള്‍

അസ്ഥിക്ക് കരുത്ത് നല്കുന്ന ഘടകങ്ങള്‍ ഗ്രീന്‍ ടീയിലുണ്ട്. ഗ്രീന്‍ ടീ ഉപയോഗിക്കുന്ന പ്രായം ചെന്ന സ്ത്രീകള്‍ക്ക് അരക്കെട്ടിലെ അസ്ഥികള്‍ക്ക് ബലക്കൂടുതലും, അസ്ഥിതേയ്മാനം കുറവുമേ കാണപ്പെടുന്നുള്ളൂ.