ജോലിയ്ക്കു മൂഡ് നല്‍കും ഭക്ഷണങ്ങള്‍

Published: Thursday, December 12, 2013, 12:29 [IST]

നല്ല മൂഡും ചീത്ത മൂഡുമെല്ലാം ഒരു നാണയത്തിന്റെ ഇരുവശങ്ങള്‍ പോലെയാണ്. നല്ല മൂഡുള്ളപ്പോള്‍ എല്ലാ കാര്യങ്ങളും ചെയ്യാന്‍ ഒരു പ്രത്യേക താല്‍പര്യം തന്നെ തോന്നും. ചെയ്തുകൊണ്ടിരിയ്ക്കുന്ന കാര്യങ്ങള്‍ കൂടുതല്‍ ഉന്മേഷത്തോടെ ചെയ്യാന്‍ തോന്നുകയും ചെയ്യും. ചീത്ത മൂഡാകട്ടെ, ഇതിനെല്ലാം വിപരീതമായ ഫലങ്ങളായിരിയ്ക്കും ഉണ്ടാക്കുക.

ഓഫീസ് ജോലിയുടെ കാര്യവും ഇതു തന്നെയാണ്. നല്ല മൂഡുണ്ടെങ്കില്‍ ജോലികളെല്ലാം തന്നെ വേഗത്തില്‍ ചെയ്തു തീര്‍ക്കാനും സാധിയ്ക്കും.

മുഡിനെ സ്വാധീനിയ്ക്കുന്ന ധാരാളം കാര്യങ്ങളുണ്ട്. ഇവയിലൊന്നാണ് ഭക്ഷണം. ജോലിയില്‍ മടുപ്പു തോന്നുന്ന സമയത്ത് ഒരു കപ്പു കാപ്പി കുടിച്ചാല്‍ ഉന്മേഷം തോന്നുന്നതിന്റെ കാരണവും ഭക്ഷണവും മൂഡുമായുള്ള ബന്ധം തന്നെയാണ്.

ഓഫീസ് ജോലി ചെയ്യുമ്പോഴുള്ള മൂഡോഫ് അകറ്റുവാന്‍ സഹായിക്കുന്ന ചില ഭക്ഷണങ്ങളെക്കുറിച്ചറിയൂ,

റസ്‌ക്

റസ്‌ക് ജോലി ചെയ്യുമ്പോള്‍ മൂഡു നന്നാക്കുവാന്‍ കഴിയ്ക്കാവുന്ന ഒരു ഭക്ഷണമാണ്. ഇതില്‍ കൊഴുപ്പു കുറവാണ്. അതേ സമയം വിശപ്പു കുറയ്ക്കുകയും ചെയ്യും..

കാപ്പി

കാപ്പി ആരോഗ്യത്തിനു നല്ലതല്ലെന്നു പറയുമെങ്കിലും ഒരു കപ്പു കാപ്പി കൊണ്ട് ജോലി കൂടുതല്‍ ഉഷാറോടെ ചെയ്യാന്‍ സാധിയ്ക്കും.

ഗ്രീന്‍ ടീ

മൂഡു നന്നാക്കുവാനും അതേ സമയം ആരോഗ്യത്തിനും ഒരുപോലെ യോജിച്ച ഒന്നാണ് ഗ്രീന്‍ ടീ.

ചോക്കലേറ്റ്

ചോക്കലേറ്റ് നല്ല മൂഡ് നല്‍കുന്ന മറ്റൊരു ഭക്ഷണമാണ്. ആരോഗ്യത്തെക്കുറിച്ച് ചിന്തിയ്ക്കുന്നവര്‍ക്കാണെങ്കില്‍ ഡാര്‍ക് ചോക്കലേറ്റ് തെരഞ്ഞടുക്കാവുന്നതേയുള്ളൂ. ഉച്ചഭക്ഷണത്തിനു ശേഷം ഒരു കഷ്ണം ചോക്കലേറ്റ് കഴിച്ചു നോക്കൂ, ഉറക്കത്തിന്റെ മൂഡ് മാറിക്കിട്ടും.