ലിവര്‍ വൃത്തിയാക്കും ഭക്ഷണങ്ങള്‍

Published: Monday, January 21, 2013, 12:00 [IST]

കരളിന്റ ആരോഗ്യം വളരെ പ്രധാനമാണ്. കാരണം ശരീരം വൃത്തിയാക്കുന്നതടക്കമുള്ള പല കര്‍മങ്ങളും ചെയ്യുന്നത് കരള്‍ തന്നെയാണ്. കരള്‍ പണിമുടക്കിയാല്‍ ശരീരത്തിന്റെ ആകെയുള്ള ആരോഗ്യവും അവതാളത്തിലാകുമെന്ന് ചുരുക്കം.

ശരീരം ആകെ വൃത്തിയാക്കുന്ന കരള്‍ വൃത്തിയാക്കാനും ചില ഭക്ഷണങ്ങളുണ്ട്. ഇവ ആഹാരക്രമത്തില്‍ ഉള്‍പ്പെടുത്തുന്നത് കരളിന്റെ ആരോഗ്യത്തിന് ഗുണം ചെയ്യും.

ലിവര്‍ വൃത്തിയാക്കും ഭക്ഷണങ്ങള്‍

ലിവറില്‍ കൊഴുപ്പ് അടിഞ്ഞു കൂടുമ്പോള്‍ ഇത് ഫാറ്റി ലിവര്‍ സിന്‍ഡ്രോം എന്ന അവസ്ഥയ്ക്ക് വഴിയൊരുക്കുന്നു. ഇതിനുള്ള നല്ലൊരു പരിഹാരമാണ് തവിടു കളയാത്ത ധാന്യങ്ങള്‍ കഴിയ്ക്കുകയെന്നത്. ഇതിലെ വൈറ്റമിന്‍ ബി കൊഴുപ്പ് പെട്ടെന്ന് അലിയിച്ചു കളയാന്‍ സഹായിക്കുന്നു.

ലിവര്‍ വൃത്തിയാക്കും ഭക്ഷണങ്ങള്‍

ഒലീവ് ഓയില്‍ കരള്‍ വൃത്തിയാക്കുന്ന ഒരു എണ്ണയാണ്. ഇതിലെ ഒമേഗ ത്രീ ഫാറ്റി ആസിഡുകള്‍ കരളില്‍ കൊഴുപ്പടിഞ്ഞു കൂടാതെ സഹായിക്കും.

ലിവര്‍ വൃത്തിയാക്കും ഭക്ഷണങ്ങള്‍

വെളുത്തുള്ളിയും ഇത്തരത്തിലുള്ള ഒരു ഭക്ഷ്യവസ്തു തന്നെ. ഇതിലെ അലിസിന്‍, സെലെനിയം എന്നിവ ലിവര്‍ വൃത്തിയാക്കാന്‍ സഹായിക്കുന്നു.

ലിവര്‍ വൃത്തിയാക്കും ഭക്ഷണങ്ങള്‍

ആപ്പിള്‍ നേരിട്ട് കരള്‍ വൃത്തിയാക്കുന്നില്ല. എന്നാല്‍ ഇതിലെ പെക്ടിന്‍ വയറ്റിലെത്തുന്ന ഭക്ഷണങ്ങളിലെ വിഷാംശം നീക്കം ചെയ്യാന്‍ സഹായിക്കുന്നു. അങ്ങനെ ഇത് കരളില്‍ വിഷാംശം എത്തുന്നത് തടയുന്നു.