ബ്രൗണ്‍ റൈസ് നല്‍കും ഗുണങ്ങള്‍

മാംഗനീസ്

ഒരു കപ്പ് തവിടുകളയാത്ത അരി നമ്മുടെ ശരീരത്ത് ദിവസം വേണ്ട 80 ശതമാനം മാംഗീനിസ് നല്‍കും. കാര്‍ബോഹൈഡ്രേറ്റില്‍നിന്നും ഊര്‍ജ്ജം നേടാം. അമിത കൊഴുപ്പ് ശരീരത്തില്‍ അടിഞ്ഞുകൂടുന്നത് തടയും.

ഭാരം കുറയ്ക്കാം

തവിടുകളയാത്ത അരിയുടെ പ്രധാന ഗുണം ഭാരം കുറയ്ക്കാന്‍ സഹായിക്കുന്ന ഘടകങ്ങള്‍ അടങ്ങിയിരിക്കുന്നുവെന്നതാണ്. ഇതില്‍ അടങ്ങിയിരിക്കുന്ന ഫൈബര്‍ കൊഴുപ്പിനെ ശരീത്തിലേയ്ക്ക് കടത്തിവിടാതെ സംരക്ഷിക്കുകയും ചെയ്യും. ഫൈബര്‍ വിശപ്പിനെ നിയന്ത്രിക്കുകയും ഇടയ്ക്കിടെ ആഹാരം കഴിക്കാനുള്ള പ്രവണത കുറയ്ക്കുയും ചെയ്യും.

നല്ല എണ്ണ

ശരീരത്തിന് ഗുണം പ്രദാനംചെയ്യുന്നചില എണ്ണകള്‍ ബ്രൗണ്‍ റൈസിലുണ്ട്. നല്ല കൊഴുപ്പ് അടങ്ങിയ ഇത്തരം എണ്ണകള്‍ കൊളസ്‌ട്രോള്‍ നിയന്ത്രിക്കുന്നതിന് സഹായകരമാണ്.

ഹൃദയത്തിന് നല്ലത്

പൂര്‍ണ്ണ ധാന്യം എന്നു പറയാം. പുറംതോട് കളയുന്നുവെന്നല്ലാതെ മറ്റൊന്നും ഈ അരിയില്‍ നഷ്ടപ്പെടുന്നില്ല. ഈ പൂര്‍ണ്ണത അരിയിലെ ശരീരത്തിനാവശ്യമായ എല്ലാ ഘടകങ്ങളും നിലനിര്‍ത്തുന്നതിനാല്‍ ഹൃദ്യോഗം കുറയ്ക്കുന്നതിനും ഉയര്‍ന്ന കൊളസ്‌ട്രോള്‍ വരാതിരിക്കാനും സഹായിക്കും

വിഷസംഹാരി

ഇത്തരം അരിയില്‍ വിഷസംഹാരി ഘടകങ്ങള്‍ അടങ്ങിയിട്ടുണ്ടെന്ന് പഠനങ്ങള്‍ തെളിയിച്ചിട്ടുണ്ട്. പ്രകൃതിദത്ത രാസപദാര്‍ത്ഥമായ ഫൈറ്റോ ന്യൂട്രിനാല്‍ സമ്പന്നമാണ് തവിടുകളയാത്ത അരി. അതിനാല്‍ പല അസുഖങ്ങളും ശരീരത്തിലെത്താതെ തടയുവാന്‍ ഈ ഘടകത്തിന് സാധിക്കും.

പ്രമേഹം കുറയ്ക്കും

ഇതില്‍ അടങ്ങിയിരിക്കുന്ന മാഗ്നീഷ്യം 300 എന്‍സൈമുകള്‍ക്ക് പകരമാണ്. ശരീരത്തിലെ പഞ്ചസാരയുടെ അളവ് സംതുലനാവസ്ഥയില്‍ നിലനിര്‍ത്തുന്നതില്‍ മാഗ്നീഷ്യത്തിനുള്ള പങ്ക് അതുല്യമാണ്. കാര്‍ബോഹൈഡ്രേറ്റ് ഘടകവും ശരീരത്തിന് ഗുണം ചെയ്യും. പല പ്രക്രീയകളിലൂടെ കടന്നുപോയ മറ്റ് അരികളേക്കാള്‍ ശരീരത്തിന് നല്ലതാണ് ഇത്.

എല്ലുകള്‍ക്ക് നല്ലത്

മാഗ്നീഷ്യം ഘടകം എല്ലുകള്‍ക്കും, ഞരമ്പുരള്‍ക്കും, പേശികള്‍ക്കും ബലം നല്‍കും. എല്ലുകളുടെ ബലത്തിന് കാത്സ്യം പോലെ പ്രധാനമാണ് മാഗ്നിഷ്യവും ശരീരത്തിനാവശ്യമായ മാഗ്നീഷ്യത്തിന്റെ മൂന്നില്‍ രണ്ടുഭാഗവും കാണപ്പെടുന്നത് എല്ലുകളിലാണ്.

കുട്ടികള്‍ക്ക് നല്ലത്

ഫൈബര്‍ ഘടകങ്ങള്‍ ധാരാളം അടങ്ങിയിരിക്കുന്നതിനാലും ശുദ്ധീകരണപ്രക്രിയകളിലൂട കടന്നുപോകാത്തതിനാലും ചെറിയ കുട്ടികളുടെ ആദ്യഭക്ഷണമായി ഉള്‍പ്പെടുത്തുന്നത് നല്ലതാണ്. ദ്രുതഗതിയിലുള്ള കുട്ടിയുടെ വളര്‍ച്ചയെ സഹായിക്കുന്ന ഘടകങ്ങളാണ് തവിടുകളയാത്ത അരിയില്‍ അടങ്ങിയിരിക്കുന്നത്. കുട്ടികള്‍ക്ക് ശ്വാസംമുട്ട് വരാതിരിക്കുന്നതിനും ഇത് സഹായകമാണ്.