Click it and Unblock the Notifications
Latest Updates
-
മഴക്കാലത്ത് ചർമ്മം തിളങ്ങാൻ ഈ മാറ്റങ്ങൾ വരുത്തൂ, ഫംഗസ് ബാധയെ അകറ്റിനിർത്താം എളുപ്പത്തിൽ! -
ജിമ്മിൽ പോകണ്ട, വയറിലെ കൊഴുപ്പ് കളയാൻ ശിൽപ ഷെട്ടിയുടെ ഈ 'വി-സിറ്റ്' വ്യായാമം മതി! -
ഗുരു ഗോചരം 2026: വ്യാഴം കർക്കടകത്തിൽ എത്തുമ്പോൾ ജീവിതത്തിൽ സംഭവിക്കാൻ പോകുന്ന അപ്രതീക്ഷിത മാറ്റങ്ങൾ എന്തൊക്കെ? -
ജൂൺ 2-ലെ ഗ്രഹനില: കരിയറിൽ വൻ മാറ്റം, ഈ രാശിക്കാർക്ക് ഇന്ന് ഭാഗ്യദിനം, രാഹുകാലം കരുതിയിരിക്കുക -
ജൂൺ 2: ധനു, ഇടവം രാശിക്കാർക്ക് വൻ ധനയോഗം; ഇന്നത്തെ ശുഭമുഹൂർത്തവും ഗണ്ഡമൂല ദോഷവും അറിയാം -
2026 ജൂൺ 2: ചിങ്ങം, ധനു രാശിക്കാർക്ക് വൻ സാമ്പത്തിക നേട്ടം; ഇന്നത്തെ ഗ്രഹനിലയിൽ ഒളിഞ്ഞിരിക്കുന്ന അത്ഭുതങ്ങൾ! -
ജൂൺ 2 നക്ഷത്രഫലം: ഈ നക്ഷത്രക്കാർക്ക് ഇന്ന് ഭാഗ്യദിനം, ജീവിതത്തിൽ വലിയ മാറ്റങ്ങൾ വരാൻ പോകുന്നു -
ഇന്നത്തെ രാശിഫലം: മേടം മുതൽ മീനം വരെ, ഈ രാശിക്കാർക്ക് ഇന്ന് ഭാഗ്യദിനം, അറിയാം സമ്പൂർണ്ണ ഫലം -
തപ്സി പന്നുവിന്റെ ഫ്ലാറ്റ് ബെല്ലി: സ്പോട്ട് റിഡക്ഷൻ എന്ന മിഥ്യയും നിങ്ങൾ അറിയേണ്ട സത്യങ്ങളും -
സിദ്ധ, സാധ്യ യോഗങ്ങളുടെ അപൂർവ്വ സംഗമം: ഇന്ന് നിങ്ങളുടെ സാമ്പത്തിക നേട്ടങ്ങൾക്കും കരിയർ വളർച്ചയ്ക്കും സുവർണ്ണാവസരം!
പഴത്തൊലിയുടെ ഗുണങ്ങള്
സത്യം ചിലപ്പോള് കെട്ടുകഥയേക്കാള് വിചിത്രമായിരിക്കുമെന്ന് കേട്ടിട്ടില്ലേ? പഴത്തൊലിയുടെ കാര്യത്തില് ഈ ചൊല്ല് പരമാര്ത്ഥമാണ്. എങ്ങനെയെന്ന് വിശദമാക്കാം. ഇന്ത്യയില് ഏറ്റവും സുലഭമായി ലഭിക്കുന്ന ഫലമാണ് വാഴപ്പഴം. നമുക്ക് വാഴപ്പഴത്തോട് വലിയ പ്രിയം തോന്നാത്തതിന്റെ കാരണം ഇനി പറയേണ്ടതില്ലല്ലോ?
വാഴപ്പഴത്തില് പോഷകമൂല്യങ്ങളും അന്നജവും ധാരാളമായി അടങ്ങിയിട്ടുണ്ട്. വിറ്റാമിന് ബി-6, ബി-12, മെഗ്നീഷ്യം, പൊട്ടാസ്യം എന്നിവയാണ് പഴത്തില് അടങ്ങിയിരിക്കുന്ന പ്രധാന പോഷകങ്ങള്. തൊലി കറുത്ത് തുടങ്ങുമ്പോള് പഴത്തിലെ പഞ്ചസാരയുടെ അളവും വര്ദ്ധിക്കും.
പഴത്തിന്റെ മാഹാത്മ്യം കേട്ട് ത്രില്ലടിച്ച് പഴത്തൊലി വലിച്ചെറിയാന് വരട്ടെ. അതിന് മുമ്പ് ഇതൊന്ന് വായിക്കൂ.
മുല്ലപ്പൂമൊട്ട് പോലുള്ള പല്ലുകള്
എല്ലാദിവസവും ഒരു മിനിറ്റ് നേരം പഴത്തൊലി കൊണ്ട് പല്ല് തേയ്ക്കുക. ഒരാഴ്ചക്കാലം ഇത് തുടര്ന്നാല് നിങ്ങളുടെ പല്ല് മുല്ലപ്പൂമൊട്ട് പോലെ തിളങ്ങും. പല്ല് വെളുപ്പിക്കുന്നതിനുള്ള ചികിത്സകളുടെ ഭീമമായ ചെലവ് ലാഭിക്കാമെന്നത് ചെറിയ കാര്യമല്ല.
പാടുകള് മാറ്റാം
പാടുകള് മാറ്റാനും പുതിയവ വരാതിരിക്കാനും പഴത്തൊലി സഹായിക്കും. പാടില് പഴത്തൊലി തേയ്ക്കുക. അല്ലെങ്കില് രാത്രിയില് പഴത്തൊലി പാടിന് മുകളില് കെട്ടിവയ്ക്കുകയുമാവാം. ചര്മ്മപ്രശ്നങ്ങള്ക്കുള്ള പഴത്തൊലിയുടെ ഏറ്റവും ലളിതമായ ഉപയോഗമാണിത്.
അവ കഴിക്കുക
പഴത്തൊലി കഴിക്കാവുന്നതാണ്. പഴത്തൊലി ഉപയോഗിച്ച് രുചികരമായ പലതരം വിഭവങ്ങള് ഇന്ത്യയില് ഉണ്ടാക്കാറുണ്ട്. കോഴിയിറച്ചി മയപ്പെടുത്തുന്നതിനായി പഴത്തൊലി മുകളില് വയ്ക്കുന്നതും സാധാരണയാണ്.
മുഖക്കുരു
ദിവസവും അഞ്ച് മിനിറ്റ് നേരം മുഖത്തും ശരീരത്തും പഴത്തൊലി വച്ച് മസ്സാജ് ചെയ്യുക. മുഖക്കുരു മാറാന് ഇത് സഹായിക്കും. പതിവായി ചെയ്താല് ഒരാഴ്ചയ്ക്കുള്ളില് തന്നെ ഫലം ദൃശ്യമാകും. മുഖക്കുരു മാറുന്നത് വരെ പഴത്തൊലി ഉപയോഗിക്കുന്നത് തുടരുക.
ചുളിവുകള്
ത്വക്കിലെ ഈര്പ്പം നിലനിര്ത്താന് പഴത്തൊലി സഹായിക്കും. പഴത്തൊലി അരച്ച് അതില് മുട്ടയുടെ മഞ്ഞക്കരു ചേര്ത്ത് മുഖത്ത് പുരട്ടുക. അഞ്ച് മിനിറ്റിന് ശേഷം കഴുകി കളയുക.
വേദനസംഹാരി
വേദനയുള്ള ഭാഗത്ത് പഴത്തൊലി അരച്ച് പുരട്ടുക. അരമണിക്കൂര് കഴിഞ്ഞോ വേദന മാറിയതിന് ശേഷമോ ഇത് കഴുകി കളയാവുന്നതാണ്. ഇത് സസ്യയെണ്ണയില് ചാലിച്ച് പുരട്ടുന്നതും വേദന മാറാന് സഹായിക്കും.
സോറിയാസിസ്
സോറിയാസിസ് ഉള്ള ഭാഗത്ത് ഇത് പുരട്ടുക. പഴത്തൊലി ത്വക്കിലെ ഈര്പ്പം നിലനിര്ത്താന് സഹായിക്കുകയും ചൊറിച്ചില് കുറയ്ക്കുകയും ചെയ്യും. ഇത് പെട്ടെന്ന് സോറിയാസിസ് ഭേദപ്പെടുത്തും. ശരിയായി ഉപയോഗിച്ചാല് വളരെ പെട്ടെന്ന് തന്നെ ഫലം കണ്ടുതുടങ്ങും.
പ്രാണികളുടെ കടി
കൊതുക് പോലുള്ള പ്രാണികള് കടിച്ചാല്, ആഭാഗത്ത് പഴത്തൊലി വയ്ക്കുക. വേദനയും ചൊറിച്ചിലും പമ്പ കടക്കും.
ഷൂ, തുകല്, വെള്ളി പോളിഷ്
ഷൂ, തുകല് ഉത്പന്നങ്ങള്, വെള്ളി വസ്തുക്കള് എന്നിവയില് പഴത്തൊലി തേച്ചാല്, അവ വെട്ടിത്തിളങ്ങും. ഇത്തരം സാധനങ്ങള് പോളിഷ് ചെയ്യാന് പഴത്തൊലി ബെസ്റ്റാണെന്ന് സാരം!
അള്ട്രാവയലറ്റ് കിരണങ്ങളില് നിന്ന് സംരക്ഷണം
കണ്ണുകളെ അപകടകാരികളായ അള്ട്രാവയലറ്റ് കിരണങ്ങളില് നിന്ന് സംരക്ഷിക്കാന് പഴത്തൊലിക്ക് കഴിയും. തിമിര സാധ്യത കുറയ്ക്കാനും ഇതിലൂടെ കഴിയും. കണ്ണുകള്ക്ക് മുകളില് പഴത്തൊലി തേയ്ക്കുന്നതിന് മുമ്പ് അവ വെയിലത്ത് വച്ച് ഉണക്കാന് മറക്കരുത്.
Continue with Google