സസ്യാഹാര ഗുണങ്ങള്‍ അറിയൂ

ഒക്ടോബര്‍ ഒന്ന് വേള്‍ഡ് വെജിറ്റേറിയന്‍ ഡേ ആയി ആഘോഷിക്കുന്നു. ഇത്തരം സന്ദര്‍ഭത്തില്‍ വെജിറ്റേറിയന്‍ ഭക്ഷണത്തിന്റെ ഗുണങ്ങളെക്കുറിച്ച് അറിയുന്നത് നല്ലതല്ലേ.

കുടല്‍, ലംഗ്‌സ് ക്യാന്‍സറുകള്‍ തടയാന്‍ ഏറ്റവും നല്ല മാര്‍ഗമാണ് സസ്യാഹാരം കഴിയ്ക്കുന്നത്. ഇതിലെ നാരുകള്‍ ഇത്തരം രോഗങ്ങള്‍ വരുന്നതു തടയും.

ടൈപ്പ് 2 ഡയബെറ്റിസ് തടയാനുള്ളൊരു മാര്‍ഗമാണ് സസ്യാഹാരം. ഇവയിലെ കോംപ്ലക്‌സ് കാര്‍ബോഹൈഡ്രേറ്റുകളും നാരുകളും തന്നെ കാരണം.

മാംസാഹാരം പൊതുവെ കൊഴുപ്പു നിറഞ്ഞതാണ്. ഇത് ശരീരം തടിക്കാനും അസുഖങ്ങളുണ്ടാക്കാനും സാധ്യത കൂട്ടും. ഇക്കാരണത്താല്‍ വെജിറ്റേറിയന്‍ ഭക്ഷണം പ്രാധാന്യമര്‍ഹിക്കുന്നു. മാത്രമല്ല, മൃഗങ്ങളില്‍ കുത്തിവയ്ക്കുന്ന ഹോര്‍മോണുകള്‍ വഴി അസുഖം വരാനുള്ള സാധ്യത കുറയുകയും ചെയ്യും.

മാംസത്തിനായി മൃഗങ്ങളെ കൊല്ലുമ്പോള്‍ പേടി കാരണം ഇവയിലുടെ ശരീരത്തില്‍ സ്‌ട്രെസ് ഹോര്‍മോണ്‍, സ്റ്റിറോയ്ഡുകള്‍ എന്നിവ ഉല്‍പാദിപ്പിക്കപ്പെടു്ന്നതായി പഠനങ്ങള്‍ തെളിയിച്ചിട്ടുണ്ട്. ഇത് മനുഷ്യശരീരത്തിലും എത്തുന്നു. ഇത് ആരോഗ്യത്തിന് ദോഷകരമാണ്.

ബിപി, കൊളസ്‌ട്രോള്‍ എന്നിവ കുറയ്ക്കാനും സസ്യാഹാരം നല്ലതാണ്. കൊഴുപ്പും ഉപ്പും കുറയുന്നതു തന്നെ പ്രധാന കാരണം.

സസ്യാഹാരത്തിലാണ് കൂടുതല്‍ അമിനോ ആസിഡുകളുള്ളത്. അമിനോ ആസിഡുകള്‍ ആരോഗ്യമുള്ള ശരീരത്തിന് വളരെ പ്രധാനമാണ്.

ആന്റിഓക്‌സിഡന്റുകള്‍ കൂടുതല്‍ അടങ്ങിയിരിക്കുന്നത് സസ്യാഹാരത്തിലാണ്. ഇത് ചര്‍മത്തിനും നല്ലതാണ്.

വെജിറ്റേറിയന്‍ ഭക്ഷണം തയ്യാറാക്കുമ്പോള്‍ മസാലകള്‍, എണ്ണ എന്നിവയുടെ ഉപയോഗം കുറയ്ക്കാനും കഴിയും. ഇതും ആരോഗ്യത്തിന് നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.