തൊണ്ടവേദനയുള്ളപ്പോള്‍ ഇവ ഒഴിവാക്കൂ

Published: Wednesday, November 21, 2012, 6:38 [IST]

തൊണ്ടയിലെ അണുബാധയും തുടര്‍ന്നുണ്ടാകുന്ന തൊണ്ടവേദനയും എപ്പോഴും ആര്‍ക്കും വരാവുന്ന അസുഖങ്ങളാണ. ഇതിന് വേഗം പരിഹാരം കണ്ടെത്തിയില്ലെങ്കില്‍ പനി, ചുമ പോലുള്ള രോഗങ്ങള്‍ പോലും ഈ അണുബാധ വരുത്തി വയ്ക്കും.

ഭക്ഷണം കഴിയ്ക്കാനുള്ള ബുദ്ധിമുട്ടു തന്നെയാണ് തൊണ്ടവേദയുടെ എറ്റവും വലിയ പ്രശ്‌നം. തൊണ്ടവേദന അധികമാകുമ്പോള്‍ വെള്ളം കുടിയ്ക്കാന്‍ പോലും പ്രയാസമനുഭവപ്പെടും.

ഉപ്പുവെള്ളം ഗാര്‍ഗിള്‍ ചെയ്യുകയെന്നതാണ് ഈ രോഗത്തിനുള്ള ഏറ്റവും ഉത്തമമായ മരുന്നെന്നു പറയാം. ചൂടുവെള്ളം, ഹെര്‍ബല്‍ ടീ, സൂപ്പ് എന്നിവ കുടിയ്ക്കുന്നതും ഗുണം ചെയ്യും.

എന്നാല്‍ തൊണ്ടവേദനയുള്ളപ്പോള്‍ ഒഴിവാക്കേണ്ട ചില ഭക്ഷണങ്ങളുണ്ട്. ഇവ തൊണ്ടവേദന കൂട്ടുന്നവയാണ്. ഇത്തരം ഭക്ഷണങ്ങളെക്കുറിച്ച് അറിയൂ.

പുളിയുള്ള ഭക്ഷണങ്ങള്‍ തൊണ്ടയില്‍ അണുബാധയുള്ളപ്പോള്‍ ഒഴിവാക്കേണ്ടവയാണ്. പുളിയുള്ള ഫലവര്‍ഗങ്ങളും ഈ ലിസ്റ്റില്‍ പെടുന്നവ തന്നെ.

എരിവുള്ള ഭക്ഷണങ്ങളും മസാലകളും തൊണ്ടവേദനയുള്ളപ്പോള്‍ കഴിവതും ഒഴിവാക്കുക. ഇവ തൊണ്ടവേദന മാത്രമല്ല, ചുമ, കഫക്കെട്ട് എന്നിവയും വരുത്തി വയ്ക്കും. അണുബാധ മാറാനും സമയമെടുക്കും.

പാലും പാലുല്‍പന്നങ്ങളും തൊണ്ടവേദനയുള്ളപ്പോള്‍ ഒഴിവാക്കുക തന്നെ വേണം. ഇവ അണുബാധ മാറാന്‍ ബുദ്ധിമുട്ടുണ്ടാക്കും. കഫക്കെട്ട് പോലുള്ള രോഗങ്ങള്‍ ഉണ്ടാവുകയും ചെയ്യും.

ഡ്രൈ ഫുഡും ഇത്തരം അസുഖസമയത്ത് ഒഴിവാക്കേണ്ടതു തന്നെ. നട്‌സ്, ബിസ്‌ക്കറ്റ്, വറുത്ത സാധനങ്ങള്‍ എന്നിവ തൊണ്ടവേദന കൂട്ടുകയേയുള്ളൂ.

രു കപ്പു കാപ്പി തൊണ്ടവേദനയുള്ളപ്പോള്‍ ആശ്വാസം നല്‍കിയേക്കാം. എന്നാല്‍ താല്‍ക്കാലികമായി മാത്രം. കഫീന്‍ തൊണ്ടവേദന വര്‍ദ്ധിപ്പിക്കുന്ന ഒരു ഘടകമാണ്. എന്നാല്‍ കുരുമുളകു കാപ്പി, ഹെര്‍ബല്‍ ടീ തുടങ്ങിയവ നല്ലതാണ്.