വെജിറ്റേറിയനെങ്കിലും പ്രോട്ടീന്‍ വേണ്ടേ?

പ്രോട്ടീനുകളുടെ നല്ല ഉറവിടമാണ് തവിടു കളയാത്ത ധാന്യങ്ങള്. ബര്‍ലി, തവിടു കളയാത്ത അരി എന്നിവ പ്രോട്ടീനുകള്‍ കലര്‍ന്ന ഉത്തമ ആഹാരങ്ങളാണ്.

സോയയയും ധാരാളം പ്രോട്ടീന്‍ അടങ്ങിയ ഭക്ഷണം തന്നെ. സോയ മില്‍ക്, സോയ ചങ്ക്‌സ്, സോയാ ബീന്‍സ്തുടങ്ങിയവ ഭക്ഷണത്തില്‍ ഉള്‍പ്പെടുത്തിയാല്‍ ആവശ്യത്തിന് പ്രോട്ടീന്‍ ലഭ്യമാകും. ടോഫു എന്ന വിഭവം സോയ കൊണ്ടാണ് ഉണ്ടാക്കുന്നത്. ഒരു കപ്പ് ടോഫുവില്‍ 20 ഗ്രാം പ്രോട്ടീന്‍ അടങ്ങിയിട്ടുണ്ടെന്നാണ് കണക്ക്.

ബദം, നിലക്കടല, വാള്‍നട്ട്, ഫഌക്‌സ് സീഡുകള്‍, മത്തങ്ങക്കുരു, എള്ള് എന്നിവയെല്ലാം പ്രോട്ടീന്‍ നല്‍കുന്ന നല്ലൊന്നാന്തരം വെജിറ്റേറിയന്‍ ഭക്ഷണങ്ങളാണ്. ഇവ ഭക്ഷണത്തില്‍ ഉള്‍പ്പെടുത്താം.

പയര്‍ വര്‍ഗങ്ങളിലും ധാരാളം പ്രോട്ടീന്‍ അടങ്ങിയിട്ടുണ്ട്. ഒരോ കപ്പ് ധാന്യത്തിനും 15 ഗ്രാം പ്രോട്ടീന്‍ അടങ്ങിയിട്ടുണ്ട്. ചുവന്ന പയര്‍, ബീന്‍സ്, വന്‍പയര്‍ എന്നിവയെല്ലാം നല്ലൊന്നാന്തരം പ്രോട്ടീനുകള്‍ തന്നെ.

മുളപ്പിച്ച ധാന്യങ്ങള്‍ പ്രോട്ടീനുകളുടെ ഏറ്റവും നല്ല കലവറയാണെന്നു പറായം. പരിപ്പ്, പയര്‍ വര്‍ഗങ്ങള്‍ ഇവയില്‍ ഉള്‍പ്പെടുന്നു. ഇവ പച്ചയ്‌ക്കോ വേവിച്ചോ കഴിയ്ക്കാം. പച്ചയ്ക്ക് സാലഡുകളിലും മറ്റും ഉപയോഗിക്കുന്നതാണ് കൂടുതല്‍ നല്ലത.

പാല്‍ ഉല്‍പന്നങ്ങളും പ്രോട്ടീന്‍ കലവറയാണ്. സസ്യാഹാരം മാത്രം കഴിയ്ക്കുന്നവര്‍ തീര്‍ച്ചയായും കഴിച്ചിരിക്കേണ്ട ഒരു ഭക്ഷണം. പാല്‍ അസിഡിറ്റിയുണ്ടാക്കുന്നതായി ചിലര്‍ക്കെങ്കിലും അനുഭവപ്പെട്ടു കാണും. ഇത്തരക്കാര്‍ക്ക് തൈര് ഉപയോഗിക്കാം. വെണ്ണ, നെയ്യ് എന്നിവയിലും പ്രോട്ടീന്‍ അംശം വളരെ കൂടുതല്‍ തന്നെയാണ്.