യൗവനം നില നിര്‍ത്തും ഭക്ഷണങ്ങള്‍

നട്‌സ്

വൈറ്റമിനുകളും മോണോ സാച്വറേറ്റഡ് ഫാറ്റി ആസിഡുകളും അടങ്ങിയ ഭക്ഷണമാണ് നട്‌സ്. ഇവ ചര്‍മത്തിനുണ്ടാകുന്ന കേടുപാടുകള്‍ തീര്‍ക്കാന്‍ അത്യാവശ്യവുമാണ്. ചര്‍മത്തിന് ചുറ്റും ഒരു സംരക്ഷണവലയം തീര്‍ക്കാന്‍ ഇവ വളരെ അത്യാവശ്യവുമാണ്. കശുവണ്ടിപ്പരിപ്പ്, ബദാം, വാള്‍നട്ട് എന്നിവ ഭക്ഷണത്തില്‍ ഉള്‍പ്പെടുത്തുക.

ബ്ലൂബെറി

ചര്‍മത്തിന് ആവശ്യമായ ആന്റി ഓക്‌സിഡന്റുകള്‍ ലഭ്യമാക്കാന്‍ ബെറികള്‍ക്കു കഴിയും. സ്‌ട്രോബെറി, ബ്ലൂബെറി, ക്രാന്‍ബെറി, ആപ്പിള്‍, ആപ്രിക്കോട്ട് തുടങ്ങിയവ ഭക്ഷണത്തില്‍ ഉള്‍പ്പെടുത്തുക. വൈറ്റമിനുകളും ഇവയില്‍ ധാരാളം അടങ്ങിയിട്ടുണ്ട്. ചര്‍മത്തിളക്കം നില നിര്‍ത്താനും ചര്‍മത്തിലെ വിഷാംശം നീക്കം ചെയ്ത് ചെറുപ്പം നില നിര്‍ത്താനും ഇവയ്ക്കു സാധിയ്ക്കും.

ഇലക്കറി

ഇലക്കറികളും ചര്‍മത്തിന് നല്ലതു തന്നെ. ഇവ രക്തം വര്‍ദ്ധിക്കാന്‍ സഹായിക്കും. ഇലക്കറികളില്‍ ചര്‍മത്തിന് ആവശ്യമായ എല്ലാവിധ വൈറ്റമിനുകളും അടങ്ങിയിട്ടുണ്ട്. ശരീരത്തിന് ദോഷം ചെയ്യുന്ന ഫ്രീ റാഡിക്കലുകളെ അകറ്റാനും ഇതിന് സാധിക്കും.

മത്സ്യം

മുടിയ്ക്കും ചര്‍മത്തിനും ഒരുപോലെ ഗുണകരമാണ് ഒമേഗ ത്രീ ഫാറ്റി ആസിഡുകള്‍. ഇവ മത്സ്യത്തില്‍ ധാരാളം അടങ്ങിയിട്ടുണ്ട്. ചര്‍മത്തിന്റെ മുറുക്കം നില നിര്‍ത്താന്‍ ഇവ വളരെ ഗുണകരമാണ്.

തവിട് കളയാത്ത ധാന്യങ്ങളും ചര്‍മത്തിന് വളരെ നല്ലതു തന്നെയാണ്. ഇവയില്‍ പ്രോട്ടീനുകള്‍, ധാതുക്കള്‍, വൈറ്റമിനുകള്‍ എന്നിവ ധാരാളം അടങ്ങിയിട്ടുണ്ട്. നല്ല ചര്‍മത്തിന് മാത്രമല്ല, ഹൃദയാരോഗ്യത്തിനും വളരെ നല്ലതു തന്നെയാണ്.

ഗ്രീന്‍ ടീ

ഗ്രീന്‍ ടീയും ചര്‍മത്തിളക്കത്തിന് വളരെ പ്രധാനം തന്നെ. ചര്‍മത്തില്‍ ചുളിവുകള്‍ വരാതിരിക്കാന്‍ ഇതിലെ ആന്റി ഓക്‌സിഡന്റുകള്‍ സഹായിക്കും.

വെള്ളം

വെള്ളവും ചര്‍മത്തിന് വളരെ ഗുണം ചെയ്യുന്ന ഒന്നാണ്. ചര്‍മം വരളുന്നത് ചുളിവുകള്‍ വീഴാന്‍ ഇട വരുത്തും. ഇതുണ്ടാകാതിരിക്കാന്‍ ധാരാളം വെള്ളം കുടിയ്‌ക്കേണ്ടത് വളരെ പ്രധാനം തന്നെയാണ്. ശരീരത്തിന്റെ 70 ശതമാനവും വെള്ളമാണെന്ന് ഓര്‍ക്കുക.