പല്ലിന് വേണം ഭക്ഷണം

പഴവര്‍ഗങ്ങള്‍ ആരോഗ്യകരമാണെങ്കിലും മധുരമുള്ളവ പല്ലിന് നല്ലതല്ല. മുന്തിരി പോലുള്ള മധുമുള്ള പഴങ്ങള്‍ക്ക് പകരം കുക്കുമ്പര്‍ പോലുള്ള ഭക്ഷണങ്ങള്‍ കഴിയ്ക്കാം.

നാരുകളുള്ള ഭക്ഷണം പല്ലുകള്‍ക്ക് നല്ലതാണ്. ക്യാരറ്റ്, ഇലക്കറികള്‍ തുടങ്ങിയവ ഉദാഹരണം. ഇവയില്‍ ധാരാളം നാരുകള്‍ അടങ്ങിയിട്ടുണ്ട്.

തവിടു കളയാത്ത ധാന്യങ്ങള്‍ പല്ലകളുടെ ആരോഗ്യത്തിന് നല്ലതാണ്. പല്ലുകളില്‍ പോട് വരുന്നതു തടയാന്‍ ഇതിനാകും.

ഉണക്കമുന്തിരിയില്‍ മധുരമുണ്ടെങ്കിലും പല്ലുകള്‍ കേടാവുന്നത് തടയാനാകും. ഇതിലെ ഫ്‌ളേവനോയ്ഡുകളും ഫോട്ടോഫിനോളുകളുമാണ് ഈ ഗുണമുണ്ടാക്കുന്നത്. ഇവ വായിലെ ബാക്ടീരിയകളെ തടയാന്‍ വളരെ നല്ലതാണ.്

കടല്‍ വിഭവങ്ങള്‍, പ്രത്യേകിച്ച ചെമ്മീന്‍, കക്കയിറച്ചി തുടങ്ങിയവയില്‍ ധാരാളം കാല്‍സ്യം അടങ്ങിയിട്ടുണ്ട്. പല്ലുകളുടെ ആരോഗ്യത്തിന് ഇത് വളരെ പ്രധാനമാണ്. പൊതുവെ മത്സ്യങ്ങളില്‍ കാല്‍സ്യം ധാരാളം അടങ്ങിയിട്ടുണ്ട്.

ച്യൂയിംഗ് ഗം നല്ലതല്ലെന്നാണ് പൊതുവെയുള്ള വിലയിരുത്തല്‍. എന്നാല്‍ പല്ലുകളുടെ ആരോഗ്യത്തിന് ഇത് ഒരു പരിധി വരെ ഗുണം ചെയ്യുന്നുണ്ട്. പല്ലുകളിലെ പോടിനെ തടയാന്‍ ഇത് സഹായിക്കുന്നുണ്ട്.

പുതിനയിലയും പല്ലിന് സംരക്ഷണം കൊടുക്കാന്‍ സാധിക്കുന്ന ഒന്നാണ്. ഇത് ബാക്ടീരിയയില്‍ നിന്ന് പല്ലിന് സംരക്ഷണം നല്‍കുന്നു. മധുരം കഴിച്ച ശേഷം പുതിനയില വായിലിട്ട് ചവയ്ക്കുന്നത് നല്ലതാണ്.

പാല്‍, തൈര്, മുട്ട തുടങ്ങിയവയില്‍ ധാരാളം കാല്‍സ്യം അടങ്ങിയിട്ടുണ്ട്. പല്ലുകളുടെ ആരോഗ്യത്തിന് കാല്‍സ്യം വളരെ പ്രധാനമാണ്. ഇത്തരം ഭക്ഷണങ്ങള്‍ പതിവാക്കുന്നത് പല്ലിന് ഗുണം ചെയ്യും.