പഞ്ചസാരയും കഴിയ്ക്കണം, എന്തിനെന്നോ...

പഞ്ചസാര ആരോഗ്യത്തിന് നല്ലതല്ലെന്നാണ് പൊതുവെ പറയുക. പ്രമേഹം വരുമെന്നാണ് ഇതിനു പറയുന്ന പ്രധാന ദോഷം.

എന്നാല്‍ പഞ്ചസാര കഴിയ്‌ക്കേണ്ട ചില സന്ദര്‍ഭങ്ങളുമുണ്ട്. എപ്പോഴൊക്കെയാണ് പഞ്ചസാര ഉപകാരം ചെയ്യുന്നതെന്ന് അറിയാമോ,

പെട്ടെന്ന് ശരീരത്തിന് ഊര്‍ജം നല്‍കാന്‍ പഞ്ചസാരയ്ക്കു കഴിയും. ഇത് പെട്ടെന്ന് ഗ്ലൂക്കോസായി മാറുകയാണ് ചെയ്യുന്നത്. നേരിട്ട് രക്തത്തില്‍ ചേരുന്ന ഗ്ലൂക്കോസ് ഊര്‍ജമായി പെട്ടെന്നു മാറും. അത്‌ലറ്റുകളും മറ്റും പഞ്ചസാര കഴിയ്ക്കുന്നതിന്റെ ഒരു കാരണം ഇതുതന്നെയാണ്. ക്ഷീണം തോന്നുന്നെങ്കില്‍ അല്‍പം പഞ്ചസാര കഴിച്ചു നോക്കൂ. ഗുണമുണ്ടാകും.

ലോ ബിപിയുള്ളവരോട് ബിപി സാധാരണ നിലയിലേക്കെത്താന്‍ പഞ്ചസാര കഴിയ്ക്കുവാന്‍ പറയാറുണ്ട്. എന്നാല്‍ ബിപി കൂടുതലുള്ളവര്‍ പഞ്ചസാരയുടെ ഉപയോഗം നിയന്ത്രിക്കുക തന്നെ വേണം.

മധുരം തടിയും തൂക്കവും വര്‍ദ്ധിക്കാനുള്ള ഒരു മാര്‍ഗം കൂടിയാണ്. ശരീരഭാരം കുറവുള്ളവര്‍ കൂടുതല്‍ മധുരം കഴിച്ചാല്‍ തൂക്കവും തടിയും വര്‍ദ്ധിക്കും.

മദ്യം, പുകവലി ശീലങ്ങള്‍ക്ക് അടിമപ്പെട്ടവര്‍ക്കുള്ള ഒരു മരുന്നു കൂടിയാണ് പഞ്ചസാര. ഇവയ്ക്കു പകരം അല്‍പം പഞ്ചസാര വായിലിടാന്‍ ഡോക്ടര്‍മാര്‍ ആവശ്യപ്പെടാറുണ്ട്.

ശരീരത്തില്‍ നിന്നും വെള്ളം നഷ്ടപ്പെട്ടാല്‍ പഞ്ചസാര ചേര്‍ത്ത വെള്ളം കൊടുക്കുന്നത് നല്ലതാണ്. ഊര്‍ജം ലഭിയ്ക്കുന്നതു കൊണ്ട് ക്ഷീണം മാറ്റാന്‍ ഇത് വളരെ നല്ലതാണ്.

വിശപ്പു കുറയ്ക്കാനും പഞ്ചസാര നല്ലൊരു മാര്‍ഗം തന്നെയാണ്. വിശപ്പു തോന്നുമ്പോള്‍ അല്‍പം മധുരം കഴിച്ചാല്‍ വിശപ്പ് പെട്ടെന്നു ശമിയ്ക്കുന്നതു കാണാം.

എന്നാല്‍ മുകളില്‍ പറഞ്ഞ കാര്യങ്ങള്‍ ചില കാര്യങ്ങള്‍ക്ക് മാത്രമാണ് ഉപകരിയ്ക്കുന്നതെന്നോര്‍ക്കുക. മധുരത്തിന്റെ അളവു കൂടുന്നത് ഗുണത്തേക്കാളേറെ ദോഷങ്ങള്‍ വരുത്തി വയ്ക്കുകയും ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.