മൂഡോഫാണോ, ഇവ കഴിയ്ക്കൂ

ചീസും ഇതുകൊണ്ടുള്ള ഭക്ഷണങ്ങളുമെല്ലാം മൂഡ് നന്നാക്കാന്‍ സാധിക്കുന്ന ഭക്ഷണസാധനങ്ങളാണ്. ഇവയിലെ പ്രോട്ടീനും കാല്‍സ്യവുമെല്ലാം മൂഡ് നന്നാക്കാന്‍ സഹായിക്കുകയും ചെയ്യും. ആരോഗ്യത്തിന് നല്ലതുമാണ്. കൊഴുപ്പില്ലാത്ത പാലു കൊണ്ടുണ്ടാക്കിയതാണെങ്കില്‍ കൂടുതല്‍ നല്ലത്.

ഡാര്‍ക് ചോക്ലേറ്റ് സന്തോഷിപ്പിക്കുന്ന ഒരു ഭക്ഷണമാണ്. സ്‌ട്രെസ് ഹോര്‍മോണിന്റെ അളവ് കുറയ്ക്കാന്‍ ഇതിലുള്ള ആന്റിഓക്‌സിഡന്റുകള്‍ സഹായിക്കുന്നു. ഇത് മൂഡു നന്നാക്കുകയും ചെയ്യും.

നോണ്‍ വെജ് വേണമെന്നുള്ളവര്‍ക്ക് സ്‌മോക്ക്ഡ് ചിക്കന്‍ കഴിയ്ക്കാം. ബേക്ക് ചെയ്ത ചിക്കനും നല്ലൊരു ഭക്ഷണം തന്നെ.

മൂഡു നന്നാക്കാന്‍ ഐസ്‌ക്രീം കഴിയ്ക്കാം. അല്ലെങ്കില്‍ തണുത്ത മില്‍ക് ഷേയ്‌ക്കോ സ്മൂത്തിയോ കഴിയ്ക്കാം.

ഉരുളക്കിഴങ്ങിനോട് പ്രിയമുള്ളവര്‍ക്ക് പൊട്ടെറ്റോ ചിപ്‌സ് തന്നെ വേണമെന്നില്ല. പൊട്ടെറ്റോ വെഡ്ജറ്റുകള്‍ ലഭിക്കും. ഇത് ബേക്ക് ചെയ്ത് കഴിയ്ക്കാനും സാധിക്കും. വറവ് ഒഴിവാക്കുന്നതാണ് മൂഡു നന്നാക്കാന്‍ നല്ലത്.

പോപ്‌കോണും മൂഡോഫാകുമ്പോള്‍ കൊറിച്ചു കൊണ്ടിരിക്കാന്‍ സഹായിക്കുന്ന ഒരു ഭക്ഷണം തന്നെയാണ്. ബട്ടറോ മറ്റു മസാലകളോ ചേര്‍ക്കാത്തവ കൂടുതല്‍ ആരോഗ്യദായകം.

നട്‌സ് ഇത്തരം സന്ദര്‍ഭങ്ങളില്‍ കഴിയ്ക്കാന്‍ സാധിക്കുന്ന നല്ലൊരു ഭക്ഷണമാണ്. ഇത് ആരോഗ്യപ്രശ്‌നങ്ങള്‍ വരുത്തി വയ്ക്കുകയുമില്ല. ആരോഗ്യത്തിന് ഗുണം ചെയ്യുന്നവയാണ് നട്‌സ്.