കപ്പലണ്ടി കൊറിച്ച് ക്യാന്‍സര്‍ തടയൂ

കൊറിക്കാന്‍ ഏറ്റവും നല്ലൊരു ഭക്ഷണസാധമാണ് കപ്പലണ്ടി അഥവാ നിലക്കടല. ഇത് പച്ചയ്‌ക്കോ പുഴുങ്ങിയോ എണ്ണയില്ലാതെ വറുത്തോ ഉപയോഗിക്കാം. പല വിഭവങ്ങളിലും സ്വാദു കൂടാന്‍ ചേര്‍ക്കുന്ന ഒരു വസ്തു കൂടിയാണ് നിലക്കടല.

നട്‌സില്‍ പെട്ട ഒരു ഭക്ഷണം കൂടിയായ ഇതില്‍ നിന്നും പീനട്ട് ബട്ടറും എടുക്കാറുണ്ട്. ഇത് ആരോഗ്യത്തിനും ചര്‍മസംരക്ഷണത്തിനും ഏറെ നല്ലതാണ്.

കപ്പലണ്ടി കൊറിയ്ക്കുന്നതു കൊണ്ട് ഗുണങ്ങള്‍ പലതുണ്ട്. ഇതില്‍ പ്രോട്ടീനുകള്‍, ധാതുക്കള്‍, ആന്റിഓക്‌സിഡന്റുകള്‍ തുടങ്ങി ആരോഗ്യദായകമായ പല ഘടകങ്ങളും അടങ്ങിയിട്ടുണ്ട്. ബോഡി ബില്‍ഡര്‍മാര്‍ക്ക് പറ്റിയ നല്ലൊരു ഭക്ഷണമാണിത്.

ശരീരത്തിന്റെ വളര്‍ച്ചയ്ക്ക് അത്യാവശ്യമായ ധാരാളം അമിനോ ആസിഡുകള്‍ നിലക്കടലയില്‍ അടങ്ങിയിട്ടുണ്ട്. ശരീരത്തിന് ഊര്‍ജം നല്‍കാനും ഇത് നല്ലതാണ്.

ഇതിലെ പോളിഫിനോളിക് ആന്റിഓക്‌സിഡന്റ് ക്യാന്‍സര്‍ സാധ്യതയുണ്ടാക്കുന്ന കാര്‍സിനോജനുകളെ തടയുന്നു. ഇതിലെ ബീറ്റാ സൈറ്റോസ്റ്റിറോള്‍ പോലുള്ളവ കുടല്‍, സ്തന, പ്രോസ്‌റ്റേറ്റ് ക്യാന്‍സര്‍ ബാധകള്‍ ചെറുക്കുന്നതിന് സഹായകമാണ്.

ഹൃദയപ്രശ്‌നങ്ങള്‍, ഫംഗസ്, വൈറല്‍ ബാധകള്‍, അല്‍ഷീമേഴ്‌സ് തുടങ്ങിയ പ്രശ്‌നങ്ങള്‍ ചെറുക്കുന്നതിന് നിലക്കടല സഹായകമാണ്.

ഇതില്‍ ധാരാളം വൈറ്റമിന്‍ ഇ അടങ്ങിയിട്ടുണ്ട്. ഇത് ചര്‍മത്തിനും മ്യൂകസ് ഗ്ലാന്റിന്റെ സെല്‍ മെമ്പ്രേയ്‌നെ സംരക്ഷിക്കുന്നു. ചര്‍മത്തിന് ദോഷം വരുത്തുന്ന ഓക്‌സിജന്‍ ഫ്രീ റാഡിക്കലുകലുകളില്‍ നിന്നും ചര്‍മത്തെ ഇവ സംരക്ഷിക്കുന്നു.

ഇതില്‍ റൈബോഫ്‌ളേവിന്‍, തയാമിന്‍, പാന്റോതെനിക് ആസിഡ്, വൈറ്റമിന്‍ ബി, ഫോലേറ്റ്‌സ് തുടങ്ങി പോഷകപ്രദമായ പല ഘടകങ്ങളും അടങ്ങിയിട്ടുണ്ട്. ഇവ ശരീരത്തിലെ രക്തപ്രവാഹം വര്‍ദ്ധിപ്പിക്കാനും പുതിയ രക്താണുക്കളെ ഉല്‍പാദിപ്പിക്കാനും സഹായിക്കുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.