സൂപ്പെന്നാല്‍...

സൂപ്പ് ആരോഗ്യവശങ്ങള്‍ ഏറെയുള്ള ഒരു ഭക്ഷണമാണ്. വിശപ്പു കുറയ്ക്കുക വണ്ണം കുറയ്ക്കുക, അസുഖത്തിന് പറ്റിയ ഭക്ഷണം എന്നിങ്ങനെ സൂപ്പിന്റെ ഗുണങ്ങള്‍ ധാരാളമുണ്ട്.

ആസ്തമ, ഹൃദ്രോഗം, പ്രമേഹം തുടങ്ങിയ അസുഖങ്ങള്‍ക്ക് സൂപ്പ് വളരെ നല്ലതാണ്. ഇവയില്‍ ചേര്‍ക്കുന്ന ഇഞ്ചി, വെളുത്തുള്ളി, കുരുമുളക് എന്നിവയെല്ലാം ആരോഗ്യഗുണങ്ങള്‍ ഏറെയുള്ളവയാണ്.

സൂപ്പിലൂടെ പോഷകങ്ങളും ധാതുക്കളും ശരീരത്തിന് വേഗത്തില്‍ വലിച്ചെടുക്കാന്‍ സാധിക്കും.

വണ്ണം കുറയ്ക്കാന്‍ സഹായിക്കുന്നമെന്നതാണ് ഏറ്റവും വലിയ ഗുണം. ഇവ പെട്ടെന്ന് വയര്‍ നിറഞ്ഞതായി തോന്നിക്കും. അങ്ങനെ ഭക്ഷണത്തിന്റെ അളവ് കുറയ്ക്കുകയും ചെയ്യും.

പച്ചക്കറി കഴിയ്ക്കാന്‍ മടിയ്ക്കുന്ന കുട്ടികള്‍ക്കുള്ളില്‍ പച്ചക്കറി എത്തിക്കാനുള്ള നല്ലൊരു മാര്‍ഗമാണിത്.

അസുഖമുള്ള സമയത്ത് കഴിയ്ക്കാന്‍ പറ്റിയ നല്ലൊന്നാന്തരം ഭക്ഷണമാണിത്. പെട്ടെന്ന് ആരോഗ്യം വീണ്ടെടുക്കാന്‍ സൂപ്പ് നല്ലതാണ്.

കടയില്‍ നിന്നും വാങ്ങുന്ന സൂപ്പുകള്‍ക്ക് ആന്റി ഓക്‌സിഡന്റ് ഗുണങ്ങള്‍ ഉണ്ടാകില്ല. സൂപ്പ് വീട്ടില്‍ തന്നെ തയ്യാറാക്കുന്നതാണ് നല്ലത്.

സൂപ്പിനൊപ്പം പാല്‍, ക്രീം എന്നിവ ചേര്‍ക്കുന്നത് തടി കുറയ്ക്കാന്‍ ശ്രമിക്കുന്നവര്‍ക്ക് ദോഷം ചെയ്‌തെന്നു വരും.

സൂപ്പിന് കൊഴുപ്പുണ്ടാകാന്‍ കോണ്‍ഫ്‌ളോര്‍, മൈദ എന്നിവ ചേര്‍ക്കരുത്. ഇത് സൂപ്പിന്റേതായ എല്ലാ ഗുണവും കളയുകയാണ് ചെയ്യുക.

ചില അസുഖങ്ങള്‍ക്ക് ചില പ്രത്യേക തരം സൂപ്പുകള്‍ ഗുണം ചെയ്യും.

അമിതവണ്ണമുള്ളവര്‍ക്ക് ക്യാബേജ് സൂപ്പ് ഗുണം ചെയ്യും. രക്തം കട്ടി പിടിക്കാത്ത അസുഖത്തിന് ഒണിയന്‍ സൂപ്പ് നല്ലതാണ്.

വിളര്‍ച്ച പരിഹരിക്കാനും രക്തമുണ്ടാകാനും ചീര കൊണ്ടുണ്ടാക്കുന്ന സൂപ്പ് നല്ലതാണ്.

പയര്‍ സൂപ്പ് മാംസ്യം ലഭിക്കാന്‍ വളരെ നല്ലതാണ്. പ്രത്യേകിച്ച് വളരുന്ന പ്രായത്തിലുള്ള കുട്ടികള്‍ക്ക്.

പലവിധ പച്ചക്കറികളുടെ ഗുണം ഒരുമിച്ചു കഴിയ്ക്കാന്‍ മിക്‌സഡ് വെജിറ്റബിള്‍, ചിക്കന്‍ സൂപ്പ് നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.