ഷാറൂഖ് ഖാനും ഭക്ഷണവും

ഒരു ചാണ്‍ വയറിനു വേണ്ടിയാണ് ആരും പെടാപ്പാട് പെടുന്നത്. ഇത് പ്രശസ്തരാണെങ്കിലും യാചകരാണെങ്കിലും. അടിസ്ഥാന ആവശ്യം ഒന്നു തന്നെ. ചില ബോളിവുഡ് പ്രശസ്തരുടെ ഭക്ഷണപ്രിയത്തെ കുറിച്ച് അറിയൂ.

ബോളിവുഡിലെ കിരീടം വയ്ക്കാത്ത രാജാവാണെന്നു വേണമെങ്കില്‍ ഷാറൂഖ് ഖാനെ പറയാം. കിംഗ് ഖാന്‍ എന്ന വിളിപ്പേരു തന്നെ ഇത് വ്യക്തമാക്കുന്നതാണ്. എന്നാല്‍ ഭക്ഷണക്കാര്യത്തില്‍ വളരെ ലളിതമായ ഇഷ്ടങ്ങളാണ് ഇദ്ദേഹത്തിന്. ചോറും പരിപ്പുമാണ് ഇഷ്ടഭക്ഷണം. എന്നാല്‍ പ്രിയപ്പെട്ട ഒന്നുണ്ട്, ബട്ടര്‍ ചിക്കന്‍. ദില്ലിയില്‍ വളര്‍ന്നതു കൊണ്ടായിരിക്കും ഈ ഇഷ്ടമെന്നു കരുതാം. നല്ല ബട്ടര്‍ ചിക്കന്‍ ലഭിക്കുന്ന സ്ഥലങ്ങളില്‍ ഏറ്റവും പ്രധാപ്പെട്ടതാണ് ദില്ലി.

അനില്‍ കപൂറിന്റെ ഓമനപുത്രിക്കിഷ്ടം വറുത്ത് സിന്ധി ഭക്ഷണം. വട പാവ്, പാനി പൂരി, ചോക്കലേറ്റ്, ചീസ് എന്നിങ്ങനെ പോകുന്നു സോനം കപൂറിന്റെ അടുത്ത ഇഷ്ടങ്ങള്‍. അനാരോഗ്യകരമായ ഭക്ഷണശീലമെന്നു തോന്നുമെങ്കിലും ഈ ഭക്ഷണപ്രിയവും സോനത്തിന്റെ മെലിഞ്ഞു നീണ്ട ശരീരവും ആരേയും ഒന്ന് അമ്പരപ്പിക്കും. ഭക്ഷണശീലം ഇങ്ങനെയൊക്കെയാണെങ്കിലും വ്യായാമം, ഡയറ്റ് എന്നിങ്ങനെയുള്ള കാര്യങ്ങളില്‍ ഈ സുന്ദരിക്കു ശ്രദ്ധയുണ്ട്.

ബാര്‍ബി ഡോളിന്റെ ശരീരവടിവുള്ള കത്രീന കൈഫിനിഷ്ടം കറുവാപ്പട്ടയുടെ സ്വാദുള്ള, മൈദയും പാലും ചീസു ചേര്‍ത്തുണ്ടാക്കുന്ന സിന്നമണ്‍ റോള്‍സ,്. കറുവാപ്പട്ട പൊടിച്ചു ചേര്‍ക്കുന്ന ഈ വിഭവം ദിവസം രണ്ടു തവണയെങ്കിലും ഇവര്‍ കഴിയ്ക്കുകയും ചെയ്യും. കയ്യില്‍ കിട്ടുന്നത് വലിച്ചുവാരി തിന്നുന്ന പതിവും കത്രീനക്കില്ല. പ്രധാനമായും ഓര്‍ഗാനിക് ഭക്ഷണരീതിയാണ് ഇവര്‍ പിന്തുടരുന്നത്. ഡയറ്റ്, വ്യായാമ രീതികളില്‍ ഇവര്‍ ശ്രദ്ധിക്കാറുമുണ്ട്.

ഇങ്ങനെയുള്ള ഇഷ്ടങ്ങളുണ്ടെങ്കിലും ഡയറ്റിന്റെ കാര്യത്തിലും വ്യായാമത്തിന്റെ കാര്യത്തിലും വളരെ ചിട്ടകള്‍ പാലിക്കുന്നവരാണ് ഇവര്‍.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.