ഈന്തപ്പഴവും നോമ്പുതുറയും തമ്മില്‍?

Food

oi-Saritha

By Veena

Updated: Tuesday, July 31, 2012, 12:44 [IST]

മനസിനും ശരീരത്തിനും വിശുദ്ധി നല്‍കുകയെന്ന ലക്ഷ്യത്തോടെ എടുക്കുന്നതാണ് റമദാന്‍ നോമ്പ്. ഒരു മാസം നീളുന്ന കഠിന വ്രതാനുഷ്ഠാനങ്ങളിലൂടെ നന്മകളിലേക്ക് മനസിനെ പാകപ്പെടുത്തുകയെന്നതാണ് ഇതിന്റെ ഉദ്ദേശ്യവും.

നോമ്പു പോല നോമ്പു തുറയും പ്രധാനമാണ്. സൂര്യനുദിക്കുന്നതിനു മുന്‍പും സൂര്യന്‍ അസ്തമിച്ച ശേഷവും മാത്രം ഭക്ഷണം കഴിയ്ക്കുക എന്ന ചിട്ടയുള്ള റമദാന്‍ ആചാരം ഭക്ഷണനിയന്ത്രണം കൂടെ സാധ്യമാക്കുകയാണ് ചെയ്യുന്നത്.

നോമ്പെടുത്ത് വൈകീട്ട് നോമ്പുതുറയ്ക്കുള്ള ചില പ്രധാന വിഭവങ്ങളുമുണ്ട്. ഈന്തപ്പഴം ഇതില്‍ ഒന്നാണ്. ഈന്തപ്പഴം കഴിച്ച് നോമ്പു തുറക്കുകയെന്ന ആചാരം പലയിടങ്ങളിലും നിലവിലുമുണ്ട്.

റമദാന്‍ കൂടുതല്‍ പ്രാധാന്യത്തോടെ എടുക്കുന്നത് ഗള്‍ഫ് നാടുകളിയാണ്. ഇവിടെ സുലഭമായി ലഭിക്കുന്നതു കൊണ്ടാണ് ഈന്തപ്പഴത്തിന് നോമ്പുതുറയില്‍ പ്രധാന സ്ഥാനം ലഭിക്കുന്നതെന്ന് ചിലരെങ്കിലും കരുതുന്നുണ്ടാകാം.

നോമ്പു തുറയ്ക്ക് ഈന്തപ്പഴം ഉപയോഗിക്കുന്നതിന് ആരോഗ്യപരമായ കാരണമുണ്ട്. ഇത് ആല്‍ക്കലി വിഭാഗത്തില്‍ പെട്ട ഭക്ഷണമാണെന്നതു തന്നെ.

മുഴുവന്‍ സമയവും ഭക്ഷണം കഴിയ്ക്കാതിരുന്നത് അസിഡിറ്റിയുള്ള മറ്റു ഭക്ഷണങ്ങള്‍ കഴിച്ചാല്‍ വയറിന് ഗ്യാസ് സംബന്ധമായ പ്രശ്‌നങ്ങളുണ്ടാകാനുള്ള സാധ്യത കൂടുതലാണ്. ഭക്ഷണം കഴിയ്ക്കാതിരുന്നാല്‍ തന്നെ വയറ്റില്‍ അസിഡിറ്റിയുണ്ടാകും. ഇതിനൊപ്പം അസിഡിറ്റിയുള്ള ഭക്ഷണസാധനങ്ങള്‍ കൂടി കഴിയ്ക്കുമ്പോള്‍ പ്രശ്‌നം രൂക്ഷമാവുകയും ചെയ്യും.

വയറ്റിലെ അസിഡിറ്റി പ്രശ്‌നങ്ങള്‍ ശമിപ്പിക്കാന്‍ ആല്‍ക്കലിയടങ്ങിയ ഈന്തപ്പഴത്തിനു കഴിയും.

ചിലയിടങ്ങളില്‍ ചെറുനാരങ്ങാവെള്ളം കുടിച്ച് നോമ്പു വീടുന്ന ശീലമുണ്ട്. ഇത് സത്യത്തില്‍ വയറിന് കേടാണ്. കാരണം ചെറുനാരങ്ങാവെള്ളവുംഅസിഡിറ്റി കൂട്ടൂം

നോമ്പുതുറ സാധാരണ വെള്ളം കുടിച്ചുമാകാം. വെള്ളം ന്യൂട്രലായ ഒന്നാണ്. അതുകൊണ്ടു തന്നെ അസിഡിറ്റി പ്രശ്‌നങ്ങള്‍ ഉണ്ടാക്കുകയുമില്ല.

.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.