വയലറ്റ് ക്യാബേജ് കൂടുതല്‍ നന്ന്

Food

oi-Saritha

By Veena

Published: Monday, June 18, 2012, 13:08 [IST]

എപ്പോഴും ലഭ്യമാകുന്ന ഇലക്കറികളുടെ കൂട്ടത്തില്‍ ക്യാബേജിന് പ്രധാന സ്ഥാനമാണുള്ളത്. ക്യാബേജ് പച്ച നിറത്തിലും വയലറ്റ് നിറത്തിലും ലഭിക്കും.

ഇക്കൂട്ടത്തില്‍ വയലറ്റ് നിറത്തിലുള്ള ക്യാബേജിന്റെ കാര്യം എടുത്തു പറയേണ്ടതുണ്ട്. ഇത് ചര്‍മത്തിന് വളരെ ഗുണം ചെയ്യും.

വയലറ്റ് നിറത്തിലുള്ള ക്യാബേജില്‍ ആന്റി ഓക്‌സിഡന്റുകള്‍ ധാരാളമുണ്ട്. അതുകൊണ്ടുതന്നെ രോഗങ്ങളെ ചെറുക്കുന്നതോടൊപ്പം ചര്‍മത്തിന്റെ ചെറുപ്പം നിലനിര്‍ത്താനും ഇത് സഹായകമാണ്.

വെറ്റമിന്‍ സി, വൈറ്റമിന്‍ കെ എന്നിവ ഇതില്‍ ധാരാളം അടങ്ങിയിട്ടുണ്ട്. ഇതിലെ വയലറ്റ് നിറത്തിന് കാരണം ആന്റോസയാനിന്‍ പോളിഫിനോള്‍സാണ്. ഇവ രോഗങ്ങളെ ചെറുത്തു നില്‍ക്കാന്‍ കഴിവുള്ള നല്ലൊരു ആന്റി ഓക്‌സിഡന്റാണ്.

പച്ച നിറത്തിലുള്ള ക്യാബേജിനേക്കാള്‍ കൂടുതല്‍ ഫൈറ്റോ ന്യൂട്രിയന്റുകള്‍ ഇതില്‍ അടങ്ങിയിട്ടുണ്ട്. ഇവ ഹൃദയപ്രശ്‌നങ്ങള്‍ ചെറുക്കുന്നതിനും പ്രമേഹം, ക്യാന്‍സര്‍ എന്നിവയെ തടയുന്നതിനും നല്ലതാണ്.

ചര്‍മത്തിന്റെ തുടിപ്പും മിനുപ്പും നിലനിര്‍ത്തുന്നതിനും വയലറ്റ് ക്യാബേജ് സഹായിക്കും.

ഇത്തരം ഇലക്കറികള്‍ പുതുമയോടെ സൂക്ഷിക്കുന്നതിനും വഴിയുണ്ട്. ഒരു പ്ലാസ്റ്റിക് ബാഗിലാക്കി ഇത് ഫ്രിഡ്ജില്‍ സൂക്ഷിക്കുന്നത് പുതുമ നില നിര്‍ത്താന്‍ സഹായിക്കും.

ഇവ കറിയ്ക്കുപയോഗിക്കുന്നതിന് പുറമെ സാലഡായോ സൂപ്പുണ്ടാക്കിയോ കഴിയ്ക്കാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.