കുരുമുളകിന്റെ ആരോഗ്യഗുണങ്ങള്‍

Food

oi-Saritha

By Veena

Published: Saturday, June 9, 2012, 13:06 [IST]

കറുത്ത പൊന്ന് എന്ന പേരില്‍ അറിയപ്പെടുന്ന കുരുമുളകിന്റെ എരിവും ചൊടിയും നുണയുമ്പോഴും ആരോഗ്യവശങ്ങളെക്കുറിച്ച് ആരും അധികം ചിന്തിക്കില്ല. ആഹാരസാധനങ്ങള്‍ക്ക് രുചി കൂട്ടുവാന്‍ മാത്രമല്ലാ, പനി വരുമ്പോള്‍ കുടിയ്ക്കുന്ന കുരുമുളകു കാപ്പിയും ഓര്‍മയില്‍ വരുന്നില്ലേ. ഇറച്ചിയിലും ഓംലറ്റിലും അല്‍പം കുരുമുളകിട്ടാല്‍ മതി, എന്തായിരിക്കും രുചി.

ദഹനപ്രക്രിയ എളുപ്പമാക്കുന്നതില്‍ കുരുമുളകിന് പ്രത്യേക സ്ഥാനമുണ്ട്. ഇത് ദഹനത്തിന് മാത്രമല്ലാ, സ്വാദുമുകുളങ്ങളെയും സംരക്ഷിക്കും. ഇവയുടെ പ്രവര്‍ത്തനത്തെ സഹായിക്കുകയും ചെയ്യും. സ്വാദു മുകുളങ്ങള്‍ കൂടുതല്‍ ഉല്‍പാദിപ്പിക്കാന്‍ ഇത് സഹായിക്കും. ഇത് കൂടുതല്‍ ദഹനരസങ്ങള്‍ ഉല്‍പാദിപ്പിക്കാന്‍ സഹായിക്കുകയും ചെയ്യും. ഹൈഡ്രോക്ലോറിക് ആസിഡാണ് ഈ രീതിയില്‍ ഉല്‍പാദിപ്പിക്കപ്പെടുന്നത്. ഇത് വയറ്റിലുള്ള പ്രോട്ടീനുകളെ വേര്‍തിരിച്ച് ദഹനത്തിന് സഹായിക്കുകയും ചെയ്യും.

ഇതില്‍ ധാരാളം ആന്റി ഓക്‌സിഡന്റുകളും അടങ്ങിയിട്ടുണ്ട്. ഇത് വയറ്റിലെ കീടാണുബാധയെ തടയും.

അസുഖങ്ങള്‍ തടയുന്നതിനും ഇത് സഹായിക്കും. പനി, കോള്‍ഡ് തുടങ്ങിയ അസുഖങ്ങള്‍ ശമിപ്പിക്കാന്‍ കുരുമുളക് വളരെ നല്ലതാണ്. കുരുമുളകു പൊടിച്ച് പഞ്ചസാര ചേര്‍ത്തു കഴിയ്ക്കുന്നത് തൊണ്ടവേദന ശമിപ്പിക്കും.

കുരുമുളക് സ്വാദു കൂട്ടുവാന്‍ മാത്രമല്ലാ, ആരോഗ്യത്തിനും കൂടുതല്‍ സഹായിക്കുമെന്ന് ഇപ്പോള്‍ മനസിലായല്ലോ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.