ഐസ്‌ക്രീമിലും കെമിക്കലുകള്‍

Published: Thursday, May 10, 2012, 11:36 [IST]

കുട്ടികള്‍ക്കും മുതിര്‍ന്നവര്‍ക്കും ഒരുപോലെ പ്രിയപ്പെട്ട ഭക്ഷണസാധനമെന്തെന്നു ചോദിച്ചാല്‍ പലരും പറയും ഐസ്‌ക്രീമെന്ന്. തണുപ്പും മധുരവും നുണഞ്ഞിറക്കുമ്പോള്‍ നിങ്ങള്‍ അറിഞ്ഞിരിക്കേണ്ട ചില പ്രധാന കാര്യങ്ങളുണ്ട്.

മിക്കവാറും ഐസ്‌ക്രീമുകളില്‍ ധാരാളം കെമിക്കലുകള്‍ അടങ്ങിയിട്ടുണ്ട്. കാര്‍ ആന്റി ഫ്രീസ് സൊലൂഷന്‍ എന്ന ഒരു പദര്‍ത്ഥം ഇതില്‍ പ്രധാനം. ഇതിനു പുറമെ പ്രൊപ്പലീന്‍ ഗ്ലൈക്കോള്‍, ഡൈ ഈഥൈല്‍ ഗ്ലൂക്കോള്‍, അമൈല്‍ അസറ്റേറ്റ്, ആല്‍ഡിഹൈഡ് തുടങ്ങിയവ ഇതില്‍ ധാരാളം അടങ്ങിയിട്ടുണ്ട്. ഇവയില്‍ പലതും വിഷാംശം അടങ്ങിയവയുമാണ്.

ഇതിനു പുറമെ ധാരാളം മധുരം സുക്രോസ് രൂപത്തില്‍ ഐസ്‌ക്രീമുണ്ടാക്കുമ്പോള്‍ ഉപയോഗിക്കുന്നുണ്ട്. ഇത് ആരോഗ്യത്തിന് ഹാനികരവുമാണ്. പാലുല്‍പ്പന്നങ്ങള്‍ ഉപയോഗിക്കുന്നതു കൊണ്ടുതന്നെ ഐസ്‌ക്രീമില്‍ കൊഴുപ്പും ധാരാളം അടങ്ങിയിട്ടണ്ട്.

തടി കൂടാനും കൊളസ്‌ട്രോള്‍ തുടങ്ങിയ രോഗങ്ങള്‍ ഉണ്ടാക്കാനും ഇത് ഇട വരുത്തും. പാശ്ചാത്യ രാജ്യങ്ങളില്‍ ഐസ്‌ക്രീം ഉപയോഗം കൂടുതലാണ്. ഇവിടത്തെ ചെറിയ പെണ്‍കുട്ടികളില്‍ പോലും അമിതവണ്ണം കാണപ്പെടുന്നതിന്റെ ഒരു കാരണം ഇതു കൂടിയാണ്.

വല്ലപ്പോഴും ഐസ്‌ക്രീം കഴിയ്ക്കുന്നതു കൊണ്ട് കുഴപ്പമില്ല. എങ്കിലും വീട്ടുണ്ടാക്കുന്ന ഐസ്‌ക്രീം കഴിയ്ക്കുന്നതാണ് ആരോഗ്യത്തിന് കൂടുതല്‍ നല്ലത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.