പച്ചക്കറികളുടെ കയ്പ് കളയാം,കഴിയ്ക്കാം

Food

oi-Saritha

By Veena

Published: Wednesday, April 18, 2012, 17:12 [IST]

പാവയ്ക്ക എന്നു കേള്‍ക്കുമ്പോഴേക്കും ചിലരുടെ മുഖം കയ്ക്കും. കയ്ക്കുമെങ്കിലും ഇത്തരം കയ്പ് ആരോഗ്യത്തിന് വളരെ നല്ലതാണ്.

എന്നാല്‍ കയ്പുളള പല പച്ചക്കറികളും ആരോഗ്യത്തിന് വളരെ നല്ലതാണ്. ഇവയിലുള്ള ഫൈറ്റോന്യൂട്രിയന്റുകള്‍ നല്ല ആന്റി ഓക്‌സിഡന്റുകളാണ്. ഗ്ലൂക്കോപൈറനോയ്ഡ്, സാല്‍സിലിന്‍, ഫഌവനോയ്ഡ്‌സ്, പോളിഫിനോയ്ഡ്‌സ് തുടങ്ങിയവയെല്ലാം കയ്പുളളവയാണ്. ഇത് ആരോഗ്യത്തിന് നല്ലതാണ്. പച്ചക്കറികളിലടങ്ങിയിട്ടുള്ള മിക്കവാറും ആന്റിഓക്‌സിഡന്റുകള്‍ കയ്പുള്ളവയാണ്. പച്ചക്കറികളിലുളള കയ്പുരസം വിരകളെ നശിപ്പിക്കാന്‍ നല്ലതാണ്.

ബ്രൊക്കോളി, കാബേജ് തുടങ്ങിയ ചിലയിനം പച്ചക്കറികള്‍ കൂടുതലായി വേവിച്ചാലും കയ്പുരസമുണ്ടാകും. പാവക്കക്ക് കയ്പുണ്ടെങ്കിലും ഇതില്‍ ധാരാളം ഇരുമ്പുസത്ത് അടങ്ങിയിട്ടുണ്ട്.

കയ്പുള്ള പച്ചക്കറികള്‍ ആവിയില്‍ വേവിക്കുകയോ ഒലീവെണ്ണയില്‍ വഴറ്റുകയോ ചെയ്താല്‍ കയ്പു കുറയും. പുളിവെള്ളം, നാരങ്ങാനീര് എന്നിവ ചേര്‍ത്താലും കയ്പുരസം കുറയ്ക്കാന്‍ സാധിക്കും. വെളുത്തുള്ളി, സവാള എന്നിവ ചേര്‍ത്തും മസാലകള്‍ ചേര്‍ത്തും പച്ചക്കറികള്‍ വേവിച്ചാല്‍ ഒരു പരിധി വരെ കയ്പുസ്വാദ് കുറക്കാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.