നൂഡില്‍സ് ആരോഗ്യത്തിന് നന്നോ?

Food

oi-Saritha

By Veena

Published: Tuesday, February 21, 2012, 15:33 [IST]

നിമിഷനേരം കൊണ്ട് ഉണ്ടാക്കാവുന്ന ഒരു ഭക്ഷണമാണ് നൂഡില്‍സ്. കുട്ടികളുടെ പ്രിയഭക്ഷണവും. എന്നാല്‍ ഇത് ആരോഗ്യകരമായ ഒരു ഭക്ഷണമാണോ എന്ന കാര്യം ചിലപ്പോഴെങ്കിലും ചിലരെങ്കിലും ഓര്‍ക്കാറുണ്ടായിരിക്കും. ഇതിന് ഏറ്റവും ലളിതമായ ഉത്തരം അല്ല എന്നതാണ്.

ഇന്‍സ്റ്റന്റ് നൂഡില്‍സിനേക്കാളും പാകം ചെയ്ത റെഡി ടു ഈറ്റ് നൂഡില്‍സാണ് ആരോഗ്യത്തിന് കൂടുതല്‍ ദോഷം. ഇവയില്‍ എണ്ണ അടങ്ങിട്ടുണ്ടാകും.

നൂഡില്‍സ് ഉണ്ടാക്കിയിരിക്കുന്നത് പ്രധാനമായും മൈദ കൊണ്ടാണ്. ഇത് ശരീരത്തിന് വരള്‍ച്ചയുണ്ടാക്കും. ദഹിക്കാനും സമയമെടുക്കും. ഇപ്പോള്‍ വീറ്റ്, മള്‍ട്ടി ഗ്രെയ്ന്‍ നൂഡില്‍സുകളും ലഭ്യമാണ്. ഇതുപയോഗിക്കുന്നതായിരിക്കും കൂടുതല്‍ നല്ലത്.

നൂഡില്‍സ് ശരിക്കും വേവിച്ചില്ലെങ്കില്‍ നാലഞ്ചു ദിവസം വരെ ദഹിക്കാതെ കിടക്കും. ഇതില്‍ ചേര്‍ക്കുന്ന വാക്‌സാണ് ഇതിന് കാരണം. നൂഡില്‍സ് പാകം ചെയ്യുമ്പോള്‍ മൃദുവാകാനാണ് ഇത്തരം വാക്‌സ് ചേര്‍ക്കുന്നത്.

ഇതില്‍ യാതൊരു വിധ പ്രോട്ടീനുകളും അടങ്ങിയിട്ടില്ല. അതുകൊണ്ട് ഇതിനെ ജങ്ക്ഫുഡ് എന്നു പറയുന്നത്.

നൂഡില്‍സില്‍ പച്ചക്കറികളും മുട്ടയും ചേര്‍ത്ത് പോഷകസമൃദ്ധമായി കഴിയ്ക്കുന്നതാണ് നല്ലത്. നല്ലപോലെ വേവുകയും വേണം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.