ഫാസ്റ്റ്ഫുഡ് ആരോഗ്യത്തിന് ഭീഷണി

Food

oi-Saritha

By Veena

Published: Friday, September 30, 2011, 11:18 [IST]

തിരക്കു പിടിച്ച ഇക്കാലത്ത് ഏറെപ്പേര്‍ ഫാസ്റ്റ് ഫുഡിനെ ആശ്രയിക്കുന്നുണ്ട്. വിപണനസാധ്യത കണക്കിലെടുത്ത് ഫാസ്റ്റ്ഫുഡ് സ്ഥാപനങ്ങള്‍ നിരവധിയാണ് വരുന്നത്. ഈ ഭക്ഷണം രുചിയുള്ളതായതുകൊണ്ടും നിരവധി ആളുകള്‍ ഇവ ഉപയോഗിക്കുന്നുണ്ട്. എന്നാല്‍ ഇത്തരം സാധനങ്ങള്‍ ആരോഗ്യത്തിനു ഹാനികരമാണ്. ഇതറിഞ്ഞിട്ടും ഇത്തരം ഭക്ഷണങ്ങളുടെ സ്വാദിഷ്ടപ്പെട്ട് മുതിര്‍ന്നവരും കുട്ടികളും ഇവയുടെ പുറകേയാണ്. പോഷകസമ്പുഷ്ടമെന്നു കരുതി നാം വാങ്ങുന്ന ചില ഫാസ്റ്റ് ഫുഡുകളുണ്ട്. താഴെപ്പറയുന്നവ ഏറ്റവും കൂടുതല്‍ വിറ്റഴിയുന്ന അനാരോഗ്യകരമായ ഭക്ഷണങ്ങളാണ്.

ചീസ്: പിസയിലും സാന്‍ഡ്‌വിച്ചിലും ഉള്ള വെണ്ണയുടെ രുചി ഇഷ്ടമില്ലാത്തവരില്ല. എന്നാല്‍ കൊഴുപ്പ് ധാരാളമടങ്ങിയ വെണ്ണ നമ്മുടെ ആരോഗ്യത്തെ ബാധിക്കും.

മയോനീസ്: കൊഴുപ്പിന്റെ മറ്റൊരു കലവറയാണ് മയോനീസ്. ബര്‍ഗര്‍ പോലയുള്ള ഭക്ഷണത്തിലുള്ള ഇവയും നമ്മുടെ ഹൃദയത്തെയാണ് കൂടുതലായും ബാധിക്കുന്നത്.

പീസ്: പാക്കറ്റില്‍ ലഭിക്കുന്ന പയറുവര്‍ഗങ്ങള്‍ സമയലാഭമുണ്ടാക്കുമെങ്കിലും ആരോഗ്യത്തിന് തീരെ നന്നല്ല. മാസങ്ങള്‍ക്കു മുന്‍പു തന്നെ പാക്കറ്റിലാക്കുന്നവയാണ് ഇവ. അതുകൊണ്ടുതന്നെ കേടാകാതിരിക്കാന്‍ രാസപദാര്‍ത്ഥങ്ങള്‍ ചേര്‍ക്കുന്നുണ്ട്. പാക്കറ്റില്‍ ലഭിക്കുന്ന ഗ്രീന്‍പിസ് തുടങ്ങിയവയില്‍ നിറവും ചേര്‍ക്കുന്നുണ്ട്. ഇതെല്ലാം ആരോഗ്യത്തെ ബാധിക്കുമെന്നു മാത്രമല്ലാ, പഴകിയതായതു കൊണ്ട് അസുഖങ്ങല്‍ വരാനും സാധ്യതയുണ്ട്.

ട്യൂണ: പാക്കറ്റില്‍ ലഭിക്കുന്ന ട്യൂണ മത്സ്യം ഏറ്റവും അനാരോഗ്യകരമായ ഭക്ഷണമാണ്. വെള്ളനിറത്തില്‍ ലഭിക്കുന്ന മത്സ്യത്തില്‍ മെര്‍കുറിയടങ്ങിയിട്ടുണ്ടെന്ന് പഠനങ്ങള്‍ തെളിയിച്ചിട്ടുണ്ട്. ഇത് ഗര്‍ഭിണികള്‍ കഴിക്കുന്നത് നല്ലതല്ല.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.