മാസത്തില്‍ ഒരു ദിവസം ഉപവസിക്കാം

Food

oi-Siji KM

By Lakshmi

Published: Thursday, April 7, 2011, 12:49 [IST]

ഉപവാസ വ്രതങ്ങള്‍ എടുക്കുകയെന്നത് പല മതങ്ങളിലും വളരെ പ്രാധാന്യമേറിയ കാര്യമാണ്. ചില മതങ്ങളില്‍ ഇവ നിര്‍ബ്ബന്ധമാണെങ്കില്‍ ചിലതില്‍ ഭക്തര്‍ക്ക് തീരുമാനമെടുക്കാം. മതവിശ്വാസത്തിന്റെയും ദൈവാരാധനയുടെയും ഭാഗമായുള്ള ഇത്തരം വ്രതങ്ങള്‍ക്ക് ആരോഗ്യപരമായ ചില ലക്ഷ്യങ്ങള്‍ കൂടിയുണ്ടെന്ന് പലര്‍ക്കും അറിവായുന്നതാണ്.

അതിനാല്‍ത്തന്നെ ആരോഗ്യവിദഗ്ധരും ഇത്തരം രീതികളെ പ്രോത്സാഹിപ്പിക്കാറുണ്ട്. അടുത്തിടെ അമേരിക്കയില്‍ ഇതിനെക്കുറിച്ച് കൂടുതല്‍പഠനങ്ങള്‍ നടന്നു. ഇതില്‍ ഉപവാസം അത്ഭുതകരമായി ആരോഗ്യത്തെ പരിരക്ഷിക്കാന്‍ സഹായിക്കുമെന്നാണ് കണ്ടെത്തിയത്.

മാസത്തില്‍ ഒരു ദിവസം ഭക്ഷണം ഉപേക്ഷിച്ച് ഉപവസിക്കുന്നത് ആരോഗ്യത്തിന് നല്ലതാണെന്ന് ഗവേഷകര്‍ പറയുന്നു. ഇങ്ങനെ ചെയ്യുന്നത് ഹൃദ്രോഗം, പ്രമേഹം എന്നിവയെ അകറ്റി നിര്‍ത്തുമത്രേ. 200 കുടുംബങ്ങളിലാണ് ഗവേഷകര്‍ ഇതുസംബന്ധിച്ച പഠനം നടത്തിയത്

ഉപവസിക്കാത്തവരില്‍ 75 ശതമാനത്തോളം പേരുടെ ഹൃദയധമനികള്‍ ചുരുങ്ങുന്നതായി അമേരിക്കന്‍ ഡോക്ടര്‍മാര്‍ നടത്തിയ പരിശോധനകളില്‍ കണ്ടെത്തിയിട്ടുണ്ട്. വ്യത്യസ്ത തരത്തിലുള്ള പ്രമേഹങ്ങള്‍ക്കു ഉപവാസം ഉചിതമാണെന്ന് അമേരിക്കന്‍ കോളജ് ഓഫ് കാര്‍ഡിയോളീസ് പറയുന്നത്.

24 മണിക്കൂര്‍ പച്ചവെള്ളമല്ലാതെ മറ്റൊന്നും കഴിക്കാത്ത ആളുകളിലായിരുന്നു പരീക്ഷണം. ഇങ്ങനെ ഉപവസിച്ചവരില്‍ ശരീരവളര്‍ച്ചയെ ത്വരിതപ്പെടുത്തുന്ന ഹോര്‍മോണിന്റെ ഉത്പാദനം വര്‍ധിക്കുന്നതായി കണ്ടെത്തിയിരുന്നു. ഇത് ശരീരപോഷണത്തെ വേഗത്തിലാക്കുകയും ശരീരത്തിലടിഞ്ഞുകൂടിയിരിക്കുന്ന കൊഴുപ്പിനെ കത്തിച്ചുകളയുകയും ചെയ്യും.

ഉപവാസം ആരംഭിക്കുമ്പോള്‍ ശരീരത്തിലെ കൊളസ്‌ട്രോള്‍ അളവ് വര്‍ധിക്കുമെങ്കിലും ഉപവാസം അവസാനിക്കുമ്പോള്‍ ഇതു പൂര്‍വസ്ഥിതിയിലെത്തുമെന്നും ശാസ്ത്രജ്ഞര്‍ കണ്ടെത്തിയിട്ടുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.