കണ്ണുകളില്‍ കണ്ണുനീരില്ലേ?

Features

oi-Staff

By Super

Updated: Thursday, March 14, 2013, 16:04 [IST]

കണ്ണുണ്ടായാലേ കണ്ണിന്റെ വിലയറിയൂ എന്ന് പറയുന്നത് കേട്ടിട്ടില്ലേ? കാണാന്‍ കണ്ണുള്ളപ്പോള്‍ നമ്മള്‍ അതിന്റെ വില പലപ്പോഴും മനസ്സിലാക്കാറില്ല. കണ്ണിനും ഇത്തിരി വിശ്രമവും പരിരക്ഷയുമൊക്കെ വേണമെന്നുള്ള കാര്യം പലരും ചിന്തിക്കാറുപോലുമില്ല. മണിക്കൂറുകള്‍ കമ്പ്യൂട്ടറിനും ടിവിയ്ക്കും മുന്നില്‍ കുത്തിയിരുന്ന് എത്രയേറെ നമ്മള്‍ കണ്ണുകളെ അവശരാക്കന്നുണ്ടെന്ന് ചിന്തിച്ചിട്ടുണ്ടോ

കണ്ണുകള്‍ക്ക് പിടിപെടാവുന്ന പലതരം പ്രശ്‌നങ്ങളുണ്ട്. പലതും അശ്രദ്ധകൊണ്ട് വന്നുചേരുന്നവയാണ്. കമ്പ്യൂട്ടര്‍ ഉപയോഗിക്കുന്നവരില്‍ മറ്റുള്ളവരേക്കാളേറെ കണ്ണുമായി ബന്ധപ്പെട്ട് പ്രശ്‌നങ്ങളുണ്ടാവാറുണ്ട്. ഇതില്‍ പ്രധാനപ്പെട്ട ഒന്നാണ് വരണ്ടിരിക്കുന്ന കണ്ണുകള്‍ അഥവാ ഡ്രൈ ഐ എന്ന പ്രശ്‌നം.

കരച്ചിലിനെയും കണ്ണീരിനെയും നമ്മള്‍ കുറ്റം പറയാറുണ്ടെങ്കിലും കണ്ണ് ശുചിയാകാന്‍ അത്യാവശ്യം വേണ്ട ഒന്നാണ് ഈ കണ്ണുനീര്‍. കണ്ണിന് ഈര്‍പ്പം നല്‍കുന്ന ഇത് രോഗാണുക്കളില്‍ നിന്നും കണ്ണിനെ സംരക്ഷിക്കുക്കയും ചെയ്യുന്നു.

കണ്‍പോളകള്‍ക്കിടയില്‍ ഒരു ലൂബ്രിക്കന്റിന്റെ ധര്‍മ്മാണ് കണ്ണുനീര്‍ നിര്‍വ്വഹിക്കുന്നത്. എന്നാല്‍ ചിലരുടെ കണ്ണുകളില്‍ ആവശ്യത്തിന് ഈര്‍്പ്പം ഉണ്ടാവില്ല. ചിലരിലാകട്ടെ ഉള്ള ഈര്‍പ്പം പെട്ടെന്ന് നഷ്ടപ്പെടുകയും ചെയ്യുന്നു. ഈ അവസ്ഥയാണ് ഡ്രൈ ഐ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.