സ്പര്‍ശനം പോലും അലര്‍ജിയാകും

Features

oi-Staff

By Super

Updated: Thursday, March 28, 2013, 13:29 [IST]

സന്തുഷ്ടമായ ദാമ്പത്യത്തില്‍ പങ്കാളിയുടെ ഒരു സപര്‍ശനം പോലും പൊസിറ്റീവ് എനര്‍ജിയാണ്, മാനസികവും ശാരീരികവുമായ പ്രശ്‌നങ്ങളെ അകറ്റാന്‍പോലും ഇതിന് കഴിവുണ്ട്.

ഇത്തരം ദമ്പതിമാരില്‍ നല്ല ആരോഗ്യസ്ഥിതിയാണുള്ളതുതാനും. എന്നാല്‍ മോശം ബന്ധമാണെങ്കില്‍ പങ്കാളിയുടെ സ്പര്‍ശനം പോലും മറ്റേയാള്‍ക്ക് അസ്വസ്ഥത മാത്രമാണ് സമ്മാനിക്കുന്നത്.

രോഗം മാറ്റാനുള്ള ശരീരത്തിന്റെ കഴിവിന്റെയും മോശം വിവാഹബന്ധങ്ങള്‍ ബാധിയ്ക്കും ശരീരത്തില്‍ ഏല്‍ക്കുന്ന മുറിവുകള്‍ പോലും സുഖപ്പെടാന്‍ സമയമെടുക്കുമെന്നാണ് ഗവേഷണത്തില്‍ കണ്ടെത്തിയത്.

ദിനംപ്രതി വഴക്കിടുക, പങ്കാളി മരിച്ചുപോവുക, സ്വരച്ചേര്‍ച്ചയില്ലാതെ മാറിത്താമസിക്കുക എന്നിങ്ങനെയുള്ള സാഹചര്യമുള്ളവരില്‍ ഹൃദ്രോഗവും വില്ലനാവും. അതുവരെ ഉണ്ടായിട്ടില്ലാത്ത രീതിയിലായിരിക്കും ഹൃദ്രോഗങ്ങള്‍ ഇവരെ പിടികൂടുന്നത്.

ഇത്തരം സാഹചര്യങ്ങളെ അഭിമുഖീകരിക്കുന്ന സ്ത്രീകളിലും പുരുഷന്മാരിലും പ്രമേഹത്തിനും സാധ്യതയുണ്ട്. മറ്റുള്ളവരെ അപേക്ഷിച്ച് ഇത്തരത്തില്‍ പ്രമേഹം വരാനുള്ള സാധ്യത 20ശതമാനം കൂടുതലാണ്.

സ്ത്രീകളാണ് വിവാഹാനന്തര പ്രശ്‌നങ്ങളില്‍ ഏറ്റവും കൂടുതല്‍ സമ്മര്‍ദ്ദം അനുഭവിക്കുന്നത്. ഇവരിലാണ് ഹൃദ്രോഗസാധ്യത കൂടുതലുള്ളത്. പഠനവിധേയമാക്കിയ പലരിലും ബൈപാസ് സര്‍ജറി പോലും വേണ്ടിവരുന്നതായി കണ്ടെത്തിയിട്ടുണ്ട്. എന്നാല്‍ പുരുഷന്മാരില്‍ ഇത്തരം പ്രശ്‌നം കൂടുതലായ കണ്ടെത്തിയിട്ടില്ല.

സന്തുഷ്ടമല്ലാത്ത ദാമ്പത്യജീവിതം നയിക്കുന്നവരില്‍ പ്രത്യേകിച്ചും സ്ത്രീകളില്‍ കണ്ണിനുതാഴെ കറുത്ത വലയമുണ്ടാവുക, മുടിയുടെ ആരോഗ്യം നഷ്ടപ്പെടുക, ത്വക് രോഗങ്ങളുണ്ടാവുക, വിഷാദം, മാനസികാവസ്ഥകള്‍ പെട്ടെന്ന് മാറുക തുടങ്ങിയ ഒട്ടേറെ പ്രശ്‌നങ്ങള്‍ കാണാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.