ലോ ബിപിയും വില്ലന്‍ തന്നെ

Features

oi-Siji KM

By Lakshmi

Published: Monday, August 2, 2010, 13:59 [IST]

ബിപി എന്ന് കേള്‍ക്കുമ്പഴേ ആളുകള്‍ക്ക് പേടിയാണ്, തുടര്‍ന്നുണ്ടാകുന്ന ഹൃദ്രോഗങ്ങള്‍ പക്ഷാഘാതം ജീവിതത്തില്‍ മനസ്സമാധാനം നഷ്ടപ്പെടാന്‍ പിന്നെന്തുവേണം, ഉപ്പുകുറച്ചും എണ്ണകുറച്ചുമെല്ലാം ഹൈ ബിപിയെ എല്ലാവരും നേരിടുന്നു.

എന്നാല്‍ ഉയര്‍ന്ന രക്തസമ്മര്‍ദ്ദം പോലെ തന്നെ താഴ്ന്ന രക്തസമ്മര്‍ദ്ദം അഥവാ ലോ ബിപി കാരണം ബുദ്ധിമുട്ടുന്നുവരും ഉണ്ട്, ഹൈ ബിപി പോലെതന്നെ അപകടകാരിയാണ് ലോ ബിപിയും. സ്വന്തം ശരീരത്തില്‍ താഴന്ന രക്തസമ്മര്‍ദ്ദമാണെന്ന് അറിയാതെ പോകുന്നവരാണ് ഏറെയും, തലകറക്കം, തലവേദനപോലുള്ള ചില അടയാളങ്ങള്‍ ശരീരം കാണിച്ചാലും, ലോ ബിപിയെക്കുറിച്ച് നമ്മള്‍ ആലോചിക്കാറില്ല.

തലകറക്കം, ഉറക്കം തൂങ്ങല്‍, ഉന്മേഷക്കുറവ് എന്നിവയാണ് വളരെ സാധാരണമായി ലോ ബിപി ഉള്ളവരില്‍ കാണുന്നത്. രക്തസമ്മര്‍ദ്ദം ഒരു പരിധി കഴിഞ്ഞ് വല്ലാതെ കുറഞ്ഞാല്‍ തലച്ചോറിലേയ്ക്കുള്ള ഓക്‌സിജന്‍ പ്രവാഹം തടസ്സപ്പെടും അതുപോലെതന്നെ വൈറ്റല്‍ ന്യൂട്രിയന്റ്‌സും തലച്ചോറില്‍ എത്തില്ല, ഇത് ഹൃദയസംബന്ധമായ പ്രശ്‌നങ്ങള്‍ക്കും മറ്റും വഴിവെയ്ക്കും. അതുകൊണ്ടുതന്നെ ലോ ബിപി എന്ന അവസ്ഥയെ നിസാരമായി കാണരുത്.

ലോ ബിപി വരാനുള്ള കാരണങ്ങള്‍

ഡിഹൈഡ്രേഷന്‍ അഥവാ നിര്‍ജ്ജലീകരണം

ശരീരത്തില്‍ ജലാംശം കുറയുന്നത് ഇതിന് കാരണമാകുന്നു, അതുകൊണ്ട് ആവശ്യത്തിന് വെള്ളം കുടിയ്ക്കുന്നുണ്ടെന്ന് ഉറപ്പ് വരുത്തുക. പെട്ടെന്ന് നിര്‍ജ്ജലീകരണം സംഭവിക്കുന്ന ശരീരമാണെങ്കില്‍ ഇത്തരം അവസരങ്ങള്‍ തടയുക.

പുറത്ത്‌പോകുമ്പോഴും, ഓഫിലിരിക്കുമ്പോഴുമെല്ലാം ചെറുനാരങ്ങാ നീര് ചേര്‍ത്ത് ഉപ്പ് ഇട്ട വെള്ളം കയ്യില്‍ കരുതുകയും ഇടക്കിടെ കുടിയ്ക്കുകയും ചെയ്യുക. ക്ഷീണവും നിര്‍ജ്ജലീകരണവും ഒരു പരിധിവരെ തടയാന്‍ ഇതുകൊണ്ട് കഴിയും.

അടുത്ത പേജില്‍

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.