തുടവണ്ണം വേഗത്തില്‍ കുറയ്‌ക്കാം

Published: Monday, March 10, 2014, 0:00 [IST]

ശരീരത്തിന്റെ പല ഭാഗങ്ങളിലും കൊഴുപ്പടിഞ്ഞു കൂടും. പ്രത്യേകിച്ച്‌ വയര്‍, തുട തുടങ്ങിയ ഭാഗങ്ങളില്‍.

തുടയിലെ കൊഴുപ്പടിഞ്ഞു കൂടുന്നത്‌ ആരോഗ്യത്തിനു മാത്രമല്ല, തുടയുടെ ഭംഗിയ്‌ക്കും നല്ലതല്ല. കാല്‍ വേദന പോലുള്ള പ്രശ്‌നങ്ങള്‍ ഇത്‌ വരുത്തിവയ്‌ക്കുകയും ചെയ്യും.

തുടയില്‍ അഠിഞ്ഞു കൂടുന്ന കൊഴുപ്പ്‌ സാധാരണ സെല്ലുലൈറ്റ്‌ എന്നാണ്‌ അറിയപ്പെടാറ്‌. ഇത്‌ നീക്കുവാന്‍ വ്യായാമം തന്നെയാണ്‌ പ്രധാനമായും ചെയ്യേണ്ടത്‌.

തുടയിലെ കൊഴുപ്പടിഞ്ഞു കൂടിയിരിയ്‌ക്കുന്നത്‌ തടഞ്ഞ്‌ തുടവണ്ണം കുറയ്‌ക്കാനുള്ള ചില വഴികളെക്കുറിച്ചറിയൂ,

നടക്കുന്നത്‌

നടക്കുന്നത്‌ തുടയിലെ കൊഴുപ്പകറ്റാനും തടി കുറയ്‌ക്കാനും സഹായിക്കും. അടുപ്പിച്ച്‌ ദിവസവും അര മണിക്കൂറെങ്കിലും നടക്കുക.

കോണിപ്പടികള്‍

ലിഫ്‌റ്റിനു പകരം കോണിപ്പടികള്‍ ഉപയോഗിക്കുക. തുടവണ്ണം കുറയ്‌ക്കാനുള്ള ഒരു പ്രധാന വഴിയാണിത്‌.

സൈക്കിള്‍

തുടയിലെ കൊഴുപ്പകറ്റി മസിലുകള്‍ക്ക്‌ ഉറപ്പു നല്‍കാനുള്ള ഒരു നല്ല വഴിയാണ്‌ സൈക്കിള്‍ ചവിട്ടുന്നത്‌

പച്ചക്കറികള്‍

തുടയിലെ സെല്ലുലൈറ്റിനുള്ള ഒരു പ്രധാന കാരണം മൃഗങ്ങളുടെ കൊഴുപ്പാണ്‌. അതായത്‌ നോണ്‍ വെജ്‌, പ്രത്യേകിച്ച്‌ ചുവന്ന മാംസം കുറച്ച്‌ പച്ചക്കറികള്‍ കഴിയ്‌ക്കുക.