തടി കുറയ്ക്കാന്‍ ചില മോണിംഗ് ടിപ്‌സ്

ചെറുനാരങ്ങാനീര്

രാവിലെ വെറുംവയറ്റില്‍ ചെറുനാരങ്ങാനീര് ഇളം ചൂടുവെള്ളത്തില്‍ കലര്‍ത്തി കുടിയ്ക്കാം. തേനും ചേര്‍ക്കാം. ഇത് അപചയപ്രക്രിയ ശക്തിപ്പെടുത്തും. ദഹനത്തെ സഹായിക്കും. മലബന്ധത്തിന് ഇത് നല്ലൊരു പരിഹാരം കൂടിയാണ്.

ഫ്രഷ് ഫ്രൂട്ട് ജ്യൂസ്

രാവിലെ ഫ്രഷ് ഫ്രൂട്ട് ജ്യൂസ് കുടിയ്ക്കാം. മധുരം ചേര്‍ക്കാതെ കുടിയ്ക്കുന്നതാണ് കൂടുതല്‍ നല്ലത്. ഇത് വിശപ്പു കുറയ്ക്കും. ആരോഗ്യകരമായ ബ്രേക്ഫാസ്റ്റിന്റെ ഒരു ഭാഗം കൂടിയാണിത്.

കറുവാപ്പട്ട

ബ്രേക്ഫാസ്റ്റ് ശ്രദ്ധിയ്ക്കുക. കറുവാപ്പട്ട രാവിലെ ബ്രേക്ഫാസ്റ്റില്‍ ഉള്‍പ്പെടുത്താം. കറുവാപ്പട്ടയിട്ട് പ്രാത്ല്‍ തയ്യാറാക്കുക.

വ്യായാമം

രാവിലെ വ്യായാമം ചെയ്യുന്നത് ഇരട്ടി ഗുണം നല്‍കും. ഇത് തടി കുറയ്ക്കുക മാത്രമല്ല, ശരീരത്തിന് ഊര്‍ജം നല്‍കുകയും ചെയ്യും.

പഞ്ചസാര ഒഴിവാക്കുക

രാവിലെ തന്നെ പഞ്ചസാര പോലുള്ള മധുരങ്ങള്‍ ഒഴിവാക്കുക. അളവു കുറയ്ക്കാം. പകരം ആരോഗ്യകരമായ തേന്‍ പോലുള്ള മധുരങ്ങള്‍ ഉപയോഗിക്കാം.

ജോഗ്

രാവിലെ 20 മിനിറ്റ് ജോഗ് ചെയ്യുന്നത് ഗുണം നല്‍കും. ദിവസവും ഇത് കൃത്യസമയത്ത് ചെയ്യുന്നത് ഗുണം നല്‍കും.

സോന ബാത്ത്

സോന ബാത്ത് ഗുണം നല്‍കും. ഇതിനുള്ള സൗകര്യമുള്ളവര്‍ രാവിലെ തന്നെ ഇത് ചെയ്യുക. തടി കുറയ്ക്കാന്‍ സഹായിക്കുന്ന ഒരു മോണിംഗ് സൂത്രമാണിത്.

സൂര്യപ്രകാശം

സൂര്യപ്രകാശം കൊള്ളുന്നത് വൈറ്റമിന്‍ ഡി ഉണ്ടാകാന്‍ മാത്രമല്ല, തടി കുറയാന്‍ സഹായിക്കുമെന്നും തെളിഞ്ഞിട്ടുണ്ട്. ഈ മാര്‍ഗവും പരീക്ഷിയ്ക്കാം.

കോണിപ്പടികള്‍

രാവിലെ ഓഫീസിലേയ്ക്ക് ലിഫ്റ്റ് ഉപയോഗിക്കേണ്ട, പകരം കോണിപ്പടികള്‍ കയറാം.

കാര്‍ ഒഴിവാക്കുക

നടന്നോ ബസിലോ ഓഫീസില്‍ പോകാന്‍ കഴിയുമെങ്കില്‍ ഇത് തടി കുറയ്ക്കാനുള്ള നല്ലൊരു വഴിയാണ്. ഓഫീസില്‍ പോകേണ്ടെങ്കില്‍ രാവിലെ നടക്കുന്നതും ശീലമാക്കാം.

ഗ്രീന്‍ ടീ

ചായ, കാപ്പി ശീലങ്ങള്‍ രാവിലെ പതിവുള്ളവരാണെങ്കില്‍ ഗ്രീന്‍ ടീ പോലെ ആരോഗ്യകരമായ ശീലങ്ങളിലേയ്ക്കു മാറുക. ഇത് തടി കുറയാന്‍ സഹായിക്കും.