തടി കുറയ്ക്കും തേന്‍, കറുവാപ്പട്ട

Published: Tuesday, May 20, 2014, 11:45 [IST]

തടി കുറയ്ക്കുന്നതില്‍ വ്യായാമത്തിനൊപ്പം ഭക്ഷണത്തിനും മുഖ്യസ്ഥാനമുണ്ട്. തടി കുറയ്ക്കാന്‍ ശ്രമിയ്ക്കുന്നവര്‍ കഴിയ്‌ക്കേണ്ടതും ഉപേക്ഷിയ്‌ക്കേണ്ടതുമായ ചില ഭക്ഷണങ്ങളുമുണ്ട്.

തടി കുറയ്ക്കാന്‍ സഹായിക്കുന്ന ഭക്ഷണങ്ങളില്‍ പ്രധാനമാണ് തേന്‍, കറുവാപ്പട്ട എന്നിവ. ഇവ ഭക്ഷണങ്ങളില്‍ ഉള്‍പ്പെടുത്തുന്നത് ഗുണം ചെയ്യുമെന്ന് തെളിഞ്ഞിട്ടുണ്ട്.

തേന്‍ മധുരത്തിനു പകരം ചേര്‍ക്കാവുന്ന ആരോഗ്യകരമായ ഒരു ചേരുവയാണ്. തടി കുറയ്ക്കാന്‍ ഇത് നല്ലതാണെന്നത് പരീക്ഷണങ്ങളിലൂടെ തെളിഞ്ഞിട്ടുമുള്ളതുമാണ്.

ഇതുപോലെയാണ് കറുവാപ്പട്ടയും. കറുവാപ്പട്ടയും തടി കുറയ്ക്കാന്‍ സഹായിക്കുന്ന മറ്റൊരു ഭക്ഷണമാണ്.

ഇവ കലര്‍ത്തികഴിയ്ക്കുമ്പോഴുള്ള പ്രയോജനവും തടി കുറയക്കാന്‍ ഇവ ഏതെല്ലാം വിധത്തില്‍ പ്രയോജനപ്പെടുമെന്നുമെല്ലാം തിരിച്ചറിയൂ,

ഊര്‍ജം

തേന്‍ കഴിയ്ക്കുന്നത് തടി കുറയ്ക്കുമെന്നു മാത്രമല്ല, ഇത് ഊര്‍ജം നല്‍കുകയും ചെയ്യും. വ്യായാമം ചെയ്യുന്ന പതിവുണ്ടെങ്കില്‍ രാവില ചെറുചൂടുവെള്ളത്തില്‍ അല്‍പം തേന്‍, കറുവാപ്പട്ട പൊടിച്ചത് എന്നിവ ചേര്‍ത്തു കുടിച്ചു നോ്ക്കൂ, വ്യായാമം ചെയ്യാനുള്ള ഊര്‍ജം ലഭിയ്ക്കും.

കൊളസ്‌ട്രോള്‍

കൊളസ്‌ട്രോള്‍ ഹൃദയാരോഗ്യത്തിന് ദോഷം ചെയ്യും. തടി കൂടാനുള്ള ഒരു കാരണം കൂടിയാണിത്. രണ്ടു ടേബിള്‍ സ്പൂണ്‍ തേന്‍, മൂന്നു ടീസ്പൂണ്‍ കറുവാപ്പട്ട പൊടി എന്നിവ 16 ഔണ്‍സ് തേയിലവെള്ളത്തില്‍ കലക്കി കുടിയ്ക്കുന്നത് കൊളസ്‌ട്രോള്‍ കുറയ്ക്കാന്‍ സഹായിക്കും.