ഓഫീസിലിരുന്നു തടിയ്ക്കാതിരിക്കാന്‍....

Published: Thursday, September 5, 2013, 7:06 [IST]

ഒരേയിടത്ത് മണിക്കൂറുകളോളം ഇരുന്നു ജോലി ചെയ്യുന്നവരാണ് ഇപ്പോള്‍ പലരും. ഇതിനിടയില്‍ അനാരോഗ്യകരമായ ഭക്ഷണ ശീലങ്ങളുമുണ്ടാകും. വ്യായാമത്തിന്റെ കുറവും ഇത്തരം ഭക്ഷണശീലങ്ങളും തടി കൂട്ടുകയും ചെയ്യും.

തടി കൂടുന്നതു മാത്രമല്ല, ഇത്തരം ശീലങ്ങള്‍ പ്രമേഹം, കൊളലസ്‌ട്രോള്‍ തുടങ്ങിയ അസുഖങ്ങള്‍ വരുത്തി വയ്ക്കുകയും ചെയ്യും.

ഓഫീസ് ജോലിക്കാര്‍ക്ക് തടി കുറയ്ക്കാനുള്ള വഴികളെപ്പറ്റി അറിയൂ,

ഗ്രീന്‍ ടീ

ചായ, കാപ്പി ശീലങ്ങള്‍ ഓഫീസ് ജോലിയ്ക്കിടെ പതിവായിരിയ്ക്കും. ഇതു മാറ്റി ഗ്രീന്‍ ടീ, കട്ടന്‍ ചായ എന്നിവ പരിശീലിയ്ക്കുക.

മധുരം

കാപ്പിയിലും ചായയിലും മധുരം കുറയ്ക്കുക. നിര്‍ബന്ധമെങ്കില്‍ തേന്‍ പോലുള്ളവ ഉപയോഗിയ്ക്കുക.

സ്‌നാക്‌സ്

സ്‌നാക്‌സ് ജോലികള്‍ക്കിടയിലെ ശീലമായിരിക്കും. ആരോഗ്യകരമായ നട്‌സ് പോലുള്ള സ്‌നാക്‌സ് മാത്രം കഴിയ്ക്കുക.

ചെറുനാരങ്ങയും തേനും

രാവിലെ വെറുംവയറ്റില്‍ ഇളംചൂടുള്ള വെള്ളത്തില്‍ ചെറുനാരങ്ങയും തേനും ചേര്‍ത്തു കുടിയ്ക്കുന്നത് തടി കുറയ്ക്കുവാന്‍ സഹായിക്കും. ശരീരത്തിലെ വിഷാംശങ്ങള്‍ പുറന്തള്ളാനും സഹായിക്കും.

സിട്രസ്

ദിവസവും സിട്രസ് അടങ്ങിയ പഴവര്‍ഗങ്ങള്‍ ശീലമാക്കുക. ഇത് തടി കുറയ്ക്കും.

പ്രഭാത ഭക്ഷണം

പ്രഭാത ഭക്ഷണം ഉപേക്ഷിയ്ക്കുന്ന ശീലം വേണ്ട്. ഇത് തടി കൂട്ടുന്ന ഒരു പ്രധാന ശീലമാണ്.

ഓട്‌സ്

ഓട്‌സ് പോലുളള ആരോഗ്യകരമായ പ്രാതല്‍ ശീലമാക്കുക.

കോണിപ്പടികള്‍

ഓഫീസിലേയ്ക്ക് ലിഫ്റ്റ് ഉപയോഗിക്കാതെ കോണിപ്പടികള്‍ ഉപയോഗിയ്ക്കുക.

വെള്ളം

ധാരാളം വെള്ളം കുടിയ്ക്കുക. ഇത് തടി കുറയ്ക്കാന്‍ സഹായിക്കുന്ന മറ്റൊരു ശീലമാണ്. ഇതുവഴി ശരീരത്തിലെ അപചയപ്രക്രിയ ശരിയായി നടക്കും. കൊഴുപ്പു പുറന്തള്ളുകയും ചെയ്യും.