മഞ്ഞുകാലം തടി കൂട്ടാതിരിയ്ക്കാന്‍

വ്യായാമം

വ്യായാമം തീര്‍ച്ചയായും മഞ്ഞുകാലത്ത് പ്രധാനമാണ്. രാവിലെ വ്യായാമം ചെയ്യുന്നതാണ് കൂടുതല്‍ നല്ലത്. എന്നാല്‍ ഇതിന് സാധിച്ചില്ലെങ്കില്‍ വൈകീട്ടുള്ള വ്യായാമം മുടക്കരുത്.

വിശപ്പ്‌

പുറത്ത് സുഹൃത്തുക്കള്‍ക്കൊപ്പം പാര്‍ട്ടികള്‍ക്കും റെസ്റ്റോറന്റുകളിലും പോകുമ്പോള്‍ ഒരിക്കലും വിശപ്പോടെ പോകരുത്. ഇത് കൂടുതല്‍ ഭക്ഷണം കഴിയ്ക്കുവാന്‍ ഇട വരുത്തും.

സൂപ്പ്

പുറത്തും വീട്ടിലുമുള്ള ഭക്ഷണത്തിനു മുന്നോടിയായി സൂപ്പ് ശീലമാക്കുക. ഇത് വിശപ്പു കുറയ്ക്കും. മഞ്ഞുകാലത്ത് ആരോഗ്യത്തിനും ഏറെ നല്ലതാണ്.

സ്‌നാക്‌സ്‌

സ്‌നാക്‌സും കൊഴുപ്പുള്ള ഭക്ഷണങ്ങളും കഴിയ്ക്കുന്ന ശീലം ഉപേക്ഷിയ്ക്കുക. ഇത് ആവശ്യമില്ലാതെ തടി കൂട്ടുവാന്‍ ഇടയാക്കും. വിശക്കുമ്പോള്‍ ആരോഗ്യകരമായവ തെരഞ്ഞെടുത്തു കഴിയ്ക്കുക.

മദ്യം

മദ്യം തടി കൂട്ടുന്ന ഘടകമാണ്. മദ്യം കഴിവതും ഒഴിവാക്കുക.

വെള്ളം

ധാരാളം വെള്ളം കുടിയ്ക്കുക. ശരീരത്തില്‍ നിന്നും കൊഴുപ്പു പുറന്തള്ളാനുള്ള ഒരു വഴിയാണിത്. ആരോഗ്യത്തിനും ഉത്തമം

സിട്രസ്

സിട്രസ് ഫലവര്‍ഗങ്ങള്‍, ബെറികള്‍ തുടങ്ങിയവ ഭക്ഷണശീലത്തില്‍ പെടുത്തുക. ഇത് തടി നിയന്ത്രിയ്ക്കുവാന്‍ സഹായിക്കും. ഇവ ആരോഗ്യത്തിന് നല്ലതുമാണ്. അസുഖങ്ങളും തടയും.

എണ്ണ

ഭക്ഷണങ്ങള്‍ വേവിച്ചും ആവി കയറ്റിയും പച്ചയ്ക്കുമെല്ലാം കഴിയ്ക്കാം. എണ്ണ ചേര്‍ത്തുള്ള വിഭവങ്ങള്‍ ഉപേക്ഷിയ്ക്കുക.

സൈക്കിള്‍ സവാരി

കാര്‍ ഉപേക്ഷിച്ച് സൈക്കിള്‍ സവാരി തെരഞ്ഞെടുക്കാം. ഇത് തടി കുറയ്ക്കാനുള്ള നല്ലൊന്നാന്തരം വ്യായാമമാണ്.