വയറൊതുക്കാന്‍ ചില ഭക്ഷണങ്ങള്‍

1. മുട്ടയുടെ വെള്ള

പ്രോട്ടീനുകളും, അമിനോ ആസിഡുകളും സമൃദ്ധമായി അടങ്ങിയതാണ് മുട്ടവെള്ള. പ്രഭാതഭക്ഷണത്തിനൊപ്പം പതിവായി മുട്ടയുടെ വെള്ള കഴിക്കുന്നത് ധാരാളം പ്രോട്ടീന്‍ ലഭ്യമാക്കുകയും, വിശപ്പ് കുറയ്ക്കുകയും ചെയ്യും.

2. ഗ്രീന്‍ ടീ

പഞ്ചസാര ചേര്‍ക്കാതെ ഇടക്കിടക്ക് ഗ്രീന്‍ ടീ കുടിക്കുക. ആന്‍റി ഓക്സിഡന്‍റുകളാല്‍‌ സമ്പന്നമായ ഗ്രീന്‍ ടീ ശാരീരിക പ്രവര്‍ത്തനങ്ങളെ സജീവമാക്കുകയും കൊഴുപ്പ് ഇല്ലാതാക്കുകയും ചെയ്യും. എത്രത്തോളം കൊഴുപ്പ് കുറയുന്നോ അത്രത്തോളം വ്യായാമം കുറയ്ക്കാം.

3. ബദാം

പേശികളുടെ വളര്‍ച്ചക്കും, കരുത്തിനും സഹായിക്കുന്ന പ്രോട്ടീനുകളും, മിനറലുകളും, ഫൈബറും, വിറ്റാമിനുകളും സമൃദ്ധമായി അടങ്ങിയതാണ് ബദാം. വിശപ്പ് നിയന്ത്രിക്കാന്‍ ഉത്തമമായ ഒന്നാണിത്.

4. തൈര്

വയറിന് ചുറ്റുമുള്ള കൊഴുപ്പ് കുറയ്ക്കാന്‍ ഉത്തമമായ ഒന്നാണ് തൈര്. തൈരിലടങ്ങിയ ബാക്ടീരിയകള്‍ ദഹനത്തെ കാര്യക്ഷമമാക്കുകയും വയറില്‍ കൊഴുപ്പ് അടിഞ്ഞ്കൂടുന്നത് തടയുകയും ചെയ്യും.

5. പുഴുക്കലരി

വയറിനെ ആകര്‍ഷമാക്കാന്‍ പുഴുക്കലരി പോലുള്ള പേശികളുടെ ആരോഗ്യത്തിന് സഹായിക്കുന്ന കാര്‍ബോഹൈഡ്രേറ്റുകളും, പ്രോട്ടീനുകളും, വിറ്റാമിനുകളും അടങ്ങിയ ഭക്ഷണം കഴിക്കണം. വിറ്റാമിന്‍ ബി സമൃദ്ധമായി അടങ്ങിയ പുഴുക്കലരി കലോറി ധാരാളമായി ഇല്ലാതാക്കാന്‍ സഹായിക്കും.

6. ഇലക്കറികള്‍

വയര്‍ കുറയ്ക്കാന്‍ ഏറെ സഹായിക്കുന്നതാണ് ഇലക്കറികള്‍. കാബേജ്, ചീര തുടങ്ങിയ ഇലക്കറികള്‍ കലോറി കുറഞ്ഞവയും, ധാരാളം ഫൈബര്‍ അടങ്ങിയതുമാണ്. ഇവ ദൈനംദിന ആഹാരത്തില്‍ ഉള്‍പ്പെടുത്തുക. വിശപ്പിനെ നിയന്ത്രിക്കാനും ഇവ സഹായിക്കും.

7. ഓട്ട്സ്

കലോറി കുറഞ്ഞതും, ഫൈബര്‍ ഏറെ അടങ്ങിയതുമാണ് ഓട്ട്സ്. രാവിലെ ഓട്ട്സ് കഴിക്കുന്നത് ദിവസം മുഴുവന്‍ ഊര്‍ജ്ജം നല്കുകയും അതോടൊപ്പം അമിതഭക്ഷണം ഒഴിവാക്കാന്‍ സഹായിക്കുകയും ചെയ്യും.

8. നാരങ്ങ, തേന്‍

ശരീരത്തിലെ കൊഴുപ്പ് കുറയ്ക്കാന്‍ ഫലപ്രദമായ മാര്‍ഗ്ഗമാണ് നാരങ്ങയും തേനും. ഒരു ഗ്ലാസ് ചൂടുവെള്ളത്തില്‍ നാരങ്ങനീരും, ഒരു സ്പൂണ്‍ തേനും ചേര്‍ത്ത് കുടിക്കുന്നത് മികച്ച ഫലം നല്കും.

9. തക്കാളി

ശരീരത്തിലെ ചൂട് കുറയ്ക്കാനും, ജലാംശം നിലനിര്‍ത്താനും തക്കാളി ഫലപ്രദമാണ്. ശാരീരകപ്രവര്‍ത്തനങ്ങളെ സജീവമാക്കുകയും, വിശപ്പിനെ നിയന്ത്രിക്കുകയും ചെയ്യുന്ന ലെപ്റ്റിന്‍ എന്ന പ്രോട്ടീന്‍ തക്കാളിയില്‍ അടങ്ങിയിട്ടുണ്ട്.

10. വെളുത്തുള്ളി

ദഹനത്തിന് ഏറെ സഹായിക്കുന്ന ഒന്നാണ് വെളുത്തുള്ളി. മികച്ച ദഹനം കുടലിനെ ശുദ്ധിയാക്കി നിര്‍ത്തുകയും ശരീരത്തില്‍ കൊഴുപ്പ് അടിഞ്ഞുകൂടുന്നത് തടയുകയും ചെയ്യും.