നിങ്ങള്‍ക്ക് പ്രമേഹമുണ്ടോ??

Updated: Tuesday, August 4, 2015, 10:57 [IST]

പണ്ടൊക്കെ പ്രായക്കുടുതലുണ്ടാകുമ്പോള്‍ വരുന്ന രോഗമായിരുന്നു പ്രമേഹമെങ്കിലും ഇപ്പോഴത്തെ ജീവിതം ചെറുപ്പക്കാരെ വരെ പ്രമേഹത്തിനടിമകളാക്കുന്നുണ്ട്.

സൈലന്റ് കില്ലറെന്ന ഓമനപ്പേരും ഇതിനുണ്ട്. കാരണം പ്രമേഹമുള്ളവര്‍ക്ക് ഹൃദയാഘാത സാധ്യത കൂടുതലാണ്. ഇത് തിരിച്ചറിയാനും സാധിയ്ക്കില്ല.

തുടക്കത്തില്‍ തന്നെ കണ്ടെത്തി പരിഹരിയ്ക്കാന്‍ ശ്രമിച്ചാല്‍ പ്രമേഹം നിയന്ത്രണത്തില്‍ നിര്‍ത്താവുന്നതേയുള്ളൂ.

പ്രമേഹമുണ്ടോയെന്നു തിരിച്ചറിയാനുള്ള ചില വഴികളെക്കുറിച്ചറിയൂ, സ്വയംഭോഗം അമിതമാകുന്നുണ്ടോ?

മൂത്രമൊഴിയ്ക്കാനുള്ള തോന്നല്‍

ഇടയ്ക്കിടെ മൂത്രമൊഴിയ്ക്കാനുള്ള തോന്നല്‍ പ്രമേഹത്തിന്റെ ലക്ഷണമാണെന്നു പറയാം. രക്തത്തില്‍ അധികം വരുന്ന പഞ്ചസാര മൂത്രത്തിലൂടെ പുറന്തള്ളുകയാണെന്നു പറയാം.

മൂത്രമൊഴിച്ച ശേഷം ദാഹം

മൂത്രമൊഴിച്ച ശേഷം ദാഹം അനുഭവപ്പെടുകയാണെങ്കില്‍ ഇതും പ്രമേഹലക്ഷണമാകാം.

തൂക്കം കുറയുന്നത്

മറ്റു കാരണങ്ങളൊന്നുമില്ലാതെ പെട്ടെന്നു തന്നെ തൂക്കം കുറയുന്നത് പ്രമേഹം കൊണ്ടുമാകാം. ഗ്ലൂക്കോസ് വേണ്ട രീതിയില്‍ ആഗിരണം ചെയ്യപ്പെടാതാകുമ്പോള്‍ ശരീരത്തിന് ഊര്‍ജനഷ്ടമുണ്ടാകുന്നു. അപ്പോള്‍ ശരീരത്തിലെ കൊഴുപ്പ് ഊര്‍ജമായി രൂപാന്തരപ്പെടും. ഇതാണ് തടി കുറയുന്നതിനു പുറകില്‍.