പ്രമേഹമുള്ളവരുടെ ശ്രദ്ധയ്ക്ക്‌........

1. വായ ശുചിത്വം

വായയുടെ ശുചിത്വവും പ്രമേഹവുമായി ബന്ധപ്പെട്ടു കിടക്കുന്നു. ഇക്കാരണത്താലാണ് പ്രമേഹം കണ്ടെത്തിയാല്‍ പല്ലിന്‍റെ കാര്യത്തില്‍ ശ്രദ്ധ നല്കണം എന്ന് പറയുന്നത്. രക്തത്തിലെ പഞ്ചസാരയുടെ ഉയര്‍ന്ന അളവ് മോണയിലെ അണുബാധയ്ക്കും രോഗങ്ങള്‍ക്കും കാരണമാകും. ഇക്കാരണത്താല്‍ വായുടെ ശുചിത്വം പ്രമേഹ രോഗികളുടെ ജീവിതത്തില്‍ പ്രധാനമാണ്.

2. ആരോഗ്യം

പ്രമേഹരോഗികളെ സംബന്ധിച്ച് ആരോഗ്യത്തോടെയിരിക്കേണ്ടത് പ്രധാനപ്പെട്ട കാര്യമാണ്. യോഗ, എയ്റോബിക്സ്, ബ്രിസ്ക് വാക്കിങ്ങ് എന്നിവ ഇതിനുള്ള ചില മാര്‍ഗ്ഗങ്ങളാണ്. എന്നാല്‍ സ്ട്രെങ്ങ്ത് ട്രെയിനിങ്ങ് വ്യായാമങ്ങള്‍ ചെയ്യാന്‍ തയ്യാറാണെങ്കില്‍ അവ നിങ്ങളുടെ ശരീരത്തിന്‍റെ ഇന്‍സുലിന്‍ സംവേദനത്വം വര്‍ദ്ധിപ്പിക്കുകയും രക്തത്തിലെ പഞ്ചസാരയുടെ അളവ് നിയന്ത്രിക്കുകയും ചെയ്യും.

3. ഫൈബര്‍ സമ്പുഷ്ടമായ ഭക്ഷണങ്ങള്‍

പ്രമേഹരോഗമുള്ളവര്‍ ഫൈബര്‍ സമ്പുഷ്ടമായ ആഹാരങ്ങള്‍ കഴിക്കണമെന്ന് അടുത്ത കാലത്ത് നടത്തിയ ഒരു പഠനം വെളിപ്പെടുത്തുന്നു. പരിപ്പ്, പയര്‍, പച്ചക്കറികള്‍ തുടങ്ങിയവ ഫൈബര്‍ ധാരാളമായി അടങ്ങിയതാണ്. ഇത് കാര്‍ബോഹൈഡ്രേറ്റ് മെറ്റബോളിസം ആരംഭിക്കാനും, കൊളസ്ട്രോള്‍ നില താഴാനും, പ്രമേഹം നിയന്ത്രിക്കാനും സഹായിക്കുന്നതാണ്.

4. സമ്മര്‍ദ്ദം അകറ്റി നിര്‍ത്തുക

മാനസിക സമ്മര്‍ദ്ദം രക്തത്തിലെ പഞ്ചസാരയുടെ അളവ് വര്‍ദ്ധിപ്പിക്കുകയും ഹൃദയത്തിന് ദോഷകരമാകുകയും ചെയ്യും. മാനസിക സമ്മര്‍ദ്ദം കുറയ്ക്കുന്നതിന് പ്രമേഹരോഗികള്‍ യോഗ ചെയ്യണം. ഇത് മനസിനെ ശാന്തമാക്കാനും ആരോഗ്യത്തോടെയിരിക്കാനും സഹായിക്കും.

5. നല്ല പാദരക്ഷ

നിങ്ങളൊരു പ്രമേഹ രോഗിയാണെങ്കില്‍ സൗകര്യപ്രദമായ ഒരു പാദരക്ഷ തെരഞ്ഞെടുക്കുക. ഇത് വ്രണങ്ങളും, പൊട്ടലുകളും ഉണ്ടാകുന്നത് തടയുകയും അതുവഴി പാദത്തില്‍ ഡയബറ്റിക് ഫൂട്ട്, അഴുകല്‍ പോലുള്ള അണുബാധകളെ തടയുകയും ചെയ്യും.

6. പഞ്ചസാരയുടെ അളവ് പരിശോധിക്കുക

സാധാരണ നിലയിലുള്ള ജീവിതത്തിന് പ്രമേഹ രോഗികള്‍ രക്തത്തിലെ പഞ്ചസാരയുടെ അളവ് ആഴ്ചയിലൊരിക്കലെങ്കിലും പരിശോധിക്കണം. ഇത് വഴി നിങ്ങളുടെ ആരോഗ്യ സ്ഥിതി മനസിലാക്കാനാവും.

7. കൊളസ്ട്രോളില്ലാത്ത ആഹാരം

പ്രമേഹരോഗികള്‍ കൊളസ്ട്രോള്‍ അടങ്ങാത്ത ഭക്ഷണങ്ങള്‍ കഴിക്കണം. പ്രമേഹമുള്ളവരില്‍ കൊളസ്ട്രോള്‍ ഹൃദയാഘാതം, ഹൃദയസ്തംഭനം പോലുള്ള പ്രശ്നങ്ങള്‍ക്ക് ഇടയാക്കും. ഇക്കാരണത്താല്‍ കലോറി കൂടിയ ഭക്ഷണങ്ങള്‍ ഒഴിവാക്കുക.