പ്രമേഹത്തിനു പ്രതിവിധി ജ്യൂസോ?

By Sruthi K M

Published: Monday, April 6, 2015, 12:44 [IST]

പ്രമേഹം നിയന്ത്രിക്കാനും പ്രമേഹത്തിന്റെ അളവ് കുറയ്ക്കാനും ജ്യൂസുകള്‍ക്ക് സാധിക്കുമത്രേ.. പ്രമേഹത്തിനു പ്രതിവിധി ജ്യൂസെന്ന് കേട്ട് നിങ്ങള്‍ ഞെട്ടണ്ട.. രക്തത്തില്‍ പഞ്ചസാരയുടെ അളവ് കൂടുന്നത് പേടിച്ച് നിങ്ങളുടെ ഇഷ്ടപ്പെട്ടെ ജ്യൂസ് വേണ്ടെന്ന് വെക്കേണ്ട കാര്യമൊന്നുമില്ല. പക്ഷെ, ഏതൊക്കെ ജ്യൂസ് കുടിക്കണം, എങ്ങനെ കുടിക്കണം എന്നുള്ളത് ശ്രദ്ധിക്കുക തന്നെ വേണം..

പ്രമേഹരോഗികള്‍ക്കായി പ്രത്യേകം തയ്യാറാക്കാവുന്ന പച്ചക്കറി, പഴവര്‍ഗ ജ്യൂസുകള്‍ പറഞ്ഞു തരാം. പ്രമേഹം മാത്രമല്ല ഈ വേനല്‍ക്കാലത്ത് ദാഹശമനത്തിനും മറ്റ് പല രോഗങ്ങള്‍ തടയുന്നതിനും ജ്യൂസുകള്‍ അത്യുത്തമമാണ്..

നെല്ലിക്ക ജ്യൂസ്

പ്രമേഹ രോഗികള്‍ക്ക് കുടിക്കാവുന്ന ജ്യൂസാണ് നെല്ലിക്ക ജ്യൂസ്. പ്രമേഹം തടഞ്ഞു നിര്‍ത്താന്‍ ഏറ്റവും നല്ലത് നെല്ലിക്ക ജ്യൂസ് കുടിക്കുന്നതാണ്. മല്ലിയില, പൊതിനയില, ഇഞ്ചി, പച്ചമുളക് എന്നിവയൊക്കെ നെല്ലിക്കയ്‌ക്കൊപ്പം ചേര്‍ക്കാം.

ബീറ്റ്‌റൂട്ട് ജ്യൂസ്

രക്തത്തിലെ പഞ്ചസാരയുടെ അളവ് നിയന്ത്രിച്ചു നിര്‍ത്താന്‍ കഴിവുള്ള മറ്റൊരു ജ്യൂസാണ് ബീറ്റ്‌റൂട്ട് ജ്യൂസ്.

ക്യാരറ്റ് ജ്യൂസ്

ക്യാരറ്റില്‍ വൈറ്റമിന്‍ എ,ബി പൊട്ടാസ്യം, സോഡിയം, കാത്സ്യം, അയഡിന്‍, സള്‍ഫര്‍, കാര്‍ബോഹൈഡ്രേറ്റ് എന്നിവയൊക്കെ ധാരാളം അടങ്ങിയിട്ടുണ്ട്. ക്യാരറ്റ് ജ്യൂസ് കുടിക്കുന്നതിലൂടെ പഞ്ചസാരയുടെ അളവ് നിയന്ത്രിച്ചു നിര്‍ത്താം. വിളര്‍ച്ച, കരളിന്റെ തകരാര്‍, രക്തത്തിലെ വിഷാംശം, അള്‍സര്‍ എന്നിവയൊക്കെ ക്യാരറ്റ് ജ്യൂസ് കുടിച്ച് മാറ്റാം.

കക്കിരി

പ്രമേഹ രോഗികള്‍ക്കും പ്രമേഹം വരാതെ നോക്കാനും കക്കിരി ജ്യൂസ് കുടിക്കാം.

കൈപ്പയ്ക്ക

കൈപ്പയ്ക്ക ജ്യൂസ് ശരീരത്തില്‍ എത്തുന്നത് ഏറ്റവും നല്ലതാണ്. പല രോഗങ്ങള്‍ക്കും അത്യുത്തമ മരുന്നാണിത്. കൈപ്പുണ്ടെന്ന് കരുതി ഇത് കുടിക്കാതിരിക്കുക. കൈപ്പയ്ക്ക ജ്യൂസ് കുടിച്ച് ആരോഗ്യത്തെ നിലനിര്‍ത്തൂ.

കുമ്പളം

രാവിലെ എഴുന്നേറ്റ് കുമ്പളങ്ങ ജ്യൂസ് കുടിക്കുന്നതാണ് മറ്റൊരു പരിഹാരം. പൊണ്ണത്തടി കുറയ്ക്കാനും ഇത് സഹായിക്കും.

മുന്തിരി ജ്യൂസ്

കടുംനിറമുള്ള പഴങ്ങളുടെ സത്തുകള്‍ രക്തസമ്മര്‍ദ്ദം കൂട്ടാനും രക്തത്തിലെ പഞ്ചസാര കുറയ്ക്കാനും നല്ലതാണ്. ജ്യൂസ് ഉണ്ടാക്കുമ്പോള്‍ പഞ്ചസാര കുറച്ച് ഉണ്ടാക്കിയാല്‍ മതി. പഞ്ചസാര ഇടാതിരിക്കുന്നതാണ് നല്ലത്.