കാപ്പി കുടിച്ചാല്‍ പ്രമേഹം കൂടുമോ?

ഇന്‍സുലിന്‍ സംവേദനത്വം കുറയ്ക്കുന്നു -

ചില ഹ്രസ്വകാല മെറ്റബോളിക് ഗവേഷണങ്ങള്‍ പ്രകാരം കഫീന്‍ അധികമായി ഉപയോഗിക്കുന്നത് ഇന്‍സുലിന്‍ സംവേദനത്വം കുറയ്ക്കാന്‍ കാരണമാകും. ഇത് വഴി കോശങ്ങള്‍ക്ക് ഇന്‍സുലിന്‍റെ ഗുണം ലഭിക്കാതെ വരുകയും രക്തത്തിലെ ഗ്ലൂക്കോസിന്‍റെ അളവ് വര്‍ദ്ധിക്കുകയും ചെയ്യും. എന്നിരുന്നാലും കാപ്പി കുറഞ്ഞ അളവില്‍ ഉപയോഗിക്കുന്നത് ഇന്‍സുലിന്‍ സംവേദനത്വത്തെ ബാധിക്കില്ല.

ഗ്ലൂക്കോസിനോടുള്ള പൊരുത്തം കുറയുന്നു

കാപ്പി അമിതമായി ഉപയോഗിക്കുന്നത് ഗ്ലൂക്കോസിനോടുള്ള പൊരുത്തപ്പെടല്‍ കുറയാന്‍ കാരണമാകും. രക്തത്തിലെ ഗ്ലൂക്കോസിന്‍റെ അളവ് വലിയ തോതില്‍ വ്യത്യാസപ്പെടും. ഗ്ലൂക്കോസ് ഉപയോഗിക്കാനുള്ള ശരീരത്തിന്‍റെ സാധാരണമായ പ്രവര്‍ത്തനം തകരാറിലാവുകയും രക്തത്തിലെ പഞ്ചസാരയുടെ അളവില്‍ വ്യക്തമായ മാറ്റം തിരിച്ചറിയാനാവുകയും ചെയ്യും.

കഫീനും കാര്‍ബോഹൈഡ്രേറ്റും

രക്തത്തിലെ പഞ്ചസാരയുമായുള്ള കാപ്പിയുടെ സ്വാധീനം സംബന്ധിച്ച ഒരു പഠനം രസകരമായ കണ്ടെത്തലിലാണ് എത്തുന്നത്. പ്രമേഹമുള്ളവര്‍ കോഫി കുടിച്ച് ഉടന്‍ തന്നെ കാര്‍ബോഹൈഡ്രേറ്റ് കഴിച്ചാല്‍ ഗ്ലൂക്കോസ് ഉയര്‍ന്ന തോതില്‍ വര്‍ദ്ധിക്കുമെന്നാണ് ഈ പഠനത്തില്‍ കണ്ടെത്തിയത്.

ക്ഷണികമായ ഇന്‍സുലിന്‍ പ്രതിരോധം

കോഫി കുടിക്കുന്നത് ഒരു ഹ്രസ്വമായ സമയത്തേക്ക് ഇന്‍സുലിന്‍ പ്രതിരോധത്തിന് കാരണമാകാം. കോഫി കുടിച്ചതിന് ശേഷം ഗ്ലൂക്കോസിന്‍റെ അളവ് വര്‍ദ്ധിക്കാനുള്ള ഒരു പ്രധാന കാരണമായി കാണുന്നത് ഇതാണ്. കോഫി കുടിച്ചതിന് ശേഷം കാര്‍ബോഹൈഡ്രേറ്റ് കഴിച്ചാല്‍ താല്കാലിക ഇന്‍സുലിന്‍ പ്രതിരോധം രക്തത്തിലെ ഗ്ലൂക്കോസിന്‍റെ അളവിലുള്ള വര്‍ദ്ധനക്ക് കാരണമാകും.

അഡ്രിനാലിന്‍

കോഫി അമിതമായി കുടിച്ചാല്‍ അഡ്രിനാലിന്‍റെ അളവ് വര്‍ദ്ധിക്കും. രക്തത്തിലെ ഗ്ലൂക്കോസിന്‍റെ അളവിനെ ബാധിക്കുന്ന ഒരു ഹോര്‍മോണാണ് അഡ്രിനാലിന്‍. അഡ്രിനാലിന്‍റെ അളവിലുള്ള വര്‍ദ്ധനവ് രക്തത്തിലെ ഗ്ലൂക്കോസിന്‍റെ താല്കാലികമായ ഉയര്‍ച്ചക്ക് കാരണമാകും. എന്നിരുന്നാലും ഇത് അല്പസമയത്തേക്ക് മാത്രം അനുഭവപ്പെടുന്നതാണ്.