പ്രമേഹമുണ്ടോ, ഇവ ഒഴിവാക്കൂ

Updated: Thursday, August 7, 2014, 11:31 [IST]

പ്രമേഹരോഗികള്‍ക്ക് ഭക്ഷണനിയന്ത്രണം അതിപ്രധാനം. കാരണം ശരീരത്തിലെ ഗ്ലൂക്കോസിന്റെ അളവു കൂട്ടുന്നതിലും കുറയ്ക്കുന്നതിലുമെല്ലാം ഭക്ഷണത്തിന് പ്രധാന പങ്കുണ്ട്.

പ്രമേഹരോഗികള്‍ക്ക് മധുരമുള്ള മിക്കവാറും സാധനങ്ങള്‍ നിഷിദ്ധമാണ്. എന്നാല്‍ സ്വാഭാവിക മധുരങ്ങള്‍, പ്രത്യേകിച്ച് ഫ്രഷ് ഫ്രൂട്‌സ് പോലുള്ളവ ഒരു പരിധി വരെയാകാം. അളവു കുറവാകണമെന്നു മാത്രം. കൂടുതല്‍ മധുരമടങ്ങുന്ന ചില പഴവര്‍ഗങ്ങള്‍ ഒഴിവാക്കുകയും ചെയ്യണം.

മധുരം മാത്രമല്ല, വറുത്തതും കാര്‍ബോഹൈഡ്രേറ്റ് തോത് വര്‍ദ്ധിച്ചതുമായ ഭക്ഷണങ്ങളും ഒഴിവാക്കേണ്ട് ലിസ്റ്റില്‍ പെടുന്നു.

പ്രമേഹരോഗികള്‍ ഒഴിവാക്കേണ്ട ചില ഭക്ഷണവസ്തുക്കളെക്കുറിച്ചറിയൂ,

ഫ്രൂട് ജ്യൂസുകള്‍

ഫ്രൂട് ജ്യൂസുകള്‍ ഒഴിവാക്കേണ്ട ഒന്നാണ്. ഇതില്‍ ഫൈബര്‍ അളവ് തീരെയില്ല. മാത്രമല്ല, ഫ്രക്ടോസ് അളവു കൂടുതലുമാണ്.

ഫ്രഞ്ച് ഫ്രൈ

ഫ്രഞ്ച് ഫ്രൈ ഒഴിവാക്കേണ്ട മറ്റൊന്നാണ്. ഉരുളക്കിഴങ്ങു കൊണ്ടുണ്ടാക്കുന്നതും വറുത്തതുമായ ഇത് രക്തത്തിലെ ഗ്ലൂക്കോസ് തോത് വര്‍ദ്ധിയ്ക്കാന്‍ ഇട വരുത്തും.

പഴം

പഴത്തില്‍ കാര്‍ബോഹൈഡ്രേറ്റ് തോത് ധാരാളമുണ്ട്. ഇതും ഒഴിവാക്കേണ്ട ഒന്നു തന്നെ.

ഉണക്കമുന്തിരി

ഉണക്കമുന്തിരിയില്‍ മധുരം ധാരാളമുണ്ട്. ഇതും പ്രമേഹരോഗികള്‍ ഒഴിവാക്കുക തന്നെ വേണം.

മൈദ

മൈദയടങ്ങിയ ഭക്ഷണസാധനങ്ങള്‍ ഒഴിവാക്കണം. ഇത് തടി കൂട്ടും. റിഫൈന്‍ഡ് ഭക്ഷണമായതു കൊണ്ടുതന്നെ പ്രമേഹത്തിനു ദോഷം ചെയ്യും.

വൈറ്റ്‌ബ്രെഡ്

ഫൈബര്‍ തീരെ കുറഞ്ഞ, മധുരം ധാരാളമുള്ള ഭക്ഷ്യവസ്തുവാണ് വൈറ്റ്‌ബ്രെഡ്. ഇതും പ്രമേഹരോഗത്തിനു നല്ലതല്ല.

മധുരക്കിഴങ്ങ്

മണ്ണിനടിയില്‍ വളരുന്ന കിഴങ്ങു വര്‍ഗങ്ങള്‍ കഴിവതും ഒഴിവാക്കുന്നതാണു നല്ലത്. പ്രത്യേകിച്ച് മധുരക്കിഴങ്ങ്. ഇത് രക്തത്തിലെ ഗ്ലൂക്കോസ് തോത് വര്‍ദ്ധിപ്പിയ്ക്കും.