ചില ഇന്‍സുലിന്‍ അപകടങ്ങള്‍

Diabetes

oi-Saritha

By Veena

Published: Thursday, April 19, 2012, 11:27 [IST]

പ്രമേഹത്തിനുള്ള ചികിത്സാമാര്‍ഗങ്ങളിലൊന്നാണ് ഇന്‍സുലിന്‍ ഇഞ്ചക്ഷന്‍. രക്തത്തിലെ ഇന്‍സുലിന്‍ തോത് കുറയുമ്പോഴാണ് പഞ്ചസാര വര്‍ദ്ധിക്കുന്നത്. ഇത്തരം അവസരത്തിലാണ് രോഗിക്ക് ഇന്‍സുലിന്‍ കുത്തിവയ്പ് നല്‍കുന്നത്.

പ്രമേഹത്തെ ഈ രീതിയില്‍ നിയന്ത്രിച്ചു നിര്‍ത്തുമെങ്കിലും ഇന്‍സുലിന്‍ കുത്തിവയ്പിന് ദോഷവശങ്ങളുമുണ്ട്. ഒരു തവണ ഇന്‍സുലിന്‍ കുത്തിവച്ചാല്‍ പിന്നീട് രക്തത്തിലെ പഞ്ചസാരയുടെ തോത് എപ്പോഴും താണിരിക്കും. ഒരു പരിധിയില്‍ കവിഞ്ഞ് പഞ്ചസാരയുടെ തോത് താണാല്‍ തല ചുറ്റുണ്ടാകാന്‍ സാധ്യതയുണ്ട്.

രക്തത്തിലെ പഞ്ചസാരയുടെ തോത് ക്രമാതീതമായി കുറയുമ്പോള്‍ ശരീരത്തിലെ അപചയപ്രവര്‍ത്തനങ്ങളും കുറയും. ഇത് തലച്ചോറിനെ ബാധിക്കുകയും ഇത് ചുഴലിദീനം വരുത്തുകയും ചെയ്യും.

ഇന്‍സുലിന്‍ കുത്തിവയ്ക്കുന്നവരില്‍ എപ്പോഴും വിയര്‍ക്കാനുള്ള പ്രവണത കണ്ടുവരുന്നു. കിതപ്പും ഇവരില്‍ കൂടുതലായിരിക്കും. അതിവേഗത്തില്‍ ശ്വാസമെടുക്കുന്നതായും കണ്ടുവരുന്നു.

കുത്തിവയ്പ് ചിലപ്പോള്‍ ബിപി ആവശ്യമായ തോതിലും കുറയ്ക്കും. ഇത് തലചുറ്റും ക്ഷീണവും തലവേദനയും ഉണ്ടാക്കും.

ഹൈപ്പോഗ്ലൈസീമിയ എന്ന അവസ്ഥയും ഇന്‍സുലിന്‍ കുത്തിവയ്പ് ഉണ്ടാക്കാറുണ്ട്. എപ്പോഴും ദാഹം തോന്നുക, മൂത്രമൊഴിക്കാനുള്ള തോന്നല്‍ എന്നിവ ഇതിന്റെ ലക്ഷണങ്ങളാണ്.

ചിലരില്‍ ഇന്‍സുലിന്‍ ഇഞ്ചക്ഷന്‍ ചര്‍മത്തിന് അലര്‍ജിയും ചൊറിച്ചിലും ഉണ്ടാക്കുന്നതായും കണ്ടുവരുന്നുണ്ട്.

അപൂര്‍വം ചിലരില്‍ ഇന്‍സുലിന്‍ കുത്തിവയ്‌പെടുത്താല്‍ ഛര്‍ദിയും കണ്ടുവരാറുണ്ട്.

ഇത്തരം പ്രശ്‌നങ്ങള്‍ ഒഴിവാക്കാന്‍ പ്രമേഹം വരാതെ നോക്കുകയാണ് ആദ്യവഴി. പ്രമേഹമുള്ളവര്‍ ചിട്ടയായ ആഹാരവും വ്യായാമവും കൊണ്ട് ഇന്‍സുലിന്‍ കുത്തിവയ്പ് കഴിവതും ഒഴിവാക്കാന്‍ ശ്രമിക്കണം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.